ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

Ղեկավարվելով «Տեղական տուրքերի և վճարների մասին» Հայաստանի Հանրապետության օրենքի 8-րդ հոդվածի «ա» կետով, «Իրավական ակտերի մասին» Հայաստանի Հանրապետության օրենքի 70-րդ հոդվածի 2-րդ մասի 1-ին կետով, 3-րդ մասով՝

Երևան քաղաքի ավագանին որոշում է.

1. Երևան քաղաքի ավագանու 2013 թվականի դեկտեմբերի 10-ի «Երևանի քաղաքային համայնքում տեղական վճարների դրույքաչափերը սահմանելու և Երևան քաղաքի ավագանու 2012 թվականի նոյեմբերի 28-ի N 536-Ն որոշումը ուժը կորցրած ճանաչելու մասին» N 90-Ն որոշման մեջ կատարել հետևյալ փոփոխությունը և լրացումները.

1) որոշման 1-ին կետի 1-ին ենթակետում «ավարտված շինարարության շահագործումը» բառերը փոխարինել «շինարարության ավարտական ակտի ձևակերպման» բառերով.

2) որոշման 1-ին կետը լրացնել հետևյալ բովանդակությամբ նոր 1.1) ենթակետով.

«1.1) շահագործման թույլտվություն տրամադրելու համար՝

ա. մինչև 100 քառակուսի մետր ընդհանուր մակերես ունեցող օբյեկտների համար` 25000 դրամ.

բ. 101-ից 500 քառակուսի մետր ընդհանուր մակերես ունեցող օբյեկտների համար` 50000 դրամ.

գ. 501-ից 1500 քառակուսի մետր ընդհանուր մակերես ունեցող օբյեկտների համար` 100000 դրամ.

դ. 1501 քառակուսի մետր և ավելի ընդհանուր մակերես ունեցող օբյեկտների համար` 150000 դրամ».

3) որոշման 2-րդ կետի «սույն որոշման 1-ին կետի 1-ին ենթակետի ա), բ), գ), դ) պարբերությունների» բառերից հետո լրացնել «, ինչպես նաև 1.1) ենթակետի ա), բ), գ), դ) պարբերությունների» բառերով:

Երևանի քաղաքապետ

Տ. Մարգարյան