ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

15 հոկտեմբերի 2015 թվականի N 1169-Ա

ՆԵՐԴՐՈՒՄԱՅԻՆ ԾՐԱԳՐԻ ՇՐՋԱՆԱԿՆԵՐՈՒՄ «ՏԱՎՈՒՇ ՏԵՔՍՏԻԼ» ՍԱՀՄԱՆԱՓԱԿ ՊԱՏԱՍԽԱՆԱՏՎՈՒԹՅԱՄԲ ԸՆԿԵՐՈՒԹՅԱՆ ԿՈՂՄԻՑ ԱՊՐԱՆՔՆԵՐԻ ՆԵՐՄՈՒԾՄԱՆ ԴԵՊՔՈՒՄ ՄԱՔՍԱՅԻՆ ՄԱՐՄԻՆՆԵՐԻ ԿՈՂՄԻՑ ՀԱՇՎԱՐԿՎԱԾ ԱՎԵԼԱՑՎԱԾ ԱՐԺԵՔԻ ՀԱՐԿԻ ԳՈՒՄԱՐՆԵՐԻ ՎՃԱՐՄԱՆ ԺԱՄԿԵՏԸ ՄԻՆՉԵՎ ԵՐԵՔ ՏԱՐԻ ԺԱՄԿԵՏՈՎ ՀԵՏԱՁԳԵԼՈՒ ՄԱՍԻՆ

Հիմք ընդունելով «Ավելացված արժեքի հարկի մասին» Հայաստանի Հանրապետության օրենքի 6.1-ին հոդվածը և ղեկավարվելով Հայաստանի Հանրապետության կառավարության 2011 թվականի օգոստոսի 4-ի N 1119-Ն որոշման պահանջներով` Հայաստանի Հանրապետության կառավարությունը որոշում է.

1. Հայաստանի Հանրապետության կառավարության սահմանած կարգով ընտրված «Տավուշ Տեքստիլ» սահմանափակ պատասխանատվությամբ ընկերության կողմից իրականացվող ներդրումային ծրագրի շրջանակներում 2015 թվականի սեպտեմբերի 20-ից մինչև 2017 թվականի մարտի 31-ը ներառյալ ներմուծվող ապրանքների` համաձայն հավելվածի, մաքսային մարմինների կողմից հաշվարկվող ավելացված արժեքի հարկի վճարման ժամկետը հետաձգել ներմուծման հայտարարագրման օրվանից հաշված մինչև 3 տարի ժամկետով:

2. Հայաստանի Հանրապետության էկոնոմիկայի նախարարին` ապահովել «Տավուշ Տեքստիլ» սահմանափակ պատասխանատվությամբ ընկերության հետ Հայաստանի Հանրապետության կառավարության 2011 թվականի օգոստոսի 4-ի N 1119-Ն որոշման 1-ին կետի 3-րդ ենթակետով հաստատված` ներդրումային ծրագրի իրականացումից ակնկալվող արդյունքների և մոնիթորինգի համակարգի մասին համապատասխան պայմանագրի կնքումը:

3. Սահմանել, որ սույն որոշման հավելվածում նշված են ապրանքների նախնական արժեքները:

Հայաստանի Հանրապետության վարչապետ	Հ. Աբրահամյան
2015 թ. հոկտեմբերի 15 Երևան

Հավելված ՀՀ կառավարության 2015 թվականի հոկտեմբերի 15-ի N 1169-Ա որոշման

Ց Ա Ն Կ

«ՏԱՎՈՒՇ ՏԵՔՍՏԻԼ» ՍԱՀՄԱՆԱՓԱԿ ՊԱՏԱՍԽԱՆԱՏՎՈՒԹՅԱՄԲ ԸՆԿԵՐՈՒԹՅԱՆ ԿՈՂՄԻՑ ՆԵՐՄՈՒԾՎՈՂ ԱՊՐԱՆՔՆԵՐԻ

NN ը/կ	ԱՏԳ ԱԱ-ի ծածկագիրը	Անվանումը	Չափի միավորը	Քանակը	Ծագման/արտահանման երկիրը	Արժեքը (դրամ)
1	2	3	4	5	6	7
1.	8447	Մեքենա՝ տրիկոտաժային, գործող-եզրակարող և նրբաթաղիքային	հատ	420	Չինաստան և այլ երկրներ	668136000
2.	8451	Սարքավորում՝ ներկման, մշակման, մանվածքի, նյութերի ծածկապատ մածուկ քսելու DS 100	հատ	2	ՌԴ և այլ երկրներ	48500000
3.	8448	Սարքավորում՝ օժանդակ; մասեր` 8444-8447 դիրքերի մեքենաների	կգ	1000	Չինաստան և այլ երկրներ	4000000
4.	8539	Լամպեր՝ շիկացման էլ. կամ գազալիցքավորման, ուլտրամանուշակագույն կամ ինֆրակարմիր; աղեղային	հատ	700	Չինաստան և այլ երկրներ	5762400
5.	8427	Ավտոբեռնիչ՝ եղանիկային բռնիչով; այլ բեռնիչ` վերհան կամ բեռնիչ-բեռնաթափիչ սարքավորումով D25T-M2GB3	հատ	1	Չինաստան և այլ երկրներ	7000000
6.	3924	Պլաստմասսայե ճաշի և խոհանոցային սպասք, արդուզարդի պարագաներ	կգ	500	Չինաստան և այլ երկրներ	357700
7.	7214	Ձողեր՝ երկաթից կամ չորակավորած պողպատից տաք գլանված` առանց հետագա մշակման	կգ	6000	ՌԴ և այլ երկրներ	1106640
8.	4407	Անտառանյութ` երկայնակի սղոցած կամ ճեղքած, ռանդած, >6 մմ հաստ.	մ3	20	ՌԴ և այլ երկրներ	967680
9.	8474	Սարք՝ բնահող, քար, հանքաքար, այլ պինդ հանքանյութ տեսակավոր., լվալու, աղալու, խառնելու; պինդ հանքավառելանյութ, կերամիկ բաղադրություն, չկարծր. ցեմենտ, գիպսանյութ ագլոմերացնելու, կաղապարելու, ձուլելու	հատ	1	ՌԴ և այլ երկրներ	496800
10.	8716	Կցանքներ և կիսակցանքներ; դրանց մասեր	հատ	2	ՌԴ և այլ երկրներ	25920
11.	3917	Խողովակ, փողակ, ճկախողովակ, կցամասեր պլաստմասսայից	կգ	5	ՌԴ և այլ երկրներ	97848
12.	7211	Հարթ գլանվածք՝ պողպատից կամ չլեգիրված պողպատից՝ լայնությամբ 600 մմ-ից պակաս, չերեսապատված, առանց գալվանական կամ այլ պատվածքի.	կգ	450	ՌԴ և այլ երկրներ	15120
13.	7408	Պղնձալար. լայնական հատվածքի առավելագույն չափը 6 մմ-ից ավելի	կգ	12	ՌԴ և այլ երկրներ	233280
14.	7308	Մետաղակոնստրուկցիաներ՝ սև մետաղներից (բացի 9406 ապրանքային դիրքի հավաքովի շինարարական կոնստրուկցիաներից) և դրանց մասերը (օրինակ՝ կամուրջներ և դրանց սեկցիաները, ջրարգելակների դարպասներ, աշտարակներ, վանդակավոր կայմեր, ծածկեր տանիքների համար, շինարարական ֆերմաներ, դռներ, պատուհաններ և դրանց շրջանակներ, դռան շեմքեր, շերտափեղկեր, ճաղաշարքեր, հենարաններ և դրանց հենասյուներ), մետաղակոնստրուկցիաների մեջ օգտագործման համար նախատեսված թիթեղաթերթեր, ձողեր, ձևավոր պրոֆիլներ, խողովակներ և նույնանման արտադրատեսակներ սև մետաղներից.	կգ	30	ՌԴ և այլ երկրներ	351813
15.	8438	Սարքավորում՝ սննդամթերքի կամ ըմպելիքի արդյ. պատրաստման, այլ տեղում չնշած	հատ	2	ՌԴ և այլ երկրներ	2000000
16.	8408	Ներքին այրման մխոցային շարժիչներ, սեղմումային բոցավառումով	հատ	1	ՌԴ և այլ երկրներ	396000
17.	2710	Նավթ և նավթամթերքներ` ոչ հում	հազ. լիտր	1.2	ՌԴ և այլ երկրներ	562160
18.	8452	Կարի մեքենա	հատ	50	Չինաստան և այլ երկրներ	37000000
19.	8426	Նավային դերիկ-կռունկ; կռունկ վերհան; ֆերմա վերհան շարժական, բեռնիչ պորտալային	հատ	1	ՌԴ և այլ երկրներ	18000000
20.	8702	Շարժիչային փոխադրամիջոց` >=10 մարդու տեղափոխման HYUNDAI COUNTY KUZBASS	հատ	1	ՌԴ և այլ երկրներ	3600000
Ընդամենը						798.609.361

Հայաստանի Հանրապետության կառավարության աշխատակազմի ղեկավար-նախարար

Դ. Հարությունյան