Basic information
Number
N 1418-Ն
Type
Որոշում
Act type
Պաշտոնական Ինկորպորացիա (23.12.2017-25.07.2020)
Status
Չի գործում
Source
ՀՀՊՏ 2011.10.19/57(860) Հոդ.1454
Enactment organisation
ՀՀ կառավարություն
Enactment date
06.10.2011
Signing organisation
ՀՀ վարչապետ
Signing date
11.10.2011
Effective date
20.10.2011
Interrupt date
25.07.2020

 ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

 

6 հոկտեմբերի 2011 թվականի N 1418-Ն

 

ՄԻՋԱԶԳԱՅԻՆ ԱՌՈՂՋԱՊԱՀԱԿԱՆ ԿԱՆՈՆՆԵՐԻ ԳՈՐԾԱԴՐՄԱՆ ՀԱՐՑԵՐՈՎ ՍԱՀՄԱՆԻ ԱՆՑՄԱՆ ԿԵՏԵՐ ՆՇԱՆԱԿԵԼՈՒ ՄԱՍԻՆ

 

Հայաստանի Հանրապետության կառավարությունը որոշում է.

1. Նշանակել Հայաստանի Հանրապետության կառավարության 2011 թվականի մայիսի 12-ի N 703-Ն որոշմամբ սահմանված պետական սահմանի «Զվարթնոց» և «Բագրատաշեն» անցման կետերը, որպես միջազգային առողջապահական (բժշկասանիտարական) կանոնների (այսուհետ` կանոններ) պահանջներին համապատասխան կենսաբանական, քիմիական և ճառագայթային վտանգների դիմակայման հիմնական կարողություններ ապահովող պետական սահմանի անցման կետեր:

2. Սահմանել, որ`

1) կենսաբանական, քիմիական և ճառագայթային վտանգների դիմակայման հիմնական կարողություններ ապահովող պետական սահմանի «Զվարթնոց» և «Բագրատաշեն» անցման կետերում կանոնների գործադրման հարցերով իրավասու մարմինները Հայաստանի Հանրապետության առողջապահության նախարարության առողջապահական տեսչական մարմնի «Զվարթնոց» միջազգային օդանավակայանի և Բագրատաշենի սահմանային բժշկասանիտարական հսկիչ կետերն են.

2) կենսաբանական, քիմիական և ճառագայթային վտանգների դիմակայման հիմնական կարողություններ ապահովող պետական սահմանի «Զվարթնոց» և «Բագրատաշեն» անցման կետերում պետական սահմանի պահպանություն իրականացնող իրավասու պետական կառավարման մարմինները, յուրաքանչյուրն իր իրավասությունների սահմաններում, ապահովում է կենսաբանական, քիմիական և ճառագայթային վտանգների դիմակայման հիմնական կարողությունները և, յուրաքանչյուրն իր լիազորությունների շրջանակներում, սահմանի անցման կետերում իրականացնում է իրենց կառավարման ոլորտին առնչվող միջոցառումներ:

(2-րդ կետը փոփ. 30.11.17 N 1514-Ն)

3. Սույն որոշումն ուժի մեջ է մտնում պաշտոնական հրապարակման օրվան հաջորդող օրվանից:

 

Հայաստանի Հանրապետության
վարչապետ

Տ. Սարգսյան


2011 թ. հոկտեմբերի 11
Երևան

 

Change History
Changing Act Corresponding incorporation
23.07.2020, N 1222-Ն 25.07.2020, N 1418-Ն
30.11.2017, N 1514-Ն 23.12.2017, N 1418-Ն
Changed acts
Changing Act Corresponding incorporation