ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

7 հունիսի 2017 թվականի N 556-Ա

ՍԱՄՎԵԼ ՄԱՐԳԱՐՅԱՆԻՆ ՆԻԴԵՌԼԱՆԴՆԵՐԻ ԹԱԳԱՎՈՐՈՒԹՅՈՒՆ ԳՈՐԾՈՒՂԵԼՈՒ ՄԱՍԻՆ

Համաձայն Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրի 1-ին կետով սահմանված կարգի 121-րդ կետի 3-րդ ենթակետի`

1. Հայաստանի Հանրապետության առողջապահության նախարարի տեղակալ Սամվել Մարգարյանին 2017 թվականի հունիսի 21-23-ը գործուղել Նիդեռլանդների Թագավորություն (Հաագա)` ՄԱԿ-ի պետական ծառայության օրվա շրջանակներում կայանալիք՝ ՄԱԿ-ի պետական ծառայության ֆորումին և մրցանակաբաշխությանը մասնակցելու նպատակով:

2. Ընդունել ի գիտություն, որ Սամվել Մարգարյանի՝ Նիդեռլանդների Թագավորություն (Հաագա) գործուղման հետ կապված ծախսերը կատարվելու են հրավիրող կողմի միջոցների հաշվին:

3. Հայաստանի Հանրապետության առողջապահության նախարարին` ապահովել գործուղումից վերադառնալուց հետո եռօրյա ժամկետում Սամվել Մարգարյանի՝ Նիդեռլանդների Թագավորություն գործուղման արդյունքների մասին հաշվետվությունը Հայաստանի Հանրապետության կառավարության աշխատակազմ ներկայացնելը:

Հայաստանի Հանրապետության վարչապետ	Կ. Կարապետյան
2017 թ. հունիսի 7 Երևան