ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

21 հունիսի 2016 թվականի N 522-Ա

ՊԱՏՎԻՐԱԿՈՒԹՅԱՆ` ՂԱԶԱԽՍՏԱՆԻ ՀԱՆՐԱՊԵՏՈՒԹՅՈՒՆ ԳՈՐԾՈՒՂՄԱՆ ԾԱԽՍԵՐԻ ՄԱՍԻՆ

Համաձայն Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրի 1-ին կետով սահմանված կարգի 121-րդ կետի 3-րդ ենթակետի`

1. Աստանայի տնտեսական 19-րդ ֆորումին, ֆորումի շրջանակներում Արժույթի միջազգային հիմնադրամի կառավարության ղեկավարների կլոր սեղանի շուրջ քննարկումներին, ինչպես նաև Եվրասիական զարգացման բանկի խորհրդի հերթական նիստին մասնակցելու նպատակով պատվիրակության` համաձայն հավելվածի, 2016 թվականի մայիսի 23-26-ը Ղազախստանի Հանրապետություն (Աստանա) գործուղման հետ կապված ծախսերը կատարել՝

Գագիկ Խաչատրյանի և Արմեն Գևորգյանի օրապահիկի և մեկ օրվա գիշերավարձի հետ կապված ծախսերը, ինչպես նաև Էդվարդ Ստեփանյանի և Կարեն Նադոյանի գործուղման հետ կապված ծախսերը՝ Հայաստանի Հանրապետության 2016 թվականի պետական բյուջեով արտասահմանյան պաշտոնական գործուղումների համար նախատեսված միջոցների հաշվին։

2. Ընդունել ի գիտություն, որ Գագիկ Խաչատրյանի և Արմեն Գևորգյանի՝ Ղազախստանի Հանրապետություն (Աստանա) գործուղման հետ կապված ճանապարհածախսը և երկու օրվա գիշերավարձի հետ կապված ծախսերը կատարվել են հրավիրող կողմի հաշվին:

3. Հայաստանի Հանրապետության ֆինանսների նախարարին` եռօրյա ժամկետում Հայաստանի Հանրապետության կառավարության աշխատակազմ ներկայացնել Ղազախստանի Հանրապետություն գործուղման արդյունքների մասին հաշվետվությունը:

Հայաստանի Հանրապետության վարչապետ	Հ. Աբրահամյան
2016 թ. հունիսի 21 Երևան

Հավելված ՀՀ վարչապետի 2016 թ. հունիսի 21-ի N 522-Ա որոշման

Կ Ա Զ Մ

2016 ԹՎԱԿԱՆԻ ՄԱՅԻՍԻ 23-26-Ը ՂԱԶԱԽՍՏԱՆԻ ՀԱՆՐԱՊԵՏՈՒԹՅՈՒՆ ՄԵԿՆԱԾ ՊԱՏՎԻՐԱԿՈՒԹՅԱՆ

Գ. Խաչատրյան	- ՀՀ ֆինանսների նախարար
Ա. Գևորգյան	- ՀՀ ֆինանսների նախարարի տեղակալ
Է. Ստեփանյան	- ՀՀ ֆինանսների նախարարի օգնական
Կ. Նադոյան	- ՀՀ կառավարությանն առընթեր ազգային անվտանգության ծառայության պետական պահպանության ծառայության սպա

Հայաստանի Հանրապետության կառավարության աշխատակազմի ղեկավար-նախարար

Դ. Հարությունյան