Մաքսային միության անդամ պետությունների մաքսային ծառայությունների միավորված կոլեգիա

ՈՐՈՇՈՒՄ

12 փետրվարի 2014 թվականի

թիվ 10/12

քաղ. Նովոպոլոցկ

Մաքսային միության անդամ պետությունների մաքսային ծառայությունների ռիսկերի կառավարման համակարգի իրագործման առանձին հարցերի մասին

Մաքսային միության անդամ պետությունների մաքսային ծառայությունների միավորված կոլեգիան որոշեց`

1. Հաստատել գործարքի բնույթի ծածկագրերի ցանկերը գործարքի բնույթի այն դասակարգիչներին համապատասխան, որոնք հաստատվել են Ղազախստանի Հանրապետության ՖՆ ՄՀԿ-ի, Բելառուսի Հանրապետության ՊՄԿ-ի և Ռուսաստանի ԴՄԾ-ի կողմից և որոնք կիրառվում են որպես ռիսկի ցուցիչներ առուվաճառքի գործարքներից տարբերվող այլ գործարքների շրջանակներում տեղափոխվող ապրանքների նկատմամբ (հավելված թիվ 1)։

2. Հաստատել Մաքսային միության անդամ պետությունների մաքսային ծառայությունների կողմից ապրանքների ծագման երկրի մասին ոչ հավաստի տեղեկությունների հայտարարագրման ռիսկերի ոլորտների հայտնաբերման մեթոդիկան (հավելված թիվ 2)։

3. Հաստատել ռիսկերի նվազեցմանն ուղղված միջոցների ցանկը՝ ռիսկերի միասնականացված ցուցիչներ պարունակող ռիսկերի պրոֆիլների մշակման և կիրառման ընթացքում օգտագործելու համար (հավելված թիվ 3):

4. Ռուսաստանի ԴՄԾ-ին (ՌԿևՕՀ, Վ. Ի. Գոլոսկոկով), Բելառուսի Հանրապետության ՊՄԿ-ին (ՄՀԿՎ, Վ.Ն Օռլովսկի.), Ղազախստանի Հանրապետության ՖՆ ՄՀԿ-ին (ՌՎՎՎ, Ա. Մ. Կոլբայ)՝ ռիսկերի պրոֆիլները ձևավորելիս օգտվել սույն Որոշման 1–ին և 2–րդ կետերով հաստատված փաստաթղթերից։

5. Ռուսաստանի ԴՄԾ-ին (ՌԿևՕՀ, Վ. Ի. Գոլոսկոկով), Բելառուսի Հանրապետության ՊՄԿ-ին (ՄՀԿՎ, Վ.Ն. Օռլովսկի), Ղազախստանի Հանրապետության ՖՆ ՄՀԿ-ին (ՌՎՎՎ, Ա. Մ. Կոլբայ)՝ ռիսկերի պրոֆիլները ձևավորելիս ռիսկերի միասնականացված ցուցիչների հիման վրա օգտվել ռիսկերի նվազեցման միջոցներից՝ սույն Որոշման 3–րդ հավելվածում պարունակվող ցանկին համապատասխան։

6. Մաքսային միության անդամ պետությունների մաքսային ծառայությունների միավորված կոլեգիային առընթեր Մաքսային միության անդամ պետությունների մաքսային մարմիններում ռիսկերի կառավարման համակարգի զարգացման գծով աշխատանքային խմբին՝ ռիսկերի ցուցիչների միասնականացումն իրականացնելիս, միաժամանակ որոշել ռիսկերի նվազեցմանն ուղղված պարտադիր միջոցների ցանկը Ղազախստանի Հանրապետության, Բելառուսի Հանրապետության ու Ռուսաստանի Դաշնության մաքսային մարմիններում ռիսկերի պրոֆիլներին համապատասխան դրանց միանման կիրառման նպատակով, նախատեսելով կիրառվող ռիսկերի պրոֆիլները ռիսկերի նվազեցման այլ միջոցներով լրացնելու հնարավորություն՝ հաշվի առնելով տեղափոխվող ապրանքների յուրահատկությունը, միջազգային փոխադրման տրանսպորտային միջոցի տեսակը, ապրանքների և միջազգային փոխադրման տրանսպորտային միջոցների տեղափոխման պայմաններն ու առանձնահատկությունները։

Հավելվածներ

Հրապարակվել է կայքում 17 սեպտեմբերի 2015 թվական: