ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

16 նոյեմբերի 2015 թվականի N 1081-Ա

ՊԱՏՎԻՐԱԿՈՒԹՅՈՒՆ ԲՐԱԶԻԼԻԱՅԻ ԴԱՇՆԱՅԻՆ ՀԱՆՐԱՊԵՏՈՒԹՅՈՒՆ ԳՈՐԾՈՒՂԵԼՈՒ ՄԱՍԻՆ

Համաձայն Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրի 1-ին կետով սահմանված կարգի 121-րդ կետի 3-րդ ենթակետի`

1. «Գլոբալ ճանապարհային անվտանգության բարելավում. արդյունքների հասնելու ժամանակն է» խորագրով ճանապարհային անվտանգության մասին բարձրաստիճան համաշխարհային 2-րդ գիտաժողովին մասնակցելու նպատակով 2015 թվականի նոյեմբերի 16-20-ը Բրազիլիայի Դաշնային Հանրապետություն (Բրազիլիա) գործուղել պատվիրակություն՝ համաձայն հավելվածի:

2. Ընդունել ի գիտություն, որ պատվիրակության անդամների Բրազիլիայի Դաշնային Հանրապետություն (Բրազիլիա) գործուղման հետ կապված ծախսերը կատարվելու են Ասիական Զարգացման Բանկի միջոցների հաշվին:

3. Հայաստանի Հանրապետության տրանսպորտի և կապի նախարարին` գործուղումից վերադառնալուց հետո եռօրյա ժամկետում Հայաստանի Հանրապետության կառավարության աշխատակազմ ներկայացնել Բրազիլիայի Դաշնային Հանրապետություն գործուղման արդյունքների մասին հաշվետվությունը:

Հայաստանի Հանրապետության վարչապետ	Հ. Աբրահամյան
2015 թ. նոյեմբերի 16 Երևան

Հավելված ՀՀ վարչապետի 2015 թ. նոյեմբերի 16-ի N 1081-Ա որոշման

Կ Ա Զ Մ

2015 ԹՎԱԿԱՆԻ ՆՈՅԵՄԲԵՐԻ 16-20-Ը բրազիլիայի Դաշնային Հանրապետություն ՄԵԿՆՈՂ ՊԱՏՎԻՐԱԿՈՒԹՅԱՆ

Գ. Բեգլարյան	- ՀՀ տրանսպորտի և կապի նախարար
Ա. Հակոբյան	- ՀՀ կառավարությանն առընթեր ՀՀ ոստիկանության «Ճանապարհային ոստիկանություն» ծառայության պետ
Գ. Գրիգորյան	- ՀՀ տրանսպորտի և կապի նախարարության աշխատակազմի ղեկավար
Գ. Ղազարյան	- ՀՀ տրանսպորտի և կապի նախարարի օգնական

Հայաստանի Հանրապետության կառավարության աշխատակազմի ղեկավար-նախարար

Դ. Հարությունյան