Basic information
Number
N 418-Ա
Type
Որոշում
Act type
Հիմնական ակտ (07.05.2017-մինչ օրս)
Status
Գործում է
Source
Չի հրապարակվել պաշտոնական պարբերականում
Enactment organisation
ՀՀ վարչապետ
Enactment date
06.05.2017
Signing organisation
ՀՀ վարչապետ
Signing date
06.05.2017
Effective date
07.05.2017

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

 

Ո Ր Ո Շ ՈՒ Մ

 

6 մայիսի 2017 թվականի N 418-Ա

 

ԱՐՏԱԿ ՂԱԶԱՐՅԱՆԻՆ ՎՐԱՍՏԱՆ ԳՈՐԾՈՒՂԵԼՈՒ ՄԱՍԻՆ

 

Համաձայն Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրի 1-ին կետով սահմանված կարգի 121-րդ կետի 3-րդ ենթակետի`

1. Հայաստանի Հանրապետության աշխատանքի և սոցիալական հարցերի նախարարության սոցիալական ապահովության պետական ծառայության պետ Արտակ Ղազարյանին 2017 թվականի մայիսի 10-12-ը գործուղել Վրաստան (Բաթումի)` Կենսաթոշակային և սոցիալական հիմնադրամների միջազգային ասոցիացիայի անդամ հանդիսացող երկրների համապատասխան մարմինների ղեկավարների հանդիպմանը և Վրաստանի սոցիալական սպասարկման ծառայության և ասոցիացիայի կողմից համատեղ կազմակերպված միջազգային կոնֆերանսին մասնակցելու համար:

2. Արտակ Ղազարյանի` Վրաստան (Բաթումի) գործուղման հետ կապված ճանապարհածախսը և օրապահիկի ծախսերը կատարել Հայաստանի Հանրապետության 2017 թվականի պետական բյուջեով արտասահմանյան պաշտոնական գործուղումների համար նախատեսված միջոցների հաշվին:

3. Ընդունել ի գիտություն, որ Արտակ Ղազարյանի` Վրաստան (Բաթումի) գործուղման հետ կապված գիշերավարձի ծախսերը կատարվելու են հրավիրող կողմի հաշվին:

4. Հայաստանի Հանրապետության աշխատանքի և սոցիալական հարցերի նախարարին` ապահովել գործուղումից վերադառնալուց հետո եռօրյա ժամկետում Արտակ Ղազարյանի` Վրաստան գործուղման արդյունքների մասին հաշվետվությունը Հայաստանի Հանրապետության կառավարության աշխատակազմ և Հայաստանի Հանրապետության արտաքին գործերի նախարարություն ներկայացնելը:

 

Հայաստանի Հանրապետության
վարչապետ

Կ. Կարապետյան

 

2017 թ. մայիսի 6

Երևան