«Վավերացնում եմ»
Հայաստանի Հանրապետության
Նախագահ Ռ. Քոչարյան
3 սեպտեմբերի 2004 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

12 օգոստոսի 2004 թվականի N 1194-Ն

ԱՆՇԱՐԺ ԳՈՒՅՔԻ ՀԱՐԿՈՎ ՀԱՐԿՄԱՆ ՕԲՅԵԿՏ ՀԱՄԱՐՎՈՂ՝ ԱՌԱՆՁԻՆ ԿԱՆԳՆԱԾ ԿԱՄ ԲԱԶՄԱԲՆԱԿԱՐԱՆ ԲՆԱԿԵԼԻ ՇԵՆՔՈՒՄ ՏԵՂԱԿԱՅՎԱԾ ԳԻՏԱԿԱՆ, ԿՐԹԱԿԱՆ ՈՒ ՈՒՍՈՒՄՆԱԿԱՆ, ԻՆՉՊԵՍ ՆԱԵՎ ԱՌԱՆՁԻՆ ԿԱՆԳՆԱԾ ԱՐԴՅՈՒՆԱԲԵՐԱԿԱՆ ԵՎ ԳՅՈՒՂԱՏՆՏԵՍԱԿԱՆ ՕԳՏԱԳՈՐԾՄԱՆ ՆՊԱՏԱԿԱՅԻՆ ՆՇԱՆԱԿՈՒԹՅԱՆ ՇԻՆՈՒԹՅՈՒՆՆԵՐԻ ՑԱՆԿԵՐԸ ՍԱՀՄԱՆԵԼՈՒ ՄԱՍԻՆ
(վերնագիրը խմբ. 06.04.17 N 351-Ն)

Հայաստանի Հանրապետության հարկային օրենսգրքի 11-րդ բաժնի N 1 հավելվածի 3.2-րդ կետի «ժա», 4.2-րդ կետի «ժ» և 5.2-րդ կետի «թ» ենթակետերին համապատասխան` Հայաստանի Հանրապետության կառավարությունը որոշում է.

(նախաբանը փոփ. 06.04.17 N 351-Ն)

1. Սահմանել՝

1) անշարժ գույքի հարկով հարկման օբյեկտ համարվող՝ առանձին կանգնած կամ բազմաբնակարան բնակելի շենքում տեղակայված գիտական, կրթական և ուսումնական օգտագործման նպատակային նշանակության շինությունների ցանկը` համաձայն N 1 հավելվածի.

2) անշարժ գույքի հարկով հարկման օբյեկտ համարվող՝ առանձին կանգնած արդյունաբերական և գյուղատնտեսական օգտագործման նպատակային նշանակության շինությունների ցանկը` համաձայն N 2 հավելվածի:

(1-ին կետը խմբ. 06.04.17 N 351-Ն)

2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

Հայաստանի Հանրապետության վարչապետ	Ա. Մարգարյան
2004 թ. օգոստոսի 26 Երևան

Հավելված N 1 ՀՀ կառավարության 2004 թվականի օգոստոսի 12-ի N 1194-Ն որոշման

ՑԱՆԿ

ԱՆՇԱՐԺ ԳՈՒՅՔԻ ՀԱՐԿՈՎ ՀԱՐԿՄԱՆ ՕԲՅԵԿՏ ՀԱՄԱՐՎՈՂ՝ ԱՌԱՆՁԻՆ ԿԱՆԳՆԱԾ ԿԱՄ ԲԱԶՄԱԲՆԱԿԱՐԱՆ ԲՆԱԿԵԼԻ ՇԵՆՔՈՒՄ ՏԵՂԱԿԱՅՎԱԾ ԳԻՏԱԿԱՆ, ԿՐԹԱԿԱՆ ԵՎ ՈՒՍՈՒՄՆԱԿԱՆ ՕԳՏԱԳՈՐԾՄԱՆ ՆՊԱՏԱԿԱՅԻՆ ՆՇԱՆԱԿՈՒԹՅԱՆ ՇԻՆՈՒԹՅՈՒՆՆԵՐԻ
(վերնագիրը խմբ. 06.04.17 N 351-Ն)

I. Գիտական, կրթական եվ ուսումնական նպատակային նշանակության շինություններ

1. Գիտական, գիտահետազոտական ինստիտուտների շինություններ

2. Կրթական և ուսումնական նշանակության շինություններ, այդ թվում`

մանկապարտեզների,

հանրակրթական դպրոցների,

վարժարանների,

կրթահամալիրների,

արհեստագործական ուսումնարանների,

քոլեջների,

համալսարանների,

ինստիտուտների,

ակադեմիաների (ուսումնական),

կոնսերվատորիաների,

ուսումնական կենտրոնների շինություններ:

(հավելվածը խմբ. 06.04.17 N 351-Ն)

Հայաստանի Հանրապետության կառավարության աշխատակազմի ղեկավար-նախարար

Մ. Թոփուզյան

Հավելված N 2 ՀՀ կառավարության 2004 թվականի օգոստոսի 12-ի N 1194-Ն որոշման

ՑԱՆԿ

(վերնագիրը խմբ. 06.04.17 N 351-Ն)

I. Արդյունաբերական նշանակության շինություններ

1. Էներգետիկայի ոլորտի շինություններ, այդ թվում`

ատոմակայանների և ատոմային ռեակտորով այլ կառույցների,

ջերմային էլեկտրակայանների,

գոլորշու և տաք ջրի արտադրության կայանների,

հիդրոէլեկտրակայանների,

այլընտրանքային էներգետիկայի կայանների,

երկրաջերմային կայանների,

միջուկային վառելիքի արտադրության և հարստացման վերափոխիչ կայանների,

միջուկային վառելիքի միջանկյալ պահպանման կառույցների,

բարձր ռադիոակտիվության թափոնների վերամշակման և վերջնական տեղադրման կառույցների,

գործող և փակված ատոմակայանների և ռադիոնուկլոիդներ օգտագործող

կայանների ռադիոակտիվ թափոնների վերամշակման, թաղման շինություններ:

2. Մետալուրգիայի ոլորտի շինություններ, այդ թվում`

երկաթի,

պողպատի,

գունավոր մետաղների արտադրության, մշակման շինություններ:

3. Լեռնահանքային արտադրության շինություններ:

4. Քիմիական արտադրության ոլորտի շինություններ, այդ թվում`

կաուչուկների արտադրության և վերամշակման,

ռետինատեխնիկական իրերի, այլ օրգանական նյութերի արտադրության և վերամշակման,

կենցաղային քիմիայի նյութերի արտադրության շինություններ:

5. Թեթև արդյունաբերության ոլորտի շինություններ, այդ թվում`

մանածագործական,

գործվածքային,

կոշիկի,

գուլպեղենի,

տրիկոտաժի,

կաշվի,

կարի,

գորգեղենի,

մետաքսի արտադրության շինություններ:

6. Էլեկտրատեխնիկական, ռադիոէլեկտրոնային արտադրության ոլորտի շինություններ,

այդ թվում`

 էլեկտրաշարժիչների,

մարտկոցների,

էլեկտրական սարքերի (ռելեներ, թողարկիչներ),

կիսահաղորդչային սարքերի,

լուսավորման էլեկտրալամպերի,

մալուխների,

լուսատեխնիկական սարքերի,

հատուկ տեխնոլոգիական սարքերի,

բլոկների, հանգույցների և պահեստամասերի արտադրության շինություններ:

7. Սննդի արդյունաբերության, ձկնային տնտեսության ոլորտի շինություններ,

այդ թվում`

հացի և հացաբուլկեղենի,

հրուշակեղենի,

մակարոնեղենի,

ալյուրի,

համակցված կերերի,

մսի և մսամթերքի,

պտուղ-բանջարեղենի պահածոների,

կաթնամթերքի,

բուսական յուղերի ու ճարպի,

շաքարի և շաքարավազի,

ոգելից և ոչ ոգելից խմիչքների,

հանքային ջրերի,

ձկնամշակման,

ձկան պահածոների,

ծխախոտի արտադրության շինություններ:

8. Փայտի և թղթի արդյունաբերության ոլորտի շինություններ, այդ թվում`

նրբատախտակի,

ատաղձագործական շինարարական իրերի,

կահույքի,

ստվարաթղթի և թղթի արտադրության շինություններ:

9. Շինանյութերի արտադրության ոլորտի շինություններ, այդ թվում`

ցեմենտի,

կրաքարի,

գաջի,

սալիկների,

շինարարական քարերի,

երկաթբետոնյա կառուցվածքների, շինարարական ապրանքների

արտադրության շինություններ:

10. Հաստոցաշինական և գործիքաշինական արդյունաբերության ոլորտի շինություններ:

11. Ավտոմոբիլային արդյունաբերության ոլորտի շինություններ:

12. Պոլիգրաֆիական արդյունաբերության ոլորտի շինություններ:

II. Գյուղատնտեսական արտադրական նշանակության շինություններ, այդ թվում`

անասնաշենքերի,

դեզանոցների,

ջերմոցների,

չորանոցների,

սիլոսի հորերի,

պահեստների,

անասնաբուժական կայանների,

արհեստական սերմնավորման կայանների,

սառնարանային տնտեսությունների,

կերախոհանոցների,

սերմնաբուծական տնտեսությունների,

թռչնաբուծական տնտեսությունների,

խոզաբուծական տնտեսությունների,

տնկարանային տնտեսությունների,

գյուղատնտեսական մեքենատրակտորային պարկերի,

սպանդանոցների,

գյուղատնտեսական մթերքի մթերման (բացառությամբ վերամշակման

օբյեկտների) շինություններ:

(հավելվածը խմբ., լրաց. 06.04.17 N 351-Ն)

Հայաստանի Հանրապետության կառավարության աշխատակազմի ղեկավար-նախարար

Մ. Թոփուզյան