030.0194.24.12.98

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ

Հ Ր Ա Մ Ա Ն Ա Գ Ի Ր Ը

1999 ԹՎԱԿԱՆԻՆ ԵՐԵՎԱՆՈՒՄ ՀԱՄԱՀԱՅԿԱԿԱՆ ԽՈՐՀՐԴԱԺՈՂՈՎ ՀՐԱՎԻՐԵԼՈՒ ՄԱՍԻՆ

Հայաստան-Սփյուռք փոխհարաբերությունները համազգային խնդիրների լուծման ներկա պահանջներին համապատասխանեցնելու, ազգային միասնության գաղափարը արդյունավետ իրականացնելու, հիմնարար հայեցակարգ և անհրաժեշտ կազմակերպական կառույցներ ստեղծելու նպատակով որոշում եմ.

1. 1999 թվականի սեպտեմբերին Երևանում հրավիրել Հայաստան-Սփյուռք փոխհարաբերությունների հիմնահարցերին նվիրված համահայկական խորհրդաժողով:

2. Ստեղծել համահայկական խորհրդաժողովը նախապատրաստող կառավարական հանձնաժողով հետևյալ կազմով`

Վարդան ՕՍԿԱՆՅԱՆ	Հայաստանի Հանրապետության Արտաքին գործերի նախարար (հանձնաժողովի նախագահ)
Էդուարդ ՂԱԶԱՐՅԱՆ	Հայաստանի Հանրապետության կրթության և գիտության նախարար
Ռոլանդ ՇԱՌՈՅԱՆ	Հայաստանի Հանրապետության մշակույթի, երիտասարդության հարցերի և սպորտի նախարար
Ալեքսան ՀԱՐՈՒԹՅՈՒՆՅԱՆ	Հայաստանի Հանրապետության Նախագահի աշխատակազմի ղեկավար
Լևոն ՄԿՐՏՉՅԱՆ	Հայաստանի Հանրապետության վարչապետի խորհրդական
Ֆադեյ ՍԱՐԳՍՅԱՆ	Հայաստանի Հանրապետության գիտությունների ազգային ակադեմիայի պրեզիդենտ
Հարություն ԿԱՐԱՊԵՏՅԱՆ	Հայաստանի Հանրապետության կառավարությանն առընթեր տեղեկատվության և գրահրատարակչության վարչության պետ
Արմեն ՍԱՐԳՍՅԱՆ	Մեծ Բրիտանիայի և Հյուսիսային Իռլանդիայի Միացյալ Թագավորությունում Հայաստանի Հանրապետության արտակարգ և լիազոր դեսպան
Ռուբեն ՇՈՒԳԱՐՅԱՆ	Ամերիկայի Միացյալ Նահանգներում Հայաստանի Հանրապետության արտակարգ և լիազոր դեսպան
Հրանտ ՄԱԹևՈՍՅԱՆ	Հայաստանի գրողների միության նախագահ
Վահան ՏԵՐ-ՂևՈՆԴՅԱՆ	«Հայաստան» համահայկական հիմնադրամի գործադիր վարչության տնօրեն
Լազար ՍՈՒՋՅԱՆ	Հայաստանի Հանրապետության կրոնի գործերի պետական խորհրդի նախագահ
Ջիվան ՄՈՎՍԻՍՅԱՆ	Հայաստանի Հանրապետության արտաքին գործերի նախարարության սփյուռքի վարչության պետ (հանձնաժողովի քարտուղար)

(2-րդ կետը խմբ. 21.06.99 ՆՀ-314)

3. Համահայկական խորհրդաժողովը նախապատրաստող կառավարական հանձնաժողովին`

ա) մեկամսյա ժամկետում Հայաստանի Հանրապետության Նախագահին ներկայացնել համահայկական խորհրդաժողովի կազմակերպման, անհրաժեշտ փաստաթղթերի ու ծրագրային մոտեցումների նախապատրաստման առաջարկություններ.

բ) նախապատրաստման աշխատանքներում ներգրավել Հայաստանի և Սփյուռքի համապատասխան կազմակերպությունների ներկայացուցիչների, գիտության և մշակույթի գործիչների, առանձին անհատների.

գ) ակտիվորեն համագործակցել Հայաստանյաց Առաքելական եկեղեցու հետ.

դ) աշխատանքներում ներգրավել Հայ Կաթողիկե և Հայ Ավետարանական եկեղեցիների ներկայացուցիչներին:

4. Սույն հրամանագիրն ուժի մեջ է մտնում պաշտոնական հրապարակման պահից: