ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

8 հոկտեմբերի 2015 թվականի N 1150-Ա

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2010 ԹՎԱԿԱՆԻ ՄԱՅԻՍԻ 20-Ի N 694-Ա ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Հիմք ընդունելով «Իրավական ակտերի մասին» Հայաստանի Հանրապետության օրենքի 70-րդ հոդվածի 5-րդ մասը և 75-րդ հոդվածի պահանջները՝ Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 2010 թվականի մայիսի 20-ի «Շիրակի հանրային հեռուստառադիո» փակ բաժնետիրական ընկերությանը գույք հանձնելու և Գյումրու քաղաքային համայնքին գույք նվիրաբերելու մասին» N 694-Ա որոշման մեջ կատարել հետևյալ փոփոխությունները՝

1) որոշման վերնագրից հանել «և Գյումրու քաղաքային համայնքին գույք նվիրաբերելու» բառերը.

2) որոշման նախաբանից հանել «Հայաստանի Հանրապետության քաղաքացիական օրենսգրքի 605-րդ հոդվածին» բառերը.

3) չեղյալ ճանաչել որոշման 7-րդ կետը և 8-րդ կետի 2-րդ ու 3-րդ ենթակետերը:

Հայաստանի Հանրապետության վարչապետ	Հ. Աբրահամյան
2015 թ. հոկտեմբերի 9 Երևան