ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

8 հուլիսի 2015 թվականի N 801-Ն

2014 ԹՎԱԿԱՆԻ ԱՊՐԻԼԻ 1-ԻՑ ՀԵՏՈ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 1998 ԹՎԱԿԱՆԻ ԴԵԿՏԵՄԲԵՐԻ 25-Ի N 821 ՈՐՈՇՄԱՄԲ ՆԱԽԱՏԵՍՎԱԾ ԱՆՁՆԱԳՐԵՐԸ ՏՐԱՄԱԴՐԵԼՈՒ ԿԱՄ ՓՈԽԱՆԱԿԵԼՈՒ ԻՐԱՎԱՍՈՒԹՅՈՒՆ ՈՒՆԵՑՈՂ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԴԻՎԱՆԱԳԻՏԱԿԱՆ ՆԵՐԿԱՅԱՑՈՒՑՉՈՒԹՅՈՒՆՆԵՐԻ ԵՎ ՀՅՈՒՊԱՏՈՍԱԿԱՆ ՀԻՄՆԱՐԿՆԵՐԻ ՑԱՆԿԸ ՀԱՍՏԱՏԵԼՈՒ ՄԱՍԻՆ

Համաձայն «Հայաստանի Հանրապետության քաղաքացու անձնագրի մասին» Հայաստանի Հանրապետության օրենքի 9-րդ հոդվածի 2-րդ մասի` Հայաստանի Հանրապետության կառավարությունը որոշում է.

1. Հաստատել Հայաստանի Հանրապետության այն դիվանագիտական ներկայացուցչությունների և հյուպատոսական հիմնարկների ցանկը, որոնք 2014 թվականի ապրիլի 1-ից հետո շարունակելու են տրամադրել և փոխանակել Հայաստանի Հանրապետության կառավարության 1998 թվականի դեկտեմբերի 25-ի N 821 որոշմամբ նախատեսված անձնագրեր` համաձայն հավելվածի:

2. Թույլատրել Վաշինգտոնում (Ամերիկայի Միացյալ Նահանգներ), Փարիզում (Ֆրանսիայի Հանրապետություն), Բրյուսելում (Բելգիայի Թագավորություն), Հաագայում (Նիդերլանդների Թագավորություն), Բեռլինում (Գերմանիայի Դաշնային Հանրապետություն), Վիեննայում (Ավստրիայի Հանրապետություն), Պրահայում (Չեխիայի Հանրապետություն), Աթենքում (Հունաստանի Հանրապետություն), Մոսկվայում (Ռուսաստանի Դաշնություն), Կիևում (Ուկրաինա) Հայաստանի Հանրապետության դեսպանություններին և Լոս Անջելեսում (Ամերիկայի Միացյալ Նահանգներ), Դոնի Ռոստովում (Ռուսաստանի Դաշնություն), Սանկտ Պետերբուրգում (Ռուսաստանի Դաշնություն) Հայաստանի Հանրապետության գլխավոր հյուպատոսություններին կենսաչափական տվյալներ պարունակող էլեկտրոնային անձնագրեր տրամադրելու համակարգի տեխնիկական անսարքության (բացառությամբ ցանցային և ծրագրային խափանումների) դեպքում տրամադրել և փոխանակել Հայաստանի Հանրապետության կառավարության 1998 թվականի դեկտեմբերի 25-ի N 821 որոշմամբ նախատեսված անձնագրեր:

3. Սահմանել, որ սույն որոշման 2-րդ կետում նշված Հայաստանի Հանրապետության դիվանագիտական ներկայացուցչությունների և հյուպատոսական հիմնարկների աշխատողներն արտագնա հյուպատոսական ընդունելություններ իրականացնելիս կարող են տրամադրել և փոխանակել Հայաստանի Հանրապետության կառավարության 1998 թվականի դեկտեմբերի 25-ի N 821 որոշմամբ նախատեսված անձնագրեր:

4. Սույն որոշումն ուժի մեջ է մտնում պաշտոնական հրապարակմանը հաջորդող օրվանից և գործելու է մինչև 2016 թվականի օգոստոսի 1-ը:

Հայաստանի Հանրապետության վարչապետ	Հ. Աբրահամյան
2015 թ. հուլիսի 24 Երևան

Հավելված ՀՀ կառավարության 2015 թվականի հուլիսի 8-ի N 801-Ն որոշման

Ց Ա Ն Կ

2014 ԹՎԱԿԱՆԻ ԱՊՐԻԼԻ 1-ԻՑ ՀԵՏՈ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 1998 ԹՎԱԿԱՆԻ ԴԵԿՏԵՄԲԵՐԻ 25-Ի N 821 ՈՐՈՇՄԱՄԲ ՆԱԽԱՏԵՍՎԱԾ ԱՆՁՆԱԳՐԵՐԸ ՏՐԱՄԱԴՐԵԼՈՒ ԿԱՄ ՓՈԽԱՆԱԿԵԼՈՒ ԻՐԱՎԱՍՈՒԹՅՈՒՆ ՈՒՆԵՑՈՂ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԴԻՎԱՆԱԳԻՏԱԿԱՆ ՆԵՐԿԱՅԱՑՈՒՑՉՈՒԹՅՈՒՆՆԵՐԻ ԵՎ ՀՅՈՒՊԱՏՈՍԱԿԱՆ ՀԻՄՆԱՐԿՆԵՐԻ

Արաբական Միացյալ Էմիրություններում Հայաստանի Հանրապետության դեսպանություն

Արգենտինայի Հանրապետությունում Հայաստանի Հանրապետության դեսպանություն

Բաթումում Հայաստանի Հանրապետության գլխավոր հյուպատոսություն

Բելառուսի Հանրապետությունում Հայաստանի Հանրապետության դեսպանություն

Բուլղարիայի Հանրապետությունում Հայաստանի Հանրապետության դեսպանություն

Բրազիլիայի Դաշնային Հանրապետությունում Հայաստանի Հանրապետության դեսպանություն

Դանիայի Թագավորությունում Հայաստանի Հանրապետության դեսպանություն

Եգիպտոսի Արաբական Հանրապետությունում Հայաստանի Հանրապետության դեսպանություն

Թուրքմենստանում Հայաստանի Հանրապետության դեսպանություն

Ինդոնեզիայի Հանրապետությունում Հայաստանի Հանրապետության դեսպանություն

Իսպանիայի Թագավորությունում Հայաստանի Հանրապետության դեսպանություն

Իտալիայի Հանրապետությունում Հայաստանի Հանրապետության դեսպանություն

Իրանի Իսլամական Հանրապետությունում Հայաստանի Հանրապետության դեսպանություն

Իրաքի Հանրապետությունում Հայաստանի Հանրապետության դեսպանություն

Լեհաստանի Հանրապետությունում Հայաստանի Հանրապետության դեսպանություն

Լիբանանի Հանրապետությունում Հայաստանի Հանրապետության դեսպանություն

Լիոնում Հայաստանի Հանրապետության գլխավոր հյուպատոսություն

Լիտվայի Հանրապետությունում Հայաստանի Հանրապետության դեսպանություն

Կանադայում Հայաստանի Հանրապետության դեսպանություն

Հալեպում Հայաստանի Հանրապետության գլխավոր հյուպատոսություն

Հնդկաստանի Հանրապետությունում Հայաստանի Հանրապետության դեսպանություն

Ղազախստանի Հանրապետությունում Հայաստանի Հանրապետության դեսպանություն

Ճապոնիայում Հայաստանի Հանրապետության դեսպանություն

Մարսելում Հայաստանի Հանրապետության գլխավոր հյուպատոսություն

Մեծ Բրիտանիայի և Հյուսիսային Իռլանդիայի Միացյալ Թագավորությունում Հայաստանի Հանրապետության դեսպանություն

Մեքսիկայի Միացյալ Նահանգներում Հայաստանի Հանրապետության դեսպանություն

Շվեդիայի Թագավորությունում Հայաստանի Հանրապետության դեսպանություն

Շվեյցարիայի Համադաշնությունում Հայաստանի Հանրապետության դեսպանություն

Չինաստանի Ժողովրդական Հանրապետությունում Հայաստանի Հանրապետության դեսպանություն

Ռումինիայում Հայաստանի Հանրապետության դեսպանություն

Սիրիայի Արաբական Հանրապետությունում Հայաստանի Հանրապետության դեսպանություն

Սոչիում հյուպատոսական կետ

Վիետնամի Սոցիալիստական Հանրապետությունում Հայաստանի Հանրապետության դեսպանություն

Վրաստանում Հայաստանի Հանրապետության դեսպանություն

Քուվեյթի Պետությունում Հայաստանի Հանրապետության դեսպանություն

Օդեսայում Հայաստանի Հանրապետության գլխավոր հյուպատոսություն

Հայաստանի Հանրապետության կառավարության աշխատակազմի ղեկավար-նախարար

Դ. Հարությունյան