ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

26 օգոստոսի 2010 թվականի N 1072-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՐՏԱԿԱՐԳ ԻՐԱՎԻՃԱԿՆԵՐԻ ՆԱԽԱՐԱՐՈՒԹՅԱՆ ԴՐՈՇԸ ԵՎ ԽՈՐՀՐԴԱՆԻՇԸ ՍԱՀՄԱՆԵԼՈՒ, ԻՆՉՊԵՍ ՆԱԵՎ ԴՐԱՆՑ ԿԱՆՈՆԱԴՐՈՒԹՅՈՒՆՆԵՐՆ ՈՒ ՆԿԱՐԱԳՐՈՒԹՅՈՒՆՆԵՐԸ ՀԱՍՏԱՏԵԼՈՒ ՄԱՍԻՆ

(վերնագիրը լրաց. 25.09.15 N 1108-Ն, փոփ.19.05.16 N 695-Ն)

Հայաստանի Հանրապետության արտակարգ իրավիճակների նախարարության ավանդույթների զարգացման, անձնակազմի ծառայողական պարտքի կատարման հանդեպ պատասխանատվությունն ավելի բարձրացնելու նպատակով և Հայաստանի Հանրապետության կառավարության 2016 թվականի մարտի 3-ի N 259-Ն որոշման N 1 հավելվածի 5-րդ կետին համապատասխան՝ Հայաստանի Հանրապետության կառավարությունը որոշում է.

(նախաբանը լրաց., փոփ. 25.09.15 N 1108-Ն, փոփ.19.05.16 N 695-Ն)

1. Սահմանել`

1) Հայաստանի Հանրապետության արտակարգ իրավիճակների նախարարության դրոշ.

2) Հայաստանի Հանրապետության արտակարգ իրավիճակների նախարարության խորհրդանիշ:

(1-ին կետը լրաց. 25.09.15 N 1108-Ն, փոփ.19.05.16 N 695-Ն)

2. Հաստատել`

1) Հայաստանի Հանրապետության արտակարգ իրավիճակների նախարարության դրոշի կանոնադրությունը և դրոշի նկարագրությունը` համաձայն N 1 հավելվածի.

2) Հայաստանի Հանրապետության արտակարգ իրավիճակների նախարարության դրոշի ձևը` համաձայն N 2 հավելվածի.

3) Հայաստանի Հանրապետության արտակարգ իրավիճակների նախարարության խորհրդանիշի կանոնադրությունը և խորհրդանիշի նկարագրությունը` համաձայն N 3 հավելվածի.

4) Հայաստանի Հանրապետության արտակարգ իրավիճակների նախարարության խորհրդանիշի ձևը` համաձայն N 4 հավելվածի:

(2-րդ կետը լրաց. 25.09.15 N 1108-Ն, փոփ.19.05.16 N 695-Ն)

3. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Հայաստանի Հանրապետության վարչապետ	Տ. Սարգսյան
2010 թ. օգոստոսի 31 Երևան

Հավելված N 1  ՀՀ կառավարության 2010 թվականի օգոստոսի 26-ի N 1072-Ն որոշման

Կ Ա Ն Ո Ն Ա Դ Ր ՈՒ Թ Յ ՈՒ Ն  ԵՎ  Ն Կ Ա Ր Ա Գ Ր ՈՒ Թ Յ ՈՒ Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՐՏԱԿԱՐԳ ԻՐԱՎԻՃԱԿՆԵՐԻ ՆԱԽԱՐԱՐՈՒԹՅԱՆ ԴՐՈՇԻ

(վերնագիրը լրաց. 25.09.15 N 1108-Ն, փոփ.19.05.16 N 695-Ն)

1. Հայաստանի Հանրապետության արտակարգ իրավիճակների նախարարության դրոշը պատվի և արժանապատվության, արիության ու նվիրումի խորհրդանիշ է: Դրոշը Հայաստանի Հանրապետության արտակարգ իրավիճակների նախարարության յուրաքանչյուր աշխատողի սրբազան պարտքի հիշեցումն է հայրենիքին անձնուրաց ծառայելու, արտակարգ իրավիճակներում բնակչության պաշտպանության և քաղաքացիական պաշտպանության միջոցառումներն անվերապահորեն կատարելու, յուրաքանչյուր մարդու կյանքը, առողջությունն ու գույքը փրկելու, կյանքին սպառնացող վտանգի պայմաններում ծառայողական կամ քաղաքացիական պարտքն իրականացնելու մասին:

(1-ին կետը լրաց. 25.09.15 N 1108-Ն, փոփ.19.05.16 N 695-Ն)

2. Դրոշը Հայաստանի Հանրապետության արտակարգ իրավիճակների նախարարությանը հանձնում է Հայաստանի Հանրապետության վարչապետը կամ նրա կողմից լիազորված անձը:

(2-րդ կետը լրաց. 25.09.15 N 1108-Ն, փոփ.19.05.16 N 695-Ն)

3. Դրոշի հետ հանձնվում է Հայաստանի Հանրապետության վարչապետի ստորագրությամբ վկայագիր:

4. Դրոշը մշտապես պահվում է Հայաստանի Հանրապետության արտակարգ իրավիճակների նախարարությունում:

(4-րդ կետը լրաց. 25.09.15 N 1108-Ն, փոփ.19.05.16 N 695-Ն)

5. Դրոշի պահման, պահպանման և օգտագործման կարգը սահմանում է Հայաստանի Հանրապետության արտակարգ իրավիճակների նախարարը:

(5-րդ կետը լրաց. 25.09.15 N 1108-Ն, փոփ.19.05.16 N 695-Ն)

6. Հայաստանի Հանրապետության արտակարգ իրավիճակների նախարարության յուրաքանչյուր ծառայող պարտավոր է պահպանել և պաշտպանել դրոշը:

(6-րդ կետը լրաց. 25.09.15 N 1108-Ն, փոփ.19.05.16 N 695-Ն)

7. Հայաստանի Հանրապետության արտակարգ իրավիճակների նախարարության դրոշը բաղկացած է երկդեմ պաստառից և ծոպափնջերով քուղերից, կտորի գույնի համակարգչային հարաբերակցությունն է` C = 98 տոկոս, M = 96 տոկոս, Y = 45 տոկոս, K = 18 տոկոս: Դրոշի պաստառն ուղղանկյունաձև է, երկարությունը 1450 մմ է, լայնությունը՝ 1150 մմ` համաձայն ձևի:

(7-րդ կետը լրաց. 25.09.15 N 1108-Ն, փոփ.19.05.16 N 695-Ն)

8. Դրոշը կարված է երկտակ մետաքսե մուգ կապույտ կտորից՝ երեք կողմից երիզված ոսկեգույն ծոպերով: Պաստառի երեսի կողմի կենտրոնական մասում ոսկեգույն մետաքսաթելով ասեղնագործված են «ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՐՏԱԿԱՐԳ ԻՐԱՎԻՃԱԿՆԵՐԻ ՆԱԽԱՐԱՐՈՒԹՅՈՒՆ» բառերը. տառերի բարձրությունը 70 մմ է, լայնությունը՝ 50 մմ: Դրոշի ձախ անկյունում պատկերված է Հայաստանի Հանրապետության արտակարգ իրավիճակների նախարարության խորհրդանիշը՝ 240 x 160 մմ չափերով:

(8-րդ կետը լրաց. 25.09.15 N 1108-Ն, փոփ.19.05.16 N 695-Ն)

9. Դրոշի պաստառի հակառակ կողմի կենտրոնական մասում պատկերված է Հայաստանի Հանրապետության զինանշանը՝ 300 x 300 մմ չափերով: Հայաստանի Հանրապետության զինանշանի վերին մասում ոսկեգույն մետաքսաթելով կամարաձև ասեղնագործված են «ՀԱՆՈՒՆ ՀԱՅՐԵՆԻՔԻ» բառերը. տառերի բարձրությունը 60 մմ է, լայնությունը՝ 40 մմ:

(հավելվածը լրաց. 25.09.15 N 1108-Ն, փոփ., խմբ.19.05.16 N 695-Ն)

Հայաստանի Հանրապետության կառավարության աշխատակազմի ղեկավար

Դ. Սարգսյան

Ձև

Դ Ր Ո Շ

(հավելվածը խմբ. 25.09.15 N 1108-Ն,19.05.16 N 695-Ն)

Հայաստանի Հանրապետության կառավարության աշխատակազմի ղեկավար

Դ. Սարգսյան

Հավելված N 3  ՀՀ կառավարության 2010 թվականի օգոստոսի 26-ի N 1072-Ն որոշման

Կ Ա Ն Ո Ն Ա Դ Ր ՈՒ Թ Յ ՈՒ Ն  ԵՎ  Ն Կ Ա Ր Ա Գ Ր ՈՒ Թ Յ ՈՒ Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՐՏԱԿԱՐԳ ԻՐԱՎԻՃԱԿՆԵՐԻ ՆԱԽԱՐԱՐՈՒԹՅԱՆ ԽՈՐՀՐԴԱՆԻՇԻ

1. Հայաստանի Հանրապետության արտակարգ իրավիճակների նախարարության խորհրդանիշը (այսուհետ` խորհրդանիշ) այն նշանն է, որը ցույց է տալիս ծառայողների, ինչպես նաև նյութատեխնիկական և այլ գույքի պատկանելությունը Հայաստանի Հանրապետության արտակարգ իրավիճակների նախարարությանը:

(1-ին կետը լրաց. 25.09.15 N 1108-Ն, փոփ.19.05.16 N 695-Ն)

2. Խորհրդանիշը դրվում է Հայաստանի Հանրապետության արտակարգ իրավիճակների նախարարի աշխատասենյակում, ինչպես նաև պատկերվում է Հայաստանի Հանրապետության արտակարգ իրավիճակների նախարարության դրոշի (դրոշակի) վրա:

(2-րդ կետը լրաց. 25.09.15 N 1108-Ն, փոփ.19.05.16 N 695-Ն)

3. Խորհրդանիշի պատկերը զետեղվում է Հայաստանի Հանրապետության արտակարգ իրավիճակների նախարարության կենտրոնական ապարատի անմիջական ենթակայության ստորաբաժանումների, նախարարության կառուցվածքային և այլ ստորաբաժանումների անկյունադրոշմակների կամ անկյունադրոշմակով դրոշմաթղթերի վրա:

(3-րդ կետը լրաց. 25.09.15 N 1108-Ն, փոփ.19.05.16 N 695-Ն)

4. Խորհրդանիշը դրվում է Հայաստանի Հանրապետության արտակարգ իրավիճակների նախարարության ծառայողների համազգեստի, ավտոմեքենաների և այլ հատուկ տեխնիկայի վրա:

(4-րդ կետը լրաց. 25.09.15 N 1108-Ն, փոփ.19.05.16 N 695-Ն)

5. Թույլատրվում է խորհրդանիշի պատկերի կիրառումը տպագրական, գովազդային- տեղեկատվական և հուշանվերային արտադրանքի (ծրագրեր, օրացույցներ, կրծքանշաններ, ժամացույցներ, թղթապանակներ և այլն), տեսաժապավենների վրա` համաձայնեցնելով Հայաստանի Հանրապետության արտակարգ իրավիճակների նախարարության հետ:

(5-րդ կետը լրաց. 25.09.15 N 1108-Ն, փոփ.19.05.16 N 695-Ն)

6. Խորհրդանիշի պատկերի կիրառման այլ դեպքերը սահմանվում են Հայաստանի Հանրապետության արտակարգ իրավիճակների նախարարի կողմից:

(6-րդ կետը լրաց. 25.09.15 N 1108-Ն, փոփ.19.05.16 N 695-Ն)

7. Խորհրդանիշը պահպանվում է օրենքով սահմանված կարգով:

8. Խորհրդանիշն իրենից ներկայացնում է արծիվ, որի երկարությունը 90 մմ է, լայնությունը` 120 մմ: Այն խորհրդանշում է քաղաքացիական պաշտպանության ու արտակարգ իրավիճակների բնագավառները: Արծվի կենտրոնում պատկերված է Հայաստանի Հանրապետության պետական դրոշը: Արծվի թևի մոտ պատկերված է ութաթև աստղ: Աստղի միջնամասում պատկերված է նարնջագույն շրջան, որի կենտրոնում քաղաքացիական պաշտպանությունը և փրկարարությունը խորհրդանշող հավասարակողմ եռանկյունաձև կապույտ տարբերանշանն է՝ կողմի 20 մմ երկարությամբ: Արծվի թևի ներքևի հատվածում N «7» տառաչափով, հայերենով գրված է «ԱԻՆ»:

(8-րդ կետը խմբ. 19.05.16 N 695-Ն)

9. (կետն ուժը կորցրել է 25.09.15 N 1108-Ն)

10. Հայաստանի Հանրապետության արտակարգ իրավիճակների նախարարության անձնակազմը համազգեստի վրա խորհրդանշանը, որպես տարբերանշան, կրում է ուսաեզրից 80 մմ ներքև, ձախ բազկի կենտրոնում:

(10-րդ կետը լրաց. 25.09.15 N 1108-Ն, փոփ.19.05.16 N 695-Ն)

Հայաստանի Հանրապետության կառավարության աշխատակազմի ղեկավար

Դ. Սարգսյան

Հավելված N 4  ՀՀ կառավարության 2010 թվականի օգոստոսի 26-ի N 1072-Ն որոշման

Ձև

Խ Ո Ր Հ Ր Դ Ա Ն Ի Շ

(հավելվածը խմբ. 25.09.15 N 1108-Ն,19.05.16 N 695-Ն)

Հայաստանի Հանրապետության կառավարության աշխատակազմի ղեկավար

Դ. Սարգսյան