ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

4 փետրվարի 2016 թվականի N 89-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2009 ԹՎԱԿԱՆԻ ԱՊՐԻԼԻ 2-Ի N 351-Ն ՈՐՈՇՄԱՆ ՄԵՋ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 2009 թվականի ապրիլի 2-ի «Ձերբակալված և կալանավորված անձանց Հայաստանի Հանրապետության կառավարությանն առընթեր Հայաստանի Հանրապետության ոստիկանության կողմից ուղեկցման և պահպանման կարգը հաստատելու մասին» N 351-Ն որոշման հավելվածում կատարել հետևյալ լրացումները`

1) 34-րդ կետի 1-ին ենթակետը «հայտի» բառից հետո լրացնել «կամ հանձնարարության» բառերով.

2) 40-րդ կետը «գրավոր հայտերի» բառերից հետո լրացնել «, ինչպես նաև գրավոր հանձնարարության» բառերով.

3) 41-րդ կետը «հայտում» բառից հետո լրացնել «կամ հանձնարարությունում» բառերով.

4) 43-րդ կետը լրացնել հետևյալ բովադակությամբ նոր պարբերությամբ.

«Անձին ձերբակալելու կամ կալանավորելու ընթացքում կամ դրանից անմիջապես հետո վարույթն իրականացնող մարմնի գտնվելու կամ այլ վայրում ձերբակալված և (կամ) կալանավորված անձի մասնակցությամբ անհետաձգելի քննչական կամ այլ դատավարական գործողություններ կատարելու անհրաժեշտության դեպքում ուղեկցումը (պահպանությունը) իրականացվում է առանց հայտի և անհապաղ՝ քրեական վարույթն իրականացնող մարմնի կողմից Հայաստանի Հանրապետության կառավարությանն առընթեր Հայաստանի Հանրապետության ոստիկանության տարածքային մարմնին տրված գրավոր հանձնարարության հիման վրա:».

5) 45-րդ կետը լրացնել հետևյալ բովադակությամբ նոր պարբերությամբ.

«Ուղեկցող ստորաբաժանմանն առձեռն տրամադրվում է գրավոր հանձնարարության երկու օրինակ, որոնցից մեկն ուղեկցող ստորաբաժանման կողմից պետք է անհապաղ հանձնվի ՁՊՎ կամ քրեակատարողական հիմնարկ:».

6) 46-րդ կետը «հայտը» բառից հետո լրացնել «կամ հանձնարարությունը» բառերով:

2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը։

Հայաստանի Հանրապետության վարչապետ	Հ. Աբրահամյան
2016 թ. փետրվարի 5 Երևան