ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ
Հ Ր Ա Մ Ա Ն Ա Գ Ի Ր Ը
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ 1997 ԹՎԱԿԱՆԻ ՄԱՅԻՍԻ 6-Ի ՆՀ-727 ԵՎ 1997 ԹՎԱԿԱՆԻ ՄԱՅԻՍԻ 6-Ի ՆՀ-728 ՀՐԱՄԱՆԱԳՐԵՐՈՒՄ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ
Հիմք ընդունելով «Իրավական ակտերի մասին» Հայաստանի Հանրապետության օրենքի 70-րդ հոդվածի 5-րդ մասը` որոշում եմ.
1. Հայաստանի Հանրապետության Նախագահի 1997 թվականի մայիսի 6-ի «Երևան քաղաքում պետական կառավարման մասին» ՆՀ-727 հրամանագիրը 1.6-րդ կետից հետո լրացնել հետևյալ բովանդակությամբ նոր` 1.61, 1.62 և 1.63-րդ կետերով`
«1.61. Պաշտոնեական պարտականությունները ոչ պատշաճ կատարելու դեպքում Երևանի քաղաքապետի կամ նրա տեղակալի նկատմամբ կարող են կիրառվել հետևյալ կարգապահական տույժերը`
ա) նկատողություն,
բ) խիստ նկատողություն,
գ) պաշտոնից ազատում:
1.62. Պաշտոնեական պարտականությունները բարեխիղճ և օրինակելի կատարելու համար Երևանի քաղաքապետի կամ նրա տեղակալի նկատմամբ կարող են կիրառվել խրախուսանքի հետևյալ միջոցները`
ա) շնորհակալագրով պարգևատրում,
բ) հուշանվերով կամ թանկարժեք նվերով պարգևատրում,
գ) հուշամեդալով պարգևատրում:
1.63. Սույն հրամանագրի 1.61-րդ և 1.62-րդ կետերով նախատեսված կարգապահական տույժերը և խրախուսանքի միջոցները կիրառում են Հայաստանի Հանրապետության Նախագահը, Հայաստանի Հանրապետության վարչապետը, իսկ 1.61-րդ կետի «գ» ենթակետով նախատեսված կարգապահական տույժը` պաշտոնի նշանակելու իրավասություն ունեցող պաշտոնատար անձը:
Հայաստանի Հանրապետության տարածքային կառավարման նախարարն իրավունք ունի առաջարկություն ներկայացնել սույն հրամանագրի 1.61-րդ և 1.62-րդ կետերով նախատեսված կարգապահական տույժերը կամ խրախուսանքի միջոցները կիրառելու վերաբերյալ:»:
2. Հայաստանի Հանրապետության Նախագահի 1997 թվականի մայիսի 6-ի «Հայաստանի Հանրապետության մարզերում պետական կառավարման մասին» ՆՀ-728 հրամանագիրը 1.6-րդ կետից հետո լրացնել հետևյալ բովանդակությամբ նոր` 1.61, 1.62 և 1.63-րդ կետերով`
«1.61. Պաշտոնեական պարտականությունները ոչ պատշաճ կատարելու դեպքում մարզպետի կամ նրա տեղակալի նկատմամբ կարող են կիրառվել հետևյալ կարգապահական տույժերը`
ա) նկատողություն,
բ) խիստ նկատողություն,
գ) պաշտոնից ազատում:
1.62. Պաշտոնեական պարտականությունները բարեխիղճ և օրինակելի կատարելու համար մարզպետի կամ նրա տեղակալի նկատմամբ կարող են կիրառվել խրախուսանքի հետևյալ միջոցները`
ա) շնորհակալագրով պարգևատրում,
բ) հուշանվերով կամ թանկարժեք նվերով պարգևատրում,
գ) հուշամեդալով պարգևատրում:
1.63. Սույն հրամանագրի 1.61-րդ և 1.62-րդ կետերով նախատեսված կարգապահական տույժերը և խրախուսանքի միջոցները կիրառում են Հայաստանի Հանրապետության Նախագահը, Հայաստանի Հանրապետության վարչապետը և Հայաստանի Հանրապետության տարածքային կառավարման նախարարը, իսկ 1.61-րդ կետի «գ» ենթակետով նախատեսված կարգապահական տույժը` պաշտոնի նշանակելու իրավասություն ունեցող պետական մարմինը կամ պաշտոնատար անձը:»:
|
Հայաստանի Հանրապետության |
Ռ. Քոչարյան |
|
|