ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

6 հոկտեմբերի 2016 թվականի N 1038-Ն

Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 2002 թվականի սեպտեմբերի 5-ի «Հայաստանի Հանրապետության գյուղատնտեսության նախարարության աշխատակազմ» պետական կառավարչական հիմնարկ ստեղծելու, Հայաստանի Հանրապետության գյուղատնտեսության նախարարության կանոնադրությունը և աշխատակազմի կառուցվածքը հաստատելու մասին» N 1516-Ն որոշման մեջ կատարել հետևյալ փոփոխությունները`

1) որոշման N 1 հավելվածի`

ա. 6-րդ կետից հանել «և Ջրային տնտեսության պետական կոմիտեից» բառերը,

բ. 7-րդ կետի «ժդ» և «ժե» ենթակետերն ուժը կորցրած ճանաչել.

2) որոշման N 2 հավելվածի «III. Հայաստանի Հանրապետության գյուղատնտեսության նախարարության կառավարման ոլորտում պետական մարմիններ» բաժնից հանել «Ջրային տնտեսության պետական կոմիտե» բառերը:

2. Հայաստանի Հանրապետության կառավարության 2008 թվականի մայիսի 15-ի «Հայաստանի Հանրապետության էներգետիկայի նախարարության աշխատակազմ» պետական կառավարչական հիմնարկը «Հայաստանի Հանրապետության էներգետիկայի և բնական պաշարների նախարարության աշխատակազմ» պետական կառավարչական հիմնարկ վերանվանելու, Հայաստանի Հանրապետության էներգետիկայի և բնական պաշարների նախարարության կանոնադրությունը և աշխատակազմի կառուցվածքը հաստատելու մասին» N 654-Ն որոշման մեջ կատարել հետևյալ փոփոխությունները և լրացումները՝

1) որոշման վերնագրում և ամբողջ տեքստում «էներգետիկայի և բնական պաշարների» բառերը և իրենց համապատասխան հոլովաձևերը փոխարինել «էներգետիկ ենթակառուցվածքների և բնական պաշարների» բառերով և իրենց համապատասխան հոլովաձևերով.

2) որոշման N 1 հավելվածի`

ա. 6-րդ կետը «աշխատակազմից,» բառից հետո լրացնել «նախարարության կառավարման ոլորտում գործող Ջրային տնտեսության պետական կոմիտեից» բառերով,

բ. 7-րդ կետը լրացնել հետևյալ բովանդակությամբ նոր՝ 16-րդ և 17-րդ ենթակետերով.

«16) պետական սեփականություն հանդիսացող ջրային համակարգերի կառավարման և անվտանգ օգտագործման ապահովումը.

17) ջրային համակարգերի կառավարման քաղաքականության մշակման և իրականացման ապահովումը:».

3) որոշման N 2 հավելվածը «II. Առանձնացված ստորաբաժանումներ» բաժնից հետո լրացնել հետևյալ բովանդակությամբ նոր՝ 3-րդ բաժնով.

«III. Հայաստանի Հանրապետության էներգետիկ ենթակառուցվածքների և բնական պաշարների նախարարության կառավարման ոլորտում պետական մարմիններ

Ջրային տնտեսության պետական կոմիտե»:

3. Հայաստանի Հանրապետության կառավարության 2002 թվականի սեպտեմբերի 5-ի «Հայաստանի Հանրապետության գյուղատնտեսության նախարարության ջրային տնտեսության պետական կոմիտեի կանոնադրությունը և կառուցվածքը հաստատելու մասին» N 1400-Ն որոշման վերնագրում և ամբողջ տեքստում «գյուղատնտեսության» բառը և իր համապատասխան հոլովաձևերը փոխարինել «էներգետիկ ենթակառուցվածքների և բնական պաշարների» բառերով և իրենց համապատասխան հոլովաձևերով:

4. Հայաստանի Հանրապետության էներգետիկ ենթակառուցվածքների և բնական պաշարների նախարարին` սույն որոշումն ուժի մեջ մտնելուց հետո մեկամսյա ժամկետում`

1) Հայաստանի Հանրապետության ֆինանսների նախարարի հետ համատեղ, սահմանված կարգով, Հայաստանի Հանրապետության կառավարություն ներկայացնել Հայաստանի Հանրապետության էներգետիկ ենթակառուցվածքների և բնական պաշարների նախարարության ջրային տնտեսության պետական կոմիտեի պահպանման ծախսերի վերաբերյալ առաջարկություն.

2) ստեղծել Հայաստանի Հանրապետության էներգետիկ ենթակառուցվածքների և բնական պաշարների նախարարության ջրային տնտեսության պետական կոմիտեի գույքի փոխանցման հանձնաժողով` վերջինիս կազմում ներգրավելով Հայաստանի Հանրապետության գյուղատնտեսության նախարարության, Հայաստանի Հանրապետության էներգետիկ ենթակառուցվածքների և բնական պաշարների նախարարության և Հայաստանի Հանրապետության կառավարությանն առընթեր պետական գույքի կառավարման վարչության ներկայացուցիչներին:

5. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Հայաստանի Հանրապետության վարչապետ	Կ. Կարապետյան
2016 թ. հոկտեմբերի 14 Երևան