ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

17 դեկտեմբերի 2015 թվականի N 1490-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2015 ԹՎԱԿԱՆԻ ՄԱՐՏԻ 19-Ի N 312-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ

Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 2015 թվականի մարտի 19-ի «Լիազոր մարմին ճանաչելու, հավաստագրման հանձնաժողով ստեղծելու, հանձնաժողովի կազմը, հավաստագրման հանձնաժողովի աշխատանքների կազմակերպման, տեղեկատվական տեխնոլոգիաների ոլորտի տնտեսավարող սուբյեկտների հավաստագրման կարգը, հավաստագրի ձևը, հավաստագրի գործողության ընթացքում ստացված արդյունքների մասին հաշվետվության ներկայացման կարգը և ձևը, տեղեկատվական տեխնոլոգիաների ոլորտում գործունեություն իրականացնող կազմակերպությունների շահերը ներկայացնող միավորումների և ոչ առևտրային կազմակերպությունների ներկայացուցիչներին հավաստագրման հանձնաժողովի կազմում ընդգրկելու կարգը և պայմանները հաստատելու մասին» N 312-Ն որոշման N 6 հավելվածը շարադրել նոր խմբագրությամբ` համաձայն հավելվածի:

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

«Հավելված ՀՀ կառավարության 2015 թվականի մարտի 19-ի N 312-Ն որոշման

Հ ա շ վ ե տ վ ու թ յ ու ն

հավաստագրի գործողության ընթացքում ստացված արդյունքների ԵՎ այլ տեղեկությունների վերաբերյալ

(20___թ. ________ կիսամյակի համար)

Իրավա- բանական անձի անվանումը	Գործու- նեության տեսակը	Աշխատողների թիվը		Հասույթը (դրամ)	Արտա- հանման ծավալը (դրամ)	Ռեզիդենտ բաժնեմասի սեփականատեր (բաժնետեր, փայատեր)		Ոչ ռեզիդենտ բաժնեմասի սեփականատեր (բաժնետեր, փայատեր)
		աշխատան- քային պայմա- նագրերով	քաղաքա- ցիական իրավական պայմա- նագրերով			անունը, ազգանունը կամ անվանումը (այդ թվում` ներդրումային ֆոնդերի)	մասնակ- ցության չափը (տոկոս)	անունը, ազգանունը կամ անվանումը (այդ թվում` ներդրումային ֆոնդերի)	մասնակ- ցության չափը (տոկոս)
Այլ տեղեկություններ`   - փաստացի գործում է բացառապես հավաստագրով սահմանված գործունեության տեսակների ներքո.    Այո [  ]  Ոչ [  ]   - աշխատողների թիվը չի գերազանցում 30-ը.    Այո [  ] Ոչ [  ]   - հավաստագրի գործողության ընթացքում չի օտարել հիմնական միջոցներ, ինչպես նաև չի կնքել համատեղ գործունեության պայմանագիր.    Այո [  ] Ոչ [  ]   - իր գործունեության արդյունքները չի օտարել ՏՏ ոլորտում գործունեություն իրականացնող` ՀՀ ռեզիդենտ հանդիսացող այլ տնտեսավարող սուբյեկտներին` բացառությամբ կրթական ծրագրերի իրականացման դեպքերի.    Այո [  ] Ոչ [  ]

Հավաստիացնում եմ, որ սույն հաշվետվության մեջ ներկայացված տեղեկատվությունն ամբողջական է և արժանահավատ: Գիտակցում եմ, որ կեղծ և (կամ) ոչ արժանահավատ տեղեկատվություն ներկայացնելը կհանգեցնի Հայաստանի Հանրապետության օրենքով նախատեսված պատասխանատվության:

______________________________________________________________________________

(կազմակերպության տնօրենի ստորագրությունը, անունը, հայրանունը, ազգանունը)

________ _______________ 20___ թ.»:

Հայաստանի Հանրապետության կառավարության աշխատակազմի ղեկավար-նախարար

Դ. Հարությունյան