030.0057.03.06.98

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ

Հ Ր Ա Մ Ա Ն Ա Գ Ի Ր Ը

ՀԱՅԱՍՏԱՆՈՒՄ ՔՐԻՍՏՈՆԵՈՒԹՅԱՆ ՊԵՏԱԿԱՆ ԿՐՈՆ ՀՌՉԱԿՄԱՆ 1700-ԱՄՅԱԿԻ ՏՈՆԱԿԱՏԱՐՈՒԹՅԱՆ ԿԱԶՄԱԿԵՐՊՄԱՆ ՊԵՏԱԿԱՆ ՀԱՆՁՆԱԺՈՂՈՎԻ ՄԱՍԻՆ

Հաշվի առնելով Հայաստանում քրիստոնեության պետական կրոն հռչակման 1700-ամյակի նախապատրաստման աշխատանքները կազմակերպող պետական հանձնաժողովի առաջարկությունները, որոշում եմ.

1. Ստեղծել Հայաստանում քրիստոնեության պետական կրոն հռչակման 1700-ամյակի տոնակատարության կազմակերպման պետական հանձնաժողով:

2. (կետը ուժը կորցրել է 25.08.99 ՆՀ-371)

3. Հայաստանում քրիստոնեության պետական կրոն հռչակման 1700-ամյակի տոնակատարության կազմակերպման պետական հանձնաժողովին`

- հիմք ընդունելով Հայաստանի Հանրապետության կառավարության 1997 թվականի հունիսի 13-ի թիվ 180 որոշմամբ հաստատված Հայաստանում քրիստոնեության պետական կրոն հռչակման 1700-ամյակի տոնակատարության միջոցառումների ծրագիրը, դրանում կատարելով անհրաժեշտ փոփոխություններ և լրացումներ` համաձայնեցված Հայաստանում քրիստոնեության պետական կրոն հռչակման 1700-ամյակի տոնակատարության եկեղեցիական կենտրոնական հանձնաժողովի հետ, ապահովել Հայաստանում քրիստոնեության պետական կրոն հռչակման 1700-ամյակի տոնակատարության միջոցառումների իրականացումը,

- աշխատանքները կազմակերպել իր կողմից հաստատված կանոնակարգին համապատասխան:

4. Ուժը կորցրած ճանաչել Հայաստանի Հանրապետության Նախագահի`

- 1994 թվականի մայիսի 5-ի «Հայաստանում քրիստոնեության պետական կրոն հռչակման 1700-ամյակի նախապատրաստման աշխատանքները կազմակերպող պետական հանձնաժողով ստեղծելու մասին» ՆՀ-289 հրամանագիրը,

- 1994 թվականի մայիսի 26-ի «Հայաստանում քրիստոնեության պետական կրոն հռչակման 1700-ամյակի նախապատրաստման աշխատանքները կազմակերպող պետական հանձնաժողովի կազմում լրացումներ կատարելու մասին» ՆՀ-294 հրամանագիրը,

- 1995 թվականի հունվարի 31-ի «Հայաստանում քրիստոնեության պետական կրոն հռչակման 1700-ամյակի նախապատրաստման աշխատանքները կազմակերպող պետական հանձնաժողովի կազմը համալրելու մասին» ՆՀ-412 հրամանագիրը,

- 1994 թվականի հուլիսի 18-ի «Հայաստանում քրիստոնեության պետական կրոն հռչակման 1700-ամյակի նախապատրաստման աշխատանքները կազմակերպող պետական հանձնաժողովի կանոնադրությունը հաստատելու մասին» ՆԿ-79 կարգադրությունը:

5. Հրամանագիրն ուժի մեջ է մտնում պաշտոնական հրապարակման պահից:

Հայաստանի Հանրապետության Նախագահ	Ռ. Քոչարյան
Երևան 3 հունիսի 1998 թ. ՆՀ-57

ՀԱՍՏԱՏՎԱԾ Է                 
ՀՀ ՆԱԽԱԳԱՀԻ 1999 ԹՎԱԿԱՆԻ     
ՕԳՈՍՏՈՍԻ 25-Ի ՆՀ-371 ՀՐԱՄԱՆԱԳՐՈՎ

Կ Ա Զ Մ

ՀԱՅԱՍՏԱՆՈՒՄ ՔՐԻՍՏՈՆԵՈՒԹՅԱՆ ՊԵՏԱԿԱՆ ԿՐՈՆ ՀՌՉԱԿՄԱՆ 1700-ԱՄՅԱԿԻ ՏՈՆԱԿԱՏԱՐՈՒԹՅԱՆ ԿԱԶՄԱԿԵՐՊՄԱՆ ՊԵՏԱԿԱՆ ՀԱՆՁՆԱԺՈՂՈՎԻ

Ռոբերտ Քոչարյան	Հայաստանի Հանրապետության Նախագահ (հանձնաժողովի նախագահ)
Խոսրով Հարությունյան	հանձնաժողովի նախագահի տեղակալ
Վարդան Օսկանյան	Հայաստանի Հանրապետության արտաքին գործերի նախարար
Շավարշ Քոչարյան	Հայաստանի Հանրապետության Ազգային ժողովի գիտության, կրթության, մշակույթի և երիտասարդության հարցերի մշտական հանձնաժողովի նախագահ (համաձայնությամբ)
Արտաշես Թումանյան	Հայաստանի Հանրապետության Նախագահի աշխատակազմի ղեկավար
Կարեն Ճշմարիտյան	Հայաստանի Հանրապետության արդյունաբերության և առևտրի նախարար
Էդուարդ Ղազարյան	Հայաստանի Հանրապետության կրթության և գիտության նախարար
Ռոլանդ Շառոյան	Հայաստանի Հանրապետության մշակույթի, երիտասարդության հարցերի և սպորտի նախարար
Էդուարդ Մադաթյան	Հայաստանի Հանրապետության տրանսպորտի և կապի նախարար
Լևոն Բարխուդարյան	Հայաստանի Հանրապետության ֆինանսների և էկոնոմիկայի նախարար
Ալբերտ Բազեյան	Երևանի քաղաքապետ
Ֆադեյ Սարգսյան	Հայաստանի Հանրապետության գիտությունների ազգային ակադեմիայի պրեզիդենտ
Հովհաննես Վարյան	Հայաստանի Հանրապետության ներքին գործերի նախարարի տեղակալ
Էդուարդ Միլիտոնյան	Հայաստանի Հանրապետության կառավարությանն առընթեր տեղեկատվության և գրահրատարակչության վարչության պետ
Մովսես Աբելյան	ՄԱԿ-ում Հայաստանի Հանրապետության մշտական ներկայացուցիչ
Գագիկ Գյուրջյան	Հայաստանի Հանրապետության պատմության և մշակույթի հուշարձանների պահպանության վարչության պետ
Ռադիկ Մարտիրոսյան	Երևանի պետական համալսարանի ռեկտոր
Սեն Արևշատյան	Հայաստանի Հանրապետության կառավարությանն առընթեր Մեսրոպ Մաշտոցի անվան հին ձեռագրերի ինստիտուտի (Մատենադարան) տնօրեն
Արմեն Սմբատյան	Արտասահմանյան երկրների հետ մշակութային կապերի ընկերության նախագահ
Վլադիմիր Բարխուդարյան	Հայաստանի Հանրապետության գիտությունների ազգային ակադեմիայի ակադեմիկոս-քարտուղար
Գևորգ Ջահուկյան	Հայաստանի Հանրապետության գիտությունների ազգային ակադեմիայի Հ. Աճառյանի անվան լեզվի ինստիտուտի տնօրեն
Նիկոլայ Հովհաննիսյան	Հայաստանի Հանրապետության գիտությունների ազգային ակադեմիայի արևելագիտության ինստիտուտի տնօրեն
Հրանտ Ավետիսյան	Հայաստանի Հանրապետության գիտությունների ազգային ակադեմիայի պատմության ինստիտուտի տնօրեն
Շահեն Խաչատրյան	Հայաստանի ազգային պատկերասրահի տնօրեն
Արևշատ Ավագյան	Մշակույթի հայկական ֆոնդի նախագահ
Բաբկեն Հարությունյան	Երևանի պետական համալսարանի պատմության ֆակուլտետի դեկան
Հրաչ Բարթիկյան	Հայաստանի Հանրապետության գիտությունների ազգային ակադեմիայի պատմության ինստիտուտի բաժնի վարիչ
Պարույր Մուրադյան	Հայաստանի Հանրապետության գիտությունների ազգային ակադեմիայի արևելագիտության ինստիտուտի կովկասագիտական հետազոտությունների ղեկավար
Հովնան արքեպիսկոպոս Տերտերյան	Հայ Առաքելական եկեղեցու Կանադայի թեմի առաջնորդ, Մայր Աթոռ Սուրբ Էջմիածնի 1700-ամյակի գրասենյակի վարիչ-քարտուղար
Հայր Նշան ծայրագույն վարդապետ Գարաքեհեյան	Հայ Կաթողիկե եկեղեցու Հայաստանի պատասխանատու
Ռենե Լևոնյան	Հայ Ավետարանչական ընկերակցության Հայաստանի ներկայացուցիչ

(կազմը լրաց. 24.06.98 ՆՀ-66,խմբ. 25.08.99 նհ-371, 07.07.00 նհ-628)