ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

9 մարտի 2016 թվականի N 129-Ա

«ՓԱԽՍՏԱԿԱՆՆԵՐԻ ԵՎ ԱՊԱՍՏԱՆԻ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔԻ ԿԻՐԱՐԿՈՒՄՆ ԱՊԱՀՈՎՈՂ ՄԻՋՈՑԱՌՈՒՄՆԵՐԻ ՑԱՆԿԸ ՀԱՍՏԱՏԵԼՈՒ ՄԱՍԻՆ

Համաձայն Հայաստանի Հանրապետության կառավարության 2004 թվականի ապրիլի 8-ի N 541-Ն որոշման 1-ին կետի`

Հաստատել «Փախստականների և ապաստանի մասին» Հայաստանի Հանրապետության օրենքում փոփոխություններ և լրացումներ կատարելու մասին» Հայաստանի Հանրապետության 2015 թվականի դեկտեմբերի 17-ի ՀՕ-194-Ն օրենքի կիրարկումն ապահովող միջոցառումների ցանկը` համաձայն հավելվածի:

Հայաստանի Հանրապետության վարչապետ	Հ. Աբրահամյան
2016 թ. մարտի 9 Երևան

Հավելված ՀՀ վարչապետի 2016 թ. մարտի 9-ի N 129-Ա որոշման

Ց Ա Ն Կ

«ՓԱԽՍՏԱԿԱՆՆԵՐԻ ԵՎ ԱՊԱՍՏԱՆԻ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔԻ ԿԻՐԱՐԿՈՒՄՆ ԱՊԱՀՈՎՈՂ ՄԻՋՈՑԱՌՈՒՄՆԵՐԻ

NN ը/կ	Միջոցառման անվանումը	Ժամկետը	Միջոցառման համար պատասխանատու պետական կառավարման մարմնի անվանումը	Միջոցառման ֆինանսական ապահովման աղբյուրը
1.	«Հայաստանի Հանրապետության կառավարության 2015 թվականի նոյեմբերի 12-ի N 1385-Ն որոշման մեջ փոփոխություններ և լրացումներ կատարելու մասին» ՀՀ կառավարության որոշման նախագիծը ՀՀ կառավարության աշխատակազմ ներկայացնելը	2016 թվականի մայիսի 3-րդ տասնօրյակ	էլեկտրոնային կառավարման ենթակառուցվածքների ներդրման գրասենյակ (համաձայնությամբ) Հայաստանի Հանրապետության կառավարությանն առընթեր Հայաստանի Հանրապետության ոստիկանություն Հայաստանի Հանրապետության տարածքային կառավարման և զարգացման նախարարություն	Ֆինանսավորում չի պահանջվում։
2.	«Կոնվենցիոն ճամփորդական փաստաթուղթ, ինչպես նաև փախստականի նույնականացման քարտ ստանալու համար անհրաժեշտ կենսաչափական տվյալները ՀՀ կառավարությանն առընթեր ՀՀ ոստիկանությունում հանձնելն անհնարին լինելու դեպքում, դրանք անձի գտնվելու վայրում վերցնելու դեպքերը և կարգը սահմանելու մասին» Հայաստանի Հանրապետության կառավարության որոշման նախագիծը ՀՀ կառավարության աշխատակազմ ներկայացնելը	2016 թվականի հունիսի 1-ին տասնօրյակ	Հայաստանի Հանրապետության կառավարությանն առընթեր Հայաստանի Հանրապետության ոստիկանություն Հայաստանի Հանրապետության տարածքային կառավարման և զարգացման նախարարություն	Ֆինանսավորում չի պահանջվում։
3.	«Կոնվենցիոն ճամփորդական փաստաթղթի և փախստականի նույնականացման քարտի նկարագրերը սահմանելու մասին» Հայաստանի Հանրապետության կառավարության որոշման նախագիծը ՀՀ կառավարության աշխատակազմ ներկայացնելը	2016 թվականի մայիսի 1-ին տասնօրյակ	Հայաստանի Հանրապետության կառավարությանն առընթեր Հայաստանի Հանրապետության ոստիկանություն Հայաստանի Հանրապետության տարածքային կառավարման և զարգացման նախարարություն	Ֆինանսավորում չի պահանջվում։
4.	«Հայաստանի Հանրապետության կառավարության 2008 թվականի դեկտեմբերի 11-ի N 1465-Ն որոշման մեջ լրացումներ կատարելու մասին» ՀՀ կառավարության որոշման նախագիծը ՀՀ կառավարության աշխատակազմ ներկայացնելը	2016 թվականի մայիսի 2-րդ տասնօրյակ	Հայաստանի Հանրապետության կառավարությանն առընթեր Հայաստանի Հանրապետության ոստիկանություն Հայաստանի Հանրապետության տարածքային կառավարման և զարգացման նախարարություն Հայաստանի Հանրապետության ֆինանսների նախարարություն	Ֆինանսավորում չի պահանջվում։
5.	«Փախստականին տրվող ժամանակավոր վկայականի ձևը և տրամադրման կարգը սահմանելու մասին» Հայաստանի Հանրապետության կառավարության որոշման նախագիծը ՀՀ կառավարության աշխատակազմ ներկայացնելը	2016 թվականի մայիսի 2-րդ տասնօրյակ	Հայաստանի Հանրապետության կառավարությանն առընթեր Հայաստանի Հանրապետության ոստիկանություն Հայաստանի Հանրապետության տարածքային կառավարման և զարգացման նախարարություն	Ֆինանսավորում չի պահանջվում։

Հայաստանի Հանրապետության կառավարության աշխատակազմի ղեկավար-նախարար

Դ. Հարությունյան