ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

24 մայիսի 2016 թվականի N 429-Ա

 ՊԵՏԱԿԱՆ ԿԱՌԱՎԱՐՄԱՆ ԱՊԱՐԱՏԻ ՕՊՏԻՄԱԼԱՑՄԱՆ ՈՒՍՈՒՄՆԱՍԻՐՈՒԹՅՈՒՆ, ԻՐԱՎԻՃԱԿԻ ՎԵՐԼՈՒԾՈՒԹՅՈՒՆ ԻՐԱԿԱՆԱՑՆԵԼՈՒ ԵՎ ԱՌԱՋԱՐԿՈՒԹՅՈՒՆ ՆԵՐԿԱՅԱՑՆԵԼՈՒ ՆՊԱՏԱԿՈՎ ՄԻՋԳԵՐԱՏԵՍՉԱԿԱՆ ԱՇԽԱՏԱՆՔԱՅԻՆ ԽՈՒՄԲ ՍՏԵՂԾԵԼՈՒ ՄԱՍԻՆ

Ղեկավարվելով «Իրավական ակտերի մասին» ՀՀ օրենքի 15-րդ հոդվածով և համաձայն Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրի 1-ին կետով սահմանված կարգի 121-րդ կետի 2-րդ ենթակետի՝ պետական կառավարման ապարատի օպտիմալացման ուսումնասիրություն, իրավիճակի վերլուծություն իրականացնելու և առաջարկություն ներկայացնելու նպատակով՝

1. Ստեղծել միջգերատեսչական աշխատանքային խումբ և հաստատել դրա անհատական կազմը՝ համաձայն հավելվածի:

2. Հայաստանի Հանրապետության փոխվարչապետ, միջազգային տնտեսական ինտեգրման և բարեփոխումների նախարարին՝

1) ապահովել պետական կառավարման ապարատի օպտիմալացման ուսումնասիրություն, իրավիճակի վերլուծություն իրականացնող և առաջարկություն ներկայացնող միջգերատեսչական աշխատանքային խմբի գործունեության հետ կապված կազմակերպչական աշխատանքների կատարումը.

2) մինչև 2016 թվականի սեպտեմբերի 20-ը Հայաստանի Հանրապետության վարչապետին ներկայացնել պետական կառավարման ապարատի օպտիմալացման ուսումնասիրության, իրավիճակի վերլուծության արդյունքները և պետական կառավարման ապարատի օպտիմալացման վերաբերյալ հստակ առաջարկություն:

(2-րդ կետը փոփ. 07.09.16 N 824-Ա)

Հայաստանի Հանրապետության վարչապետ	Հ. Աբրահամյան
2016 թ. մայիսի 24 Երևան

Հավելված ՀՀ վարչապետի 2016 թ. մայիսի 24-ի N 429-Ա որոշման

Կ Ա Զ Մ

ԱՇԽԱՏԱՆՔԱՅԻՆ ԽՄԲԻ

Վ. Գաբրիելյան	- ՀՀ փոխվարչապետ, միջազգային տնտեսական ինտեգրման և բարեփոխումների նախարար (խմբի ղեկավար)
Դ. Տոնոյան	- ՀՀ պաշտպանության նախարարի առաջին տեղակալ
Ա. Պետրոսյան	- ՀՀ աշխատանքի և սոցիալական հարցերի նախարարի առաջին տեղակալ
Ս. Պապյան	- ՀՀ բնապահպանության նախարարի առաջին տեղակալ
Ա. Առաքելյան	- ՀՀ տրանսպորտի և կապի նախարարի առաջին տեղակալ
Գ. Միրիջանյան	- ՀՀ առողջապահության նախարարի տեղակալ
Ս. Քրմոյան	- ՀՀ արդարադատության նախարարի տեղակալ
Հ. Մխիթարյան	- ՀՀ արտակարգ իրավիճակների նախարարի տեղակալ
Շ. Քոչարյան	- ՀՀ արտաքին գործերի նախարարի տեղակալ
Ա. Հարությունյան	- ՀՀ գյուղատնտեսության նախարարի տեղակալ
Հ. Հովհաննիսյան	- ՀՀ էկոնոմիկայի նախարարի տեղակալ
Վ. Գևորգյան	- ՀՀ էներգետիկայի և բնական պաշարների նախարարի տեղակալ
Մ. Մկրտչյան	- ՀՀ կրթության և գիտության նախարարի տեղակալ
Ա. Պողոսյան	- ՀՀ մշակույթի նախարարի տեղակալ
Ա. Քարամյան	- ՀՀ սպորտի և երիտասարդության հարցերի նախարարի տեղակալ
Ս. Սրապիոնյան	- ՀՀ սփյուռքի նախարարի տեղակալ
Կ. Իսախանյան	- ՀՀ տարածքային կառավարման և զարգացման նախարարի տեղակալ
Ա. Բադալյան	- ՀՀ քաղաքաշինության նախարարի տեղակալ
Տ. Բարսեղյան	- ՀՀ ֆինանսների նախարարի տեղակալ

Հայաստանի Հանրապետության կառավարության աշխատակազմի ղեկավար-նախարար

Դ. Հարությունյան