«Գրանցված է»

ՀՀ արդարադատության

նախարարության կողմից

11 սեպտեմբերի 2017 թ.

Պետական գրանցման թիվ 05017370

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԿԵՆՏՐՈՆԱԿԱՆ ԲԱՆԿԻ ԽՈՐՀՈՒՐԴ

1 սեպտեմբերի 2017 թ.

թիվ 192-Ն

Ո Ր Ո Շ ՈՒ Մ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿԻ ԽՈՐՀՐԴԻ 2011 ԹՎԱԿԱՆԻ ՄԱՅԻՍԻ 2-Ի ԹԻՎ 117-Ն ՈՐՈՇՄԱՆ ՄԵՋ ԼՐԱՑՈՒՄՆԵՐ ԵՎ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Նպատակ ունենալով կարգավորել ներդրումային ֆոնդերի կանոնների գրանցման ընթացակարգը,

հիմք ընդունելով «Ներդրումային ֆոնդերի մասին» Հայաստանի Հանրապետության օրենքի 4-րդ հոդվածի 1-ին մասը, 21-րդ հոդվածի 1-ին մասը,

ղեկավարվելով «Հայաստանի Հանրապետության կենտրոնական բանկի մասին» Հայաստանի Հանրապետության օրենքի 20-րդ հոդվածի «ե» կետով և «Իրավական ակտերի մասին» Հայաստանի Հանրապետության օրենքի 16-րդ հոդվածով և 70-րդ հոդվածի 1-ին մասով` Հայաստանի Հանրապետության կենտրոնական բանկի խորհուրդը որոշում է.

1. Հայաստանի Հանրապետության կենտրոնական բանկի խորհրդի 2011 թվականի մայիսի 2-ի «Ներդրումային ֆոնդի (ֆոնդի կանոնների) գրանցումը, օտարերկրյա ներդրումային ֆոնդի արժեթղթերը Հայաստանի Հանրապետությունում վաճառելու համար նախնական թույլտվություն տրամադրելու կարգն ու պայմանները» թիվ 117-Ն որոշմամբ հաստատված «Ներդրումային ֆոնդի (ֆոնդի կանոնների) գրանցումը, օտարերկրյա ներդրումային ֆոնդի արժեթղթերը Հայաստանի Հանրապետությունում վաճառելու համար նախնական թույլտվություն տրամադրելու կարգն ու պայմանները» կանոնակարգ 10/11-ում (այսուհետ՝ Կանոնակարգ) կատարել հետևյալ լրացումները ու փոփոխությունները.

1) Կանոնակարգը 13-րդ կետից հետո լրացնել հետևյալ բովանդակությամբ 13.1-րդ կետով.

«13.1 Պայմանագրային ֆոնդի կանոնների գրանցման մասին Կենտրոնական բանկի խորհրդի որոշումը կայացնելու պահից 5 աշխատանքային օրվա ընթացքում միջնորդագիր ներկայացրած անձին հանձնվում է պայմանագրային ներդրումային ֆոնդի կանոնների գրանցման վկայականը` համաձայն սույն կանոնակարգի Հավելված 4.1-ի:»,

2) Կանոնակարգը 29-րդ կետից հետո լրացնել հետևյալ բովանդակությամբ 29.1-րդ կետով.

«29.1 Որակավորված ներդրողների պայմանագրային ֆոնդի կանոնների գրանցման մասին Կենտրոնական բանկի խորհրդի որոշումը կայացնելու պահից 5 աշխատանքային օրվա ընթացքում միջնորդագիր ներկայացրած անձին հանձնվում է պայմանագրային ներդրումային ֆոնդի կանոնների գրանցման վկայականը` համաձայն սույն կանոնակարգի Հավելված 4.1-ի:»,

3) Կանոնակարգի 33-րդ կետում «Գրանցման» բառից առաջ լրացնել «Կորպորատիվ ֆոնդի» բառերը,

4) Կանոնակարգի 33-րդ կետից հանել «և գրանցման վկայականի վերաձևակերպման համար պետական տուրքի վճարման անդորրագիրը» բառերը,

5) Կանոնակարգը 33-րդ կետից հետո լրացնել հետևյալ բովանդակությամբ 33.1-րդ կետով.

«33.1 Ֆոնդի կանոնների գրանցման վկայականի վերաձևակերպման համար միջնորդագիր ներկայացրած անձը Կենտրոնական բանկ է ներկայացնում վերաձևակերպման միջնորդագիր` կցելով համապատասխան փոփոխությունները հավաստող փաստաթղթերը: Պայմանագրային ֆոնդի կանոնների գրանցման վկայականի վերաձևակերպումն իրականացվում է համապատասխան փոփոխությունները ներառող գրանցման վկայականի նոր օրինակը միջնորդագիր ներկայացրած անձին տրամադրելու միջոցով` վերաձևակերպման ենթակա գրանցման վկայականը Կենտրոնական բանկ ներկայացնելու դեպքում:»,

6) Կանոնակարգի 35-րդ և 37-րդ կետերից հանել «կորպորատիվ» բառը,

7) Կանոնակարգի Հավելված 4-ը շարադրել նոր խմբագրությամբ՝ համաձայն սույն որոշման Հավելված 1-ի (կցվում է),

8) Կանոնակարգը Հավելված 4-ից հետո լրացնել Հավելված 4.1-ով՝ համաձայն սույն որոշման Հավելված 2-ի (կցվում է)։

2. Մինչև սույն որոշման ուժի մեջ մտնելը գրանցված ներդրումային ֆոնդերին տրամադրվում է սույն որոշման Հավելված 1-ով և Հավելված 2-ով սահմանված գրանցման վկայականներ՝ որոշումն ուժի մեջ մտնելու օրվանից 10 աշխատանքային օրվա ընթացքում:

3. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

ՀՀ կենտրոնական բանկի նախագահի տեղակալ	Ն. Երիցյան
2017 թ. սեպտեմբերի 5 Երևան

Հավելված 1 Հաստատված է Հայաստանի Հանրապետության կենտրոնական բանկի խորհրդի 2017 թվականի սեպտեմբերի 1-ի թիվ 192-Ն որոշմամբ

«Հավելված 4 ՀՀ կենտրոնական բանկի խորհրդի 2011 թվականի մայիսի 2-ի թիվ 117-Ն որոշմամբ հաստատված կանոնակարգ 10/11-ի

	Գրանցման Վկայական «————» ———թ. № կորպորատիվ ներդրումային ֆոնդի	CERTIFICATE OF REGISTRATION “————” № of corporate investment fund	Свидетельство о регистрации “————” № корпоративного инвестиционного фонда
	Գրանցվել է ՀՀ կենտրոնական բանկի խորհրդի ——-թ թիվ ——— որոշմամբ	Registered by the Board of the Central Bank of the Republic of Armenia Board decision _____ №____	Зарегистрирован решением Совета Центрального Банка Республики Армения от _____ №____
	համաձայն "Ներդրումային ֆոնդերի մասին" ՀՀ օրենքի 21-րդ հոդվածի	according to article 21 of the Republic of Armenia Law “On Investment Funds”	согласно статье 21 Закона Республики Армения “Об инвестиционных фондах”

_________________________________________________________________________________

ներդրումային ֆոնդի անվանումը և տեսակը

_________________________________________________________________________________

name and type of the investment fund

_________________________________________________________________________________

наименование и тип инвестиционного фонда

_____________________________________»:

(ստորագրություն / signature / подпись)

«Հավելված 4.1 ՀՀ կենտրոնական բանկի խորհրդի 2011 թվականի մայիսի 2-ի թիվ 117-Ն որոշմամբ հաստատված կանոնակարգ 10/11-ի

	Գրանցման Վկայական «————» ———թ. № պայմանագրային ներդրումային ֆոնդի կանոնների	CERTIFICATE OF REGISTRATION “————” № of contractual investment fund rules	Свидетельство о регистрации “————” № правил паевого инвестиционного фонда
	Գրանցվել է ՀՀ կենտրոնական բանկի խորհրդի ——-թ թիվ ——— որոշմամբ	Registered by the Board of the Central Bank of the Republic of Armenia Board decision _____ №____	Зарегистрирован решением Совета Центрального Банка Республики Армения от _____ №____
	համաձայն "Ներդրումային ֆոնդերի մասին" ՀՀ օրենքի 21-րդ հոդվածի	according to article 21 of the Republic of Armenia Law “On Investment Funds”	согласно статье 21 Закона Республики Армения “Об инвестиционных фондах”

_____________________________________»:

(ստորագրություն / signature / подпись)