ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

13 ապրիլի 2017 թվականի N 374-Ա

ԳՆՄԱՆ ԳՈՐԾԸՆԹԱՑԻ ԿԱԶՄԱԿԵՐՊՄԱՆ ՄԱՍԻՆ

Հիմք ընդունելով Հայաստանի Հանրապետության կառավարության 2011 թվականի փետրվարի 10-ի N 168-Ն որոշման 1-ին կետով հաստատված կարգի 3-րդ կետը՝ Հայաստանի Հանրապետության կառավարությունը որոշում է.

1. Հաստատել նախագծահետազոտական աշխատանքների գնման գործարքների ցանկը՝ համաձայն հավելվածի:

2. Սահմանել, որ սույն որոշման 1-ին կետով հաստատված նախագծահետազոտական աշխատանքների գնման գործարքների վրա չեն տարածվում Հայաստանի Հանրապետության կառավարության 2011 թվականի փետրվարի 10-ի «Գնումների գործընթացի կազմակերպման մասին» N 168-Ն որոշման 1-ին կետով հաստատված` գնումների գործընթացի կազմակերպման կարգի 74-րդ կետի 1-ին ենթակետի «բ» պարբերությամբ սահմանված պահանջները:

3. Հայաստանի Հանրապետության Վայոց ձորի մարզպետին` սույն որոշումն ուժի մեջ մտնելուց հետո հնգօրյա ժամկետում Հայաստանի Հանրապետության ֆինանսների նախարարություն ներկայացնել սույն որոշման 1-ին կետով հաստատված` նախագծահետազոտական աշխատանքների գնման գործարքների վերաբերյալ Գնումների մասին Հայաստանի Հանրապետության օրենսդրությամբ պահանջվող հաշվետվությունները:

4. Հայաստանի Հանրապետության ֆինանսների նախարարին՝ սույն որոշման 3-րդ կետով նախատեսված հաշվետվություններն ստանալուց հետո Հայաստանի Հանրապետության օրենսդրությամբ սահմանված կարգով և ժամկետներում հաշվառել նախագծահետազոտական աշխատանքների գնման գործարքները:

Հայաստանի Հանրապետության վարչապետ	Կ. Կարապետյան
2017 թ. ապրիլի 14 Երևան

Հավելված ՀՀ կառավարության 2017 թվականի ապրիլի 13-ի N 374-Ա որոշման

ց ա ն կ

 Նախագծահետազոտական աշխատանքների ձեռքբերման

Պատվիրատուի անվանումը	Գնման առարկան	Պայմանագրի ծածկագիրը	Պայմանագրի գումարը (դրամ)
ՀՀ Վայոց ձորի մարզպետարան	նախագծահետազոտական աշխատանքների կազմում	ՎՁՄԲԸԱՀԱՇՁԲ-01/17-1	6485000
ՀՀ Վայոց ձորի մարզպետարան	նախագծահետազոտական աշխատանքների կազմում	ՎՁՄԲԸԱՀԱՇՁԲ-01/17-2	960000
ՀՀ Վայոց ձորի մարզպետարան	նախագծահետազոտական աշխատանքների կազմում	ՎՁՄԲԸԱՀԱՇՁԲ-01/17-3	1800000

Հայաստանի Հանրապետության կառավարության աշխատակազմի ղեկավար-նախարար

Դ. Հարությունյան