Basic information

Number

N 318-Ա

Type

Որոշում

Act type

Հիմնական ակտ (31.03.2018-մինչ օրս)

Status

Գործում է

Source

Չի հրապարակվել պաշտոնական պարբերականում

Enactment organisation

ՀՀ կառավարություն

Enactment date

29.03.2018

Signing organisation

ՀՀ վարչապետ

Signing date

30.03.2018

Effective date

31.03.2018

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

29 մարտի 2018 թվականի N 318-Ա

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՍՅՈՒՆԻՔԻ ՄԱՐԶԻ ՄԵՂՐԻԻ ՔԱՂԱՔԱՅԻՆ ՀԱՄԱՅՆՔԻՆ ԳՈՒՅՔ ՆՎԻՐԵԼՈՒ ՄԱՍԻՆ

Ղեկավարվելով Հայաստանի Հանրապետության քաղաքացիական օրենսգրքի 594-րդ և «Պետական կառավարչական հիմնարկների մասին» Հայաստանի Հանրապետության օրենքի 4-րդ հոդվածներով` Հայաստանի Հանրապետության կառավարությունը որոշում է.

1. Հայաստանի Հանրապետության պաշտպանության նախարարությանն ամրացված (անշարժ գույքի սեփականության (անհատույց օգտագործման) իրավունքի գրանցման վկայական` N 1565519)` Հայաստանի Հանրապետության Սյունիքի մարզի Մեղրի քաղաքի Մեժլումյան 4 հասցեում գտնվող` հասարակական նշանակության 925,5 քառ. մետր մակերեսով շենքը և 191,1 քառ. մետր ընդհանուր մակերեսով շինությունները՝ 54.408.0 հազ. դրամ հաշվեկշռային արժեքով, դրանցով զբաղեցված և սպասարկման ու օգտագործման համար անհրաժեշտ` պետական սեփականություն հանդիսացող հատուկ նշանակության 0.34 հեկտար հողամասը (այսուհետ՝ գույք) հետ վերցնել և նվիրել Հայաստանի Հանրապետության Սյունիքի մարզի Մեղրիի քաղաքային համայնքին:

2. Հայաստանի Հանրապետության պաշտպանության նախարարին` սույն որոշումն ուժի մեջ մտնելուց հետո մեկամսյա ժամկետում Հայաստանի Հանրապետության Սյունիքի մարզի Մեղրիի քաղաքային համայնքի ղեկավարի հետ համատեղ ապահովել սույն որոշման 1-ին կետում նշված գույքի հանձնման-ընդունման աշխատանքների կատարումը և նվիրատվության պայմանագրի կնքումը` դրանում սահմանելով, որ պայմանագրի նոտարական վավերացման և պայմանագրից ծագող գույքային իրավունքների պետական գրանցման ծախսերն իրականացվելու են Մեղրիի քաղաքային համայնքի միջոցների հաշվին:

3. Հայաստանի Հանրապետության Սյունիքի մարզպետին` սույն որոշման 2-րդ կետի կատարման ապահովումից հետո երկամսյա ժամկետում Հայաստանի Հանրապետության Սյունիքի մարզի Մեղրիի քաղաքային համայնքի ղեկավարի միջոցով իրականացնել սույն որոշման 1-ին կետում նշված հողամասի նպատակային նշանակության փոփոխության գործընթացը:

4. Առաջարկել Հայաստանի Հանրապետության Սյունիքի մարզի Մեղրիի քաղաքային համայնքի ղեկավարին սույն որոշման 1-ին կետում նշված հողամասի նպատակային նշանակության փոփոխությունից հետո հողամասը ներառել համայնքի հողային հաշվեկշռում:

Հայաստանի Հանրապետության
վարչապետ
Կ. Կարապետյան

2018 թ. մարտի 30

Երևան