ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

14 հուլիսի 2016 թվականի N 740-Ա

ԱՆՀԱՏՈՒՅՑ ՕԳՏԱԳՈՐԾՄԱՆ ԻՐԱՎՈՒՆՔՈՎ ԳՈՒՅՔ ՀԱՆՁՆԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2015 ԹՎԱԿԱՆԻ ՆՈՅԵՄԲԵՐԻ 12-Ի N 1303-Ա ՈՐՈՇՄԱՆ ՄԵՋ ԼՐԱՑՈՒՄ ԿԱՏԱՐԵԼՈՒ ՄԱՍԻՆ

Ղեկավարվելով Հայաստանի Հանրապետության քաղաքացիական օրենսգրքի 685-րդ հոդվածով, «Իրավական ակտերի մասին» Հայաստանի Հանրապետության օրենքի 70-րդ հոդվածի 5-րդ մասով և Հայաստանի Հանրապետության կառավարության 2011 թվականի փետրվարի 17-ի N 304-Ն որոշման 1-ին կետով հաստատված կարգի 1-ին կետով` Հայաստանի Հանրապետության և Միջազգային զարգացման ընկերակցության միջև 2011 թվականի ապրիլի 1-ին կնքված «Համայնքների գյուղատնտեսական ռեսուրսների կառավարման և մրցունակության ծրագիր» ու Հայաստանի Հանրապետության և Վերակառուցման և զարգացման միջազգային բանկի միջև 2014 թվականի օգոստոսի 6-ին կնքված «Համայնքների գյուղատնտեսական ռեսուրսների կառավարման և մրցունակության երկրորդ ծրագիր» վարկային համաձայնագրերի շրջանակներում ձեռք բերված գույքի շահագործումը ծրագրերի պահանջներին համապատասխան ապահովելու նպատակով` Հայաստանի Հանրապետության կառավարությունը որոշում է.

1. Պետական սեփականություն հանդիսացող և «Հայաստանի Հանրապետության գյուղատնտեսության նախարարության աշխատակազմ» պետական կառավարչական հիմնարկին ամրացված, 2015 թվականին կառուցված, 44987330.0 դրամ սկզբնական արժեքով` Հայաստանի Հանրապետության Գեղարքունիքի մարզի Ճամբարակի համայնքի Գ. Նժդեհի փողոցի 1/3 հասցեում գտնվող՝ 205,4 քառ. մետր մակերեսով անասնաբուժական սպասարկման կենտրոնի շենքը և 6.7 ու 2.2 քառ. մետր մակերեսներով պարիսպներն անժամկետ, անհատույց օգտագործման իրավունքով հանձնել «Ագրոբիզնեսի և գյուղի զարգացման կենտրոն» հիմնադրամին (գտնվելու վայրը՝ Հայաստանի Հանրապետություն, քաղ. Երևան, Ազատության պողոտա 1/21-40):

 2. Պետական սեփականություն հանդիսացող` Հայաստանի Հանրապետության Գեղարքունիքի մարզի Ճամբարակի համայնքում գտնվող անասնաբուժական սպասարկման կենտրոնի շենքի անվտանգության համակարգը, գրասենյակային կահույքը և անասնաբուժական սարքերը՝ համաձայն N 1 հավելվածի, ինչպես նաև «Ռենալտ-Դոկկեր» մակնիշի 4 ավտոմեքենան՝ համաձայն N 2 հավելվածի, ամրացել «Հայաստանի Հանրապետության գյուղատնտեսության նախարարության աշխատակազմ» պետական կառավարչական հիմնարկին և անժամկետ, անհատույց օգտագործման իրավունքով հանձնել «Ագրոբիզնեսի և գյուղի զարգացման կենտրոն» հիմնադրամին:

3. Թույլատրել «Ագրոբիզնեսի և գյուղի զարգացման կենտրոն» հիմնադրամին սույն որոշման 1-ին և 2-րդ կետերում նշված գույքն անհատույց օգտագործման իրավունքով, նպատակային օգտագործման համար հանձնել անասնաբուժական սպասարկման համապատասխան կենտրոնում մասնագիտական գործունեություն իրականացնող` անհատ ձեռնարկատեր հանդիսացող անասնաբույժներին:

4. Հայաստանի Հանրապետության կառավարության 2015 թվականի նոյեմբերի 12-ի «Անհատույց օգտագործման իրավունքով գույք հանձնելու մասին» N 1303-Ա որոշումը լրացնել հետևյալ բովանդակությամբ նոր՝ 1.1-ին կետով.

«1.1. Թույլատրել «Ագրոբիզնեսի և գյուղի զարգացման կենտրոն» հիմնադրամին սույն որոշման 1-ին կետում նշված գույքն անհատույց օգտագործման իրավունքով, նպատակային օգտագործման համար հանձնել անասնաբուժական սպասարկման համապատասխան կենտրոնում մասնագիտական գործունեություն իրականացնող` անհատ ձեռնարկատեր հանդիսացող անասնաբույժներին:»:

5. Հայաստանի Հանրապետության գյուղատնտեսության նախարարին`

1) սույն որոշումն ուժի մեջ մտնելուց հետո ապահովել սույն որոշման 1-ին և 2-րդ կետերում նշված գույքի հանձնման-ընդունման աշխատանքների կատարումը, ինչպես նաև 2-րդ կետում նշված ավտոմեքենաների պետական հաշվառումը.

2) «Ագրոբիզնեսի և գյուղի զարգացման կենտրոն» հիմնադրամի հետ կնքել սույն որոշման 1-ին և 2-րդ կետերում նշված գույքի անժամկետ, անհատույց օգտագործման մասին պայմանագրեր (այսուհետ` պայմանագրեր)` նախատեսելով, որ պայմանագրերից բխող` անշարժ գույքի նկատմամբ գույքային իրավունքների պետական գրանցման և ավտոմեքենաների պետական հաշվառման ծախսերը ենթակա են իրականացման «Ագրոբիզնեսի և գյուղի զարգացման կենտրոն» հիմնադրամի միջոցների հաշվին.

3) պայմանագրերում սահմանել «Ագրոբիզնեսի և գյուղի զարգացման կենտրոն» հիմնադրամին հանձնվող գույքի օգտագործման պայմանները` Հայաստանի Հանրապետության և Միջազգային զարգացման ընկերակցության միջև 2011 թվականի ապրիլի 1-ին կնքված «Համայնքների գյուղատնտեսական ռեսուրսների կառավարման և մրցունակության ծրագիր» ու Հայաստանի Հանրապետության և Վերակառուցման և զարգացման միջազգային բանկի միջև 2014 թվականի օգոստոսի 6-ին կնքված «Համայնքների գյուղատնտեսական ռեսուրսների կառավարման և մրցունակության երկրորդ ծրագիր» վարկային համաձայնագրերի պահանջներին համապատասխան:

6. Հայաստանի Հանրապետության կառավարությանն առընթեր պետական գույքի կառավարման վարչության պետին՝ սույն որոշումն ուժի մեջ մտնելուց հետո «Ագրոբիզնեսի և գյուղի զարգացման կենտրոն» հիմնադրամի հետ կնքել համաձայնագիր 2016 թվականի հունվարի 18-ին կնքված ոչ բնակելի տարածքների անհատույց օգտագործման մասին NN 02/0016 և 03/0016 պայմանագրերում սույն որոշման 4-րդ կետից բխող փոփոխությունների իրականացման վերաբերյալ:

Հայաստանի Հանրապետության վարչապետ	Հ. Աբրահամյան
2016 թ. հուլիսի 20 Երևան

Հավելված N 1 ՀՀ կառավարության 2016 թվականի հուլիսի 14-ի N 740-Ա որոշման

NN	Գույքի անվանումը	Քանակը	Միավորի արժեքը (դրամ)	Ձեռքբերման տարեթիվը	Սկզբնական արժեքը (դրամ)
1	2	3	4	5	6
1.	Ճամբարակի համայնքի անասնաբուժական սպասարկման կենտրոնի անվտանգության համակարգ	1	471983. 0	2015թ.	471983. 0
2.	Ցուցանակ	1	38000.0	2015թ.	38000.0
3.	Գովազդային վահանակ	1	240000.0	2015թ	240000.0
4.	Հանդիպումների սեղան	1	66080.0	2014թ.	66080.0
5.	Աթոռներ	30	12980.0	2014թ.	389400.0
6.	Գրասենյակային սեղան	4	41080.0	2014թ.	164320.0
7.	Գրասենյակային բազկաթոռ	4	26080.0	2014թ.	104320.0
8.	Գրասենյակային պահարան	4	61080.0	2014թ.	244320.0
9.	Գրադարակ	6	9080.0	2014թ.	54480.0
10.	Վաճառքի ցուցափեղկ	3	39080.0	2014թ.	117240.0
11.	Վաճառասրահի դարակներ	3	38080.0	2014թ.	114240.0
12.	Պահեստի դարակներ	20 (գմ)	24578.0	2014թ.	491560.0
13.	Փոքր սեղան	1	29080.0	2014թ.	29080.0
14.	Արտահագուստի կախիչ	2	12080.0	2014թ.	24160.0
15.	Շերտավարագույրներ	7	14580.0	2014թ.	102060.0
16.	Խոհանոցի կահույք	1 (հավա- քածու)	273080.0	2014թ.	273080.0
17.	Սանդուղք	1	51080.0	2014թ.	51080.0
18.	Չհրկիզվող պահարան	1	126080.0	2014թ.	126080.0
19.	Ցուցադրական սառնարան TOSHIBA GR-K33UB-C	1	269100.0	2014թ.	269100.0
20.	Խոհանոցային սառնարան Hisense R-S20DR4SAA/NPA	1	161700.0	2014թ.	161700.0
21.	Պրոյեկտոր OPTOMA S300	1	255600.0	2014թ.	255600.0
22.	Էկրան	1	117300.0	2014թ.	117300.0
23.	Ֆլիպ չարտ	1	65700.0	2014թ.	65700.0
24.	Համակարգիչ Intel Pentium G630	2	328800.0	2014թ.	657600.0
25.	Սեղանի էլեկտրոնային կշեռք CRC 5201	1	24600.0	2014թ.	24600.0
26.	Էլեկտրոնային կշեռք ACS 30	1	43200.0	2014թ.	43200.0
27.	Սերմնահեղուկի կոնտեյներ 40լ	1	882800.0	2014թ.	882800.0
28.	Սերմնահեղուկի կոնտեյներ 20լ	1	721100.0	2014թ.	721100.0
29.	Սերմնահեղուկի կոնտեյներ 8լ	1	701300.0	2014թ.	701300.0
30.	Ունելի` ազոտի կոնտեյների համար	1	225000.0	2014թ.	225000.0
31.	Ունելի` անոթից սերմնահեղուկի ձողիկները հանելու համար	1	3800.0	2014թ.	3800.0
	Ընդամենը				7230283.0

(հավելվածը խմբ. 13.10.16 N 1053-Ա)

Հայաստանի Հանրապետության կառավարության աշխատակազմի ղեկավար-նախարարի  ԱՌԱՋԻՆ ՏԵՂԱԿԱԼ

Գ. ԴՈՒՄԱՆՅԱՆ

Հավելված N 2 ՀՀ կառավարության 2016 թվականի հուլիսի 14-ի N 740-Ա որոշման

Ց ա ն կ

«Ագրոբիզնեսի ԵՎ գյուղի զարգացման կենտրոն» հիմնադրամին անհատույց, անժամկետ օգտագործման իրավունքով հանձնվող ավտոմեքենաների

NN ը/կ	Ավտոմեքենաների նույնականացման տվյալները	Արտադրության տարեթիվը	Ձեռքբերման տարեթիվը	Սկզբնական արժեքը
1.	«Ռենալտ-Դոկկեր» VF18SREB452863586	2015 թ.	2016 թ.	7260000. 0
2.	«Ռենալտ-Դոկկեր» VF18SREB452863589	2015 թ.	2016 թ.	7260000. 0
3.	«Ռենալտ-Դոկկեր» VF18SREB453119913	2015 թ.	2016 թ.	7260000. 0
4.	«Ռենալտ-Դոկկեր» VF18SREB453119914	2015 թ.	2016 թ.	7260000. 0
	Ընդամենը			29040000. 0

Հայաստանի Հանրապետության կառավարության աշխատակազմի ղեկավար-նախարարի  ԱՌԱՋԻՆ ՏԵՂԱԿԱԼ

Գ. ԴՈՒՄԱՆՅԱՆ