ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ

Հ Ր Ա Մ Ա Ն Ա Գ Ի Ր Ը

ՏԵՂԵԿԱՏՎԱԿԱՆ ՏԵԽՆՈԼՈԳԻԱՆԵՐԻ ՈԼՈՐՏՈՒՄ ՀԱՄԱՇԽԱՐՀԱՅԻՆ ՆԵՐԴՐՄԱՆ ՀԱՄԱՐ ՀԱՆՐԱՊԵՏՈՒԹՅԱՆ ՆԱԽԱԳԱՀԻ ՄՐՑԱՆԱԿ ՀԻՄՆԵԼՈՒ ՄԱՍԻՆ

Տեղեկատվական տեխնոլոգիաների ոլորտը զարգացնելու, կատարելագործելու և խրախուսելու նպատակով որոշում եմ.

1. Հիմնել տեղեկատվական տեխնոլոգիաների ոլորտում համաշխարհային ներդրման համար Հանրապետության Նախագահի մրցանակ:

2. Սահմանել, որ որպես մրցանակ շնորհվում են հուշամեդալ, վկայագիր և հուշախորհրդանիշ:

3. Հաստատել`

1) տեղեկատվական տեխնոլոգիաների ոլորտում համաշխարհային ներդրման համար Հանրապետության Նախագահի մրցանակի մրցանակաբաշխության կոմիտեի կազմը` համաձայն 1-ին հավելվածի.

2) տեղեկատվական տեխնոլոգիաների ոլորտում համաշխարհային ներդրման համար Հանրապետության Նախագահի մրցանակի մրցանակակիր ընտրող հանձնաժողովի կազմը` համաձայն 2-րդ հավելվածի:

4. Ի գիտություն ընդունել, որ`

1) տեղեկատվական տեխնոլոգիաների ոլորտում համաշխարհային ներդրման համար Հանրապետության Նախագահի մրցանակի թեկնածուների նախնական հավակնորդների ընտրությունն իրականացվում է մրցանակաբաշխության կոմիտեի կողմից.

2) մրցանակակրի ընտրությունն իրականացվում է ընտրող հանձնաժողովի կողմից.

3) մրցանակաբաշխության ֆինանսավորումն իրականացվում է «Հայաստան» համահայկական հիմնադրամի, «Սինոփսիս Արմենիա» ՓԲԸ-ի և հովանավորի միջև կնքված համագործակցության հուշագրին համապատասխան:

5. Սույն հրամանագիրն ուժի մեջ է մտնում պաշտոնական հրապարակմանը հաջորդող օրվանից:

Հայաստանի Հանրապետության Նախագահ	Ս. Սարգսյան
2009 թ. հուլիսի 6 Երևան ՆՀ-155-Ն

Հավելված 1 ՀՀ Նախագահի 2009թ. հուլիսի 6-ի ՆՀ-155-Ն հրամանագրի

Կ Ա Զ Մ

ՏԵՂԵԿԱՏՎԱԿԱՆ ՏԵԽՆՈԼՈԳԻԱՆԵՐԻ ՈԼՈՐՏՈՒՄ ՀԱՄԱՇԽԱՐՀԱՅԻՆ ՆԵՐԴՐՄԱՆ ՀԱՄԱՐ ՀԱՆՐԱՊԵՏՈՒԹՅԱՆ ՆԱԽԱԳԱՀԻ ՄՐՑԱՆԱԿԻ ՄՐՑԱՆԱԿԱԲԱՇԽՈՒԹՅԱՆ ԿՈՄԻՏԵԻ

Անդրանիկ ՄԱՆՈՒԿՅԱՆ	-	ՀՀ Նախագահի խորհրդական (համանախագահ)
Ռիչարդ ԳՈԼԴՄԱՆ	-	«Սինոփսիս» ընկերության փոխնախագահ (համանախագահ)
Ներսես ԵՐԻՑՅԱՆ	-	ՀՀ էկոնոմիկայի նախարար
Արմեն ԴԱՐԲԻՆՅԱՆ	-	Ռուս-հայկական (Սլավոնական) համալսարանի ռեկտոր
Ռիչ ԿԱՐԳԼԱԱՐԴ	-	«Ֆորբս» ամսագրի հրատարակիչ
Մայքլ ՄԵԼՈՆ	-	Տեղեկատվական տեխնոլոգիաների ոլորտի լրագրող (Կալիֆորնիա, ԱՄՆ)
Հովիկ ՄՈՒՍԱՅԵԼՅԱՆ	-	«Սինոփսիս Արմենիա» ՓԲԸ-ի գործադիր տնօրեն (մրցանակաբաշխության կոմիտեի աշխատանքները համակարգող)
Անդրանիկ ՀՈՎՀԱՆՆԻՍՅԱՆ	-	«Սինոփսիս Արմենիա» ՓԲԸ-ի գործադիր տնօրենի տեղակալ
Գայանե ՄԱՐԿՈՍՅԱՆ	-	«Սինոփսիս Արմենիա» ՓԲԸ-ի համալսարանական ծրագրերի ավագ համակարգող
Արմինա ԴԱՐԲԻՆՅԱՆ	-	«Հայաստան» համահայկական հիմնադրամի գործադիր տնօրենի խորհրդական:

ՀՀ Նախագահի աշխատակազմի ղեկավար

Կ. Կարապետյան

Հավելված 2 ՀՀ Նախագահի 2009թ. հուլիսի 6-ի ՆՀ-155-Ն հրամանագրի

Կ Ա Զ Մ

ՏԵՂԵԿԱՏՎԱԿԱՆ ՏԵԽՆՈԼՈԳԻԱՆԵՐԻ ՈԼՈՐՏՈՒՄ ՀԱՄԱՇԽԱՐՀԱՅԻՆ ՆԵՐԴՐՄԱՆ ՀԱՄԱՐ ՀԱՆՐԱՊԵՏՈՒԹՅԱՆ ՆԱԽԱԳԱՀԻ ՄՐՑԱՆԱԿԻ ՄՐՑԱՆԱԿԱԿԻՐ ԸՆՏՐՈՂ ՀԱՆՁՆԱԺՈՂՈՎԻ

Ռալֆ ՅԻՐԻԿՅԱՆ	-	«Ղ-Տելեկոմ» ՓԲԸ-ի (Վիվասել-ՄՏՍ) գլխավոր տնօրեն
Արմեն ԲԱԼԴՐՅԱՆ	-	«Յունիքոմփ» ՓԲԸ-ի տնօրեն
Բագրատ ԵՆԳԻԲԱՐՅԱՆ	-	«Ձեռնարկությունների ինկուբատոր» հիմնադրամի տնօրեն
Ռադիկ ՄԱՐՏԻՐՈՍՅԱՆ	-	ՀՀ ԳԱԱ-ի նախագահ
Յուրի ՇՈՒՔՈՒՐՅԱՆ	-	ՀՀ ԳԱԱ-ի փոխնախագահ
Հրանտ ՄԱՐԱՆՋՅԱՆ	-	ԵՊՀ-ի ինֆորմատիկայի ինստիտուտի բաժնի վարիչ
Վլադիմիր ՀԱՐՈՒԹՅՈՒՆՅԱՆ	-	ԵՊՀ-ի կիսահաղորդիչների ֆիզիկայի և միկրոէլեկտրոնիկայի ամբիոնի վարիչ
Արամ ՎԱՐԴԱՆՅԱՆ	-	«Վիասֆեր Տեխնոպարկ» ՓԲԸ-ի գլխավոր տնօրեն
Սամվել ՀԱՐՈՒԹՅՈՒՆՅԱՆ	-	ՀՀ կրթության և գիտության նախարարության գիտության պետական կոմիտեի նախագահ
Սերգեյ ՄԻՆԱՍՅԱՆ	-	ՀՀ կրթության և գիտության նախարարության աշխատակազմի ղեկավար
Վազգեն ՄԵԼԻՔՅԱՆ	-	ՀՊՃՀ-ի միկրոէլեկտրոնային սխեմաների և համակարգերի միջդեպարտամենտալ ամբիոնի վարիչ
Էրիք ՍՊԻՆԱ	-	Սիրակուզի համալսարանի պրոռեկտոր (Նյու Յորք, ԱՄՆ)
Բերնարդ ԿՈՒՐՏՈՒԻՍ	-	«Բազմակի միկրոսխեմաների նախագծեր» ընկերության (CMP) տնօրեն (Գրենոբլ, Ֆրանսիա)
Մարին ԽՐԻՍՏՈՎ	-	Սոֆիայի տեխնիկական համալսարանի դեկան (Սոֆիա, Բուլղարիա) տնօրեն (Պեկին, Չինաստան)
Լան ՉԵՆ	-	Չինաստանի գիտությունների ակադեմիայի միկրոէլեկտրոնիկայի ինստիտուտի տնօրեն (Պեկին, Չինաստան)
Վահան Վ. ՇԱԽԳԻԼԴՅԱՆ	-	Մոսկվայի կապի և ինֆորմատիկայի տեխնիկական համալսարանի նախագահ (Մոսկվա, Ռուսաստան)
Վլադիմիր ՀԱՀԱՆՈՎ	-	Խարկովի ազգային համալսարանի ռադիոէլեկտրոնիկայի դեպարտամենտի տնօրեն (Խարկով, Ուկրաինա)
Յուրի ՉԱՊԼԻԳԻՆ	-	Մոսկվայի էլեկտրոնային տեխնիկայի ինստիտուտի ռեկտոր (Մոսկվա, Ռուսաստան)
Թոնի ՄՈՐՈՅԱՆ	-	«Իմպևա Լաբս» ընկերության գլխավոր գործադիր տնօրեն (Կալիֆորնիա, ԱՄՆ)
Ազատ ՎԱՐԴԱՆՅԱՆ	-	Ինֆորմատիզացիայի միջազգային ակադեմիայի նախագահ (Մոնրեալ, Կանադա):