Basic information
Number
N 1112-Ա
Type
Որոշում
Act type
Հիմնական ակտ (14.09.2017-09.12.2017)
Status
Գործում է
Source
«ՀՀ» օրաթերթ 2008.02.12/26(4363)
Enactment organisation
ՀՀ կառավարություն
Enactment date
07.09.2017
Signing organisation
ՀՀ վարչապետ
Signing date
13.09.2017
Effective date
14.09.2017

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

 

Ո Ր Ո Շ ՈՒ Մ

 

7 սեպտեմբերի 2017 թվականի N 1112-Ա

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՐՏԱԿԱՐԳ ԻՐԱՎԻՃԱԿՆԵՐԻ ՆԱԽԱՐԱՐՈՒԹՅԱՆ ԱՇԽԱՏԱԿՑԻ ՕՐՎԱՆ ՆՎԻՐՎԱԾ «ԱՐՄ-ՍԵՔՅՈՒՐԻԹԻ» ԱՆՎՏԱՆԳՈՒԹՅԱՆ ԲԱՐՁՐ ՏԵԽՆՈԼՈԳԻԱՆԵՐԻ ՄԻՋԱԶԳԱՅԻՆ ՑՈՒՑԱՀԱՆԴԵՍԸ ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ԱՆՑԿԱՑՄԱՆ ԾԱԽՍԵՐԻ ՄԱՍԻՆ

 

Համաձայն «Հայաստանի Հանրապետության բյուջետային համակարգի մասին» Հայաստանի Հանրապետության օրենքի 19-րդ հոդվածի 3-րդ կետի՝ Հայաստանի Հանրապետության կառավարությունը որոշում է.

1. Հայաստանի Հանրապետության արտակարգ իրավիճակների նախարարության աշխատակցի օրվան նվիրված «Արմ-Սեքյուրիթի» անվտանգության բարձր տեխնոլոգիաների միջազգային ցուցահանդեսը 2017 թվականի սեպտեմբերի 2-4-ը Հայաստանի Հանրապետությունում կազմակերպելու նպատակով Հայաստանի Հանրապետության արտակարգ իրավիճակների նախարարությանը 2017 թվականի ինն ամսում հատկացնել 13,335.5 հազ. դրամ՝ Հայաստանի Հանրապետության 2017 թվականի պետական բյուջեով նախատեսված Հայաստանի Հանրապետության կառավարության պահուստային ֆոնդի հաշվին (բյուջետային ծախսերի տնտեսագիտական դասակարգման «Ներկայացուցչական ծախսեր» հոդվածով):

2. Հայաստանի Հանրապետության տնտեսական զարգացման և ներդրումների նախարարին` աջակցել Հայաստանի Հանրապետության արտակարգ իրավիճակների նախարարության կողմից տրամադրված մասնակցության հայտ ներկայացրած տեղական արտադրող ընկերությունների մասնակցությանը ցուցահանդեսին` Հայաստանի Հանրապետության արտահանմանն ուղղված արդյունաբերական քաղաքականության ռազմավարությամբ նախատեսված միջոցառումների իրականացման պետական աջակցության 2017 թվականի ծրագրով նախատեսված գործիքակազմի շրջանակում:

3. Թույլատրել Հայաստանի Հանրապետության արտակարգ իրավիճակների նախարարությանը ապրանքների, աշխատանքների, ծառայությունների ձեռքբերման պայմանագրերը կնքել «Մեկ անձից» գնման ընթացակարգով՝ համաձայն «Գնումների մասին» Հայաստանի Հանրապետության օրենքի 23-րդ հոդվածի 1-ին մասի 2-րդ կետի:

 

Հայաստանի Հանրապետության
վա
րչապետ

Կ. Կարապետյան

 

2017 թ. սեպտեմբերի 13

Երևան

Change History
Changing Act Corresponding incorporation
07.12.2017, N 1563-Ա 09.12.2017, N 1112-Ա
Changed acts
Changing Act Corresponding incorporation