ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

7 հուլիսի 2017 թվականի N 718-Ա

ԼԵՎՈՆ ԱԼԹՈՒՆՅԱՆԻՆ ԵՎ ՆԵԼՍՈՆ ԶՈՒԼՈՅԱՆԻՆ ՉԵԽԻԱՅԻ ՀԱՆՐԱՊԵՏՈՒԹՅՈՒՆ ԳՈՐԾՈՒՂԵԼՈՒ ՄԱՍԻՆ

Համաձայն Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրի 1-ին կետով սահմանված կարգի 121-րդ կետի 3-րդ ենթակետի`

1. Հայաստանի Հանրապետության առողջապահության նախարար Լևոն Ալթունյանին և Հայաստանի Հանրապետության առողջապահության նախարարության աշխատակազմի ղեկավարի պաշտոնակատար Նելսոն Զուլոյանին 2017 թվականի հուլիսի 17-19-ը գործուղել Չեխիայի Հանրապետություն (Պրահա)` Չեխիայի Հանրապետության առողջապահության նախարարի հետ հանդիպելու, առողջապահության բնագավառում հայ-չեխական համագործակցության զարգացման հնարավորությունները քննարկելու, ինչպես նաև Պրահայում կայանալիք «Չինաստանի ներդրումային համաժողով-2017» միջոցառմանը մասնակցելու նպատակով:

2. Լևոն Ալթունյանի և Նելսոն Զուլոյանի՝ Չեխիայի Հանրապետություն (Պրահա) գործուղման ճանապարհածախսը և օրապահիկի հետ կապված ծախսերը կատարել Հայաստանի Հանրապետության 2017 թվականի պետական բյուջեով արտասահմանյան պաշտոնական գործուղումների համար նախատեսված միջոցների հաշվին:

3. Ընդունել ի գիտություն, որ Լևոն Ալթունյանի և Նելսոն Զուլոյանի՝ Չեխիայի Հանրապետություն (Պրահա) գործուղման գիշերավարձի հետ կապված ծախսերը կատարվելու են հրավիրող կողմի միջոցների հաշվին:

4. Հայաստանի Հանրապետության առողջապահության նախարարին՝ գործուղումից վերադառնալուց հետո եռօրյա ժամկետում Հայաստանի Հանրապետության կառավարության աշխատակազմ ներկայացնել Չեխիայի Հանրապետություն գործուղման արդյունքների մասին հաշվետվությունը:

Հայաստանի Հանրապետության վարչապետ	Կ. Կարապետյան
2017 թ. հուլիսի 7 Երևան