ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

20 հունիսի 2014 թվականի N 564-Ա

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՃԱՆԱՊԱՐՀԱՅԻՆ ԱԿՏԻՎՆԵՐԻ ԿԱՌԱՎԱՐՄԱՆ ԲԱՐԵՓՈԽՈՒՄՆԵՐԻ ՄԻՋՈՑԱՌՈՒՄՆԵՐԻ ՑԱՆԿԸ ՀԱՍՏԱՏԵԼՈՒ ՄԱՍԻՆ

Հիմք ընդունելով Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրի 1-ին կետով սահմանված կարգի 5-րդ կետը`

Հաստատել Հայաստանի Հանրապետության ճանապարհային ակտիվների կառավարման բարեփոխումների միջոցառումների ցանկը` համաձայն հավելվածի:

Հայաստանի Հանրապետության վարչապետ	Հ. Աբրահամյան
2014 թ. հունիսի 20 Երևան

Հավելված ՀՀ վարչապետի 2014 թ. հունիսի 20-ի N 564-Ա որոշման

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՃԱՆԱՊԱՐՀԱՅԻՆ ԱԿՏԻՎՆԵՐԻ ԲԱՐԵՓՈԽՈՒՄՆԵՐԻ ՄԻՋՈՑԱՌՈՒՄՆԵՐԻ ՑԱՆԿ

NN ը/կ	Միջոցառման անվանումը	Պատասխանատու կատարողը	Ժամկետը	Պահանջվող ֆինանսական միջոցները	Ֆինանսավորման աղբյուրը
1.	Ճանապարհային ակտիվների մասին տվյալների ավտոմատ հավաքագրման սարքավորումների և ճանապարհային ակտիվների կառավարման համակարգի (համակարգչային ծրագրի) տեխնիկական մասնագրերի և դրանց գնման տեխնիկական առաջադրանքի մշակում	ՀՀ տրանսպորտի և կապի նախարարություն՝ Ասիական զարգացման բանկի խորհրդատուների օժանդակությամբ	2014 թ. հունիսի 2-րդ տասնօրյակ	Չի պահանջվում:
2.	Ճանապարհային ակտիվների մասին տվյալների ավտոմատ հավաքագրման սարքավորումների և ճանապարհային ակտիվների կառավարման համակարգի (համակարգչային ծրագրի) գնման պայմանագրի կնքում	ՀՀ տրանսպորտի և կապի նախարարություն	2016 թ. մայիս	1.3 մլն ԱՄՆ-ի դոլար	Ասիական զարգացման բանկ (Հյուսիս-հարավ ճանապարհային միջանցքի ներդրումային ծրագրի Տրանշ 3-ի Ապրանքներ բաղադրիչի շրջանակներում)
3.	Ճանապարհային ակտիվների մասին տվյալների ավտոմատ հավաքագրման սարքավորումների և ճանապարհային ակտիվների կառավարման համակարգի (համակարգչային ծրագրի) տեղակայում և գործարկում	ՀՀ տրանսպորտի և կապի նախարարություն	2016 թ. սեպտեմբեր	Ներառվում է գնման պայմանագրում:	Ասիական զարգացման բանկ (Հյուսիս-հարավ ճանապարհային միջանցքի ներդրումային ծրագրի Տրանշ 3-ի Ապրանքներ բաղադրիչի շրջանակներում)
4.	Ճանապարհային ակտիվների վերաբերյալ տվյալների ավտոմատ հավաքագրման սարքավորումները և ճանապարհային ակտիվների կառավարման համակարգը (համակարգչային ծրագիրը) շահագործող անձնակազմի ուսուցում	ՀՀ տրանսպորտի և կապի նախարարություն՝ Ասիական զարգացման բանկի օժանդակությամբ	2016 թ. սեպտեմբեր	Ներառվում է գնման պայմանագրում	Ասիական զարգացման բանկ (Հյուսիս-հարավ ճանապարհային միջանցքի ներդրումային ծրագրի Տրանշ 3-ի «Ապրանքներ» բաղադրիչի շրջանակներում)
5.	ՀՀ պետական նշանակության ավտոճանապարհների ցանցի անձնագրավորում, վիճակի մասին ելակետային տվյալների հավաքագրում և մշակում	ՀՀ տրանսպորտի և կապի նախարարություն	2015-2017 թթ.	15.5 մլն դրամ տարեկան	ՀՀ պետական բյուջե

(հավելվածը փոփ., խմբ. 01.02.16 N 40-Ա)

Հայաստանի Հանրապետության կառավարության աշխատակազմի ղեկավար-նախարար

Դ. Հարությունյան