ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

10 դեկտեմբերի 2015 թվականի N 1186-Ա

ՊԱՏՎԻՐԱԿՈՒԹՅՈՒՆ ՔՈՒՎԵՅԹԻ ՊԵՏՈՒԹՅՈՒՆ ԳՈՐԾՈՒՂԵԼՈՒ ՄԱՍԻՆ

Համաձայն Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրի 1-ին կետով սահմանված կարգի 121-րդ կետի 3-րդ ենթակետի`

1. Տնտեսական և տեխնիկական համագործակցության հայ-քուվեյթյան միջկառավարական հանձնաժողովի երկրորդ նիստին մասնակցելու նպատակով 2015 թվականի դեկտեմբերի 14-18-ը Քուվեյթի Պետություն գործուղել պատվիրակություն` համաձայն հավելվածի:

2. Պատվիրակության անդամների՝ Քուվեյթի Պետություն գործուղման հետ կապված ծախսերը կատարել՝

1) Արմեն Երիցյանի, Սերգեյ Ավետիսյանի, Վահագն Լալայանի, Կարեն Փահլևանյանի, Հայկ Գրիգորյանի, Տիգրան Սահակյանի ճանապարհածախսը և օրապահիկի ծախսերը՝ Հայաստանի Հանրապետության 2015 թվականի պետական բյուջեով արտասահմանյան պաշտոնական գործուղումների համար նախատեսված միջոցների հաշվին.

2) Սերգեյ Մանասարյանի և Մհեր Մկրտումյանի ճանապարհածախսը և օրապահիկի ծախսերը՝ Հայաստանի Հանրապետության արտաքին գործերի նախարարության աշխատակազմի պահպանման ծախսերում գործուղումների համար նախատեսված միջոցների հաշվին:

3. Ընդունել ի գիտություն, որ պատվիրակության անդամների՝ Քուվեյթի Պետություն գործուղման հետ կապված գիշերավարձի ծախսերը կատարվելու են հրավիրող կողմի հաշվին:

4. Հայաստանի Հանրապետության տարածքային կառավարման և արտակարգ իրավիճակների նախարարին` գործուղումից վերադառնալուց հետո եռօրյա ժամկետում Հայաստանի Հանրապետության կառավարության աշխատակազմ ներկայացնել Քուվեյթի Պետություն գործուղման արդյունքների մասին հաշվետվությունը:

Հայաստանի Հանրապետության վարչապետ	Հ. Աբրահամյան
2015 թ. դեկտեմբերի 10 Երևան

Հավելված ՀՀ վարչապետի 2015 թ. դեկտեմբերի 10-ի N 1186-Ա որոշման

Կ Ա Զ Մ

2015 ԹՎԱԿԱՆԻ ԴԵԿՏԵՄԲԵՐԻ 14-18-Ը ՔՈՒՎԵՅԹԻ ՊԵՏՈՒԹՅՈՒՆ ՄԵԿՆՈՂ ՊԱՏՎԻՐԱԿՈՒԹՅԱՆ

Ա. Երիցյան	- ՀՀ տարածքային կառավարման և արտակարգ իրավիճակների նախարար, (հանձնաժողովի համանախագահ) (15.12.2015-18-12.2015)
Ս. Մանասարյան	- ՀՀ արտաքին գործերի նախարարի տեղակալ
Ս. Ավետիսյան	- ՀՀ էկոնոմիկայի նախարարի տեղակալ
Վ. Լալայան	- ՀՀ էկոնոմիկայի նախարարության աշխատակազմի ներդրումային քաղաքականության վարչություն պետ
Կ. Փահլևանյան	- ՀՀ գյուղատնտեսության նախարարության աշխատակազմի գյուղատնտեսական ծրագրերի մոնիթորինգի և վերլուծության վարչության պետ
Հ. Գրիգորյան	- ՀՀ առողջապահության նախարարության արտաքին կապերի բաժնի պետ
Տ. Սահակյան	- ՀՀ կրթության և գիտության նախարարության աշխատակազմի արտաքին կապերի և սփյուռքի վարչության պետ
Մ. Մկրտումյան	- ՀՀ արտաքին գործերի նախարարության Մերձավոր և Միջին Արևելքի վարչության Արաբական թերակղզու երկրների բաժնի պետ (հանձնաժողովի քարտուղար)

Հայաստանի Հանրապետության կառավարության աշխատակազմի ղեկավար-նախարար

Դ. Հարությունյան