ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

23 հուլիսի 2015 թվականի N 817-Ն

ԳՈՒՅՔ ԱՄՐԱՑՆԵԼՈՒ ԵՎ ԳՈՒՅՔԻ ՕԳՏԱԳՈՐԾՄԱՆ ԹՈՒՅԼՏՎՈՒԹՅՈՒՆ ՏԱԼՈՒ ՄԱՍԻՆ

Ղեկավարվելով «Պետական կառավարչական հիմնարկների մասին» Հայաստանի Հանրապետության օրենքի 4-րդ և 11-րդ հոդվածների պահանջներով` Հայաստանի Հանրապետության կառավարությունը որոշում է.

1. Հայաստանի Հանրապետության պաշտպանության նախարարությանն ամրացված և Հայաստանի Հանրապետության սեփականությունը հանդիսացող շարժական գույքը` համաձայն N 1 հավելվածի, հետ վերցնել և ամրացնել «Հայաստանի Հանրապետության քննչական կոմիտեի դեպարտամենտ» պետական կառավարչական հիմնարկին:

2. Հայաստանի Հանրապետության պաշտպանության նախարարությանն ամրացված և Հայաստանի Հանրապետության սեփականությունը հանդիսացող սույն կետում նշված անշարժ գույքը հետ վերցնել և ամրացնել «Հայաստանի Հանրապետության քննչական կոմիտեի դեպարտամենտ» պետական կառավարչական հիմնարկին՝

1) Հայաստանի Հանրապետության Գեղարքունիքի մարզի Սևան քաղաքի Նաիրյան 189 հասցեում գտնվող` 50,000,000 դրամ հաշվեկշռային արժեքով 627,7 քառ. մետր մակերեսով մասնաշենքը.

2) Հայաստանի Հանրապետության Տավուշի մարզի Իջևան քաղաքի Աղայան 12 հասցեում գտնվող` 36,352,720 դրամ 36 լումա հաշվեկշռային արժեքով 445,5 քառ. մետր մակերեսով վարչական շենքը.

3) Հայաստանի Հանրապետության Վայոց ձորի մարզի Եղեգնաձոր քաղաքի Թամանցիների 45/1 հասցեում գտնվող` 3,770,490 դրամ հաշվեկշռային արժեքով 444,4 քառ. մետր մակերեսով վարչական շենքը:

3. Սահմանել, որ սույն որոշման 2-րդ կետի 2-րդ ենթակետում նշված վարչական շենքի հանձնման հետ միասին «Հայաստանի Հանրապետության քննչական կոմիտեի դեպարտամենտ» պետական կառավարչական հիմնարկին է փոխանցվում 2014 թվականի օգոստոսի 24-ին կնքված անշարժ գույքի առուվաճառքի պայմանագրով (գրանցման համար` 7377) «Գազպրոմ Արմենիա» փակ բաժնետիրական ընկերության ունեցած 33,352,720 դրամ 36 լումա պարտավորությունը, որը ենթակա է վճարման մինչև 2015 թվականի օգոստոսի 4-ը:

4. Առաջարկել Հայաստանի Հանրապետության քննչական կոմիտեի նախագահին թույլատրել`

1) Հայաստանի Հանրապետության պաշտպանության նախարարության Սևանի կայազորի ռազմական ոստիկանության բաժնին` օգտագործելու սույն որոշման 2-րդ կետի 1-ին ենթակետում նշված մասնաշենքի 1-ին հարկի 109,6 քառ. մետր մակերեսով տարածքը (ընդհանուր մակերեսի 17,46 տոկոսը).

2) Հայաստանի Հանրապետության դատախազության Եղեգնաձորի կայազորի զինվորական դատախազությանը` Հայաստանի Հանրապետության քննչական կոմիտեի 8-րդ կայազորային քննչական բաժնի հետ համատեղ օգտագործելու սույն որոշման 2-րդ կետի 3-րդ ենթակետում նշված վարչական շենքը` ըստ իրենց կողմից զբաղեցված տարածքների:

5. Հայաստանի Հանրապետության պաշտպանության նախարարին`

1) թույլատրել Հայաստանի Հանրապետության քննչական կոմիտեի զինվորական քննչական գլխավոր վարչությանը` անհատույց օգտագործելու Հայաստանի Հանրապետության պաշտպանության նախարարությանն ամրացված` սույն որոշման N 2 հավելվածի 1-4-րդ կետերում նշված վարչական շենքերի տարածքները, իսկ 5-րդ կետում նշված տարածքը` մինչև սույն որոշման 2-րդ կետի 2-րդ ենթակետում նշված շենքի շահագործման հանձնելը.

2) սույն որոշումն ուժի մեջ մտնելուց հետո մեկամսյա ժամկետում սահմանված կարգով ապահովել՝

ա. Հայաստանի Հանրապետության քննչական կոմիտեի նախագահի հետ սույն որոշման 1-ին և 2-րդ կետերում նշված գույքի հանձնման-ընդունման աշխատանքների կատարումը` գույքի պետական հաշվառման հետ կապված ծախսերն իրականացնելով Հայաստանի Հանրապետության պետական բյուջեով Հայաստանի Հանրապետության քննչական կոմիտեին նախատեսված ընդհանուր միջոցների հաշվին,

բ. «Գազպրոմ Արմենիա» փակ բաժնետիրական ընկերության հետ եռակողմ պայմանագրի կնքումը` սույն որոշման 3-րդ կետում նշված պարտավորության փոխանցման մասին:

6. Սահմանել, որ սույն որոշման 2-րդ կետում նշված վարչական շենքերի կոմունալ-կենցաղային սպասարկման ծախսերն իրականացվում են Հայաստանի Հանրապետության քննչական կոմիտեի միջոցների հաշվին, իսկ սույն որոշման N 2 հավելվածում նշված վարչական շենքերի, ինչպես նաև Հայաստանի Հանրապետության քննչական կոմիտեի զինվորական քննչական գլխավոր վարչության 1-ին, 2-րդ կայազորային քննչական բաժինների կողմից զբաղեցված վարչական շենքերի կոմունալ-կենցաղային սպասարկման ծախսերն իրականացվում են Հայաստանի Հանրապետության պաշտպանության նախարարության միջոցների հաշվին:

 7. Հաստատել սույն որոշման 2-րդ կետում և N 2 հավելվածում նշված վարչական շենքերում Հայաստանի Հանրապետության պաշտպանության նախարարության կողմից Հայաստանի Հանրապետության քննչական կոմիտեին 2015 թվականին անհատույց մատուցվող ծառայությունների, ինչպես նաև անհատույց հատկացվող ապրանքների անվանացանկը՝ համաձայն N 3 հավելվածի:

Հայաստանի Հանրապետության վարչապետ	Հ. Աբրահամյան
2015 թ. հուլիսի 27 Երևան

Հավելված N 1 ՀՀ կառավարության 2015 թվականի հուլիսի 23-ի N 817-Ն որոշման

Ց Ա Ն Կ

«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՔՆՆՉԱԿԱՆ ԿՈՄԻՏԵԻ ԴԵՊԱՐՏԱՄԵՆՏ» ՊԵՏԱԿԱՆ ԿԱՌԱՎԱՐՉԱԿԱՆ ՀԻՄՆԱՐԿԻՆ ԱՄՐԱՑՎՈՂ ՇԱՐԺԱԿԱՆ ԳՈՒՅՔԻ

NN ը/կ	Գույքի տեսակը	Արտադրման տարեթիվը	Մակնիշը	Նույնականացման համարը	Քանակը	Արժեքը	Ընդամենը
1.	Տպիչ սարք A 3 բազմաֆունկցիոնալ	2014	XEROX WC5021	G-010640902	1	416,000	416,000
2.	Պատճենահանման սարք	2007	XEROX PRO WC420	TYE-3500780001 TYE-3500780702	2	617,000	1,234,00
3.	Պատճենահանման սարք	2007	XEROX WC420	TYR-3501869790 TYR-3501880921 TYR-3501873437 TYR-3501876410 TYR-3501860858 TYR-3501880832 TYR-3501880956	7	406,000	2842000
4.	Պատճենահանման սարք	2008	XEROX WC420	TYR-3501860017 TYR- 3501884030	2	406,000	812000
Ընդամենը   5,304,0 հազ. դրամ

Հայաստանի Հանրապետության կառավարության աշխատակազմի ղեկավար-նախարար

Դ. Հարությունյան

Հավելված N 2 ՀՀ կառավարության 2015 թվականի հուլիսի 23-ի N 817-Ն որոշման

Ց Ա Ն Կ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՔՆՆՉԱԿԱՆ ԿՈՄԻՏԵԻ ԶԻՆՎՈՐԱԿԱՆ ՔՆՆՉԱԿԱՆ ԳԼԽԱՎՈՐ ՎԱՐՉՈՒԹՅԱՆ ԿՈՂՄԻՑ ՕԳՏԱԳՈՐԾՎՈՂ ՏԱՐԱԾՔՆԵՐԻ

1. Երևան քաղաքի Բաբայան 4 հասցեում գտնվող վարչական շենքի 1887,2 քառ. մետր մակերեսով (ընդհանուր մակերեսի 20,65 տոկոսը) հետևյալ տարածքները՝

1) «Պահակակետ-1» շինությունը` 74,8 քառ. մետր մակերեսով.

2) գլխավոր մասնաշենքի`

ա. նկուղային հարկում մեկ սենյակ` 29,2 քառ. մետր մակերեսով,

բ. 1-ին հարկում 575 քառ. մետր տարածք,

գ. 2-րդ հարկում` 736,6 քառ. մետր տարածք,

դ. 5-րդ հարկում` 241,0 քառ. մետր տարածք.

3) սպորտային մասնաշենքի 1-ին հարկում` 206,6 քառ. մետր տարածք.

4) ավտոտնակների շարքում` մեկ ավտոտնակ (ձախից 6-րդ)` 24,0 քառ. մետր մակերեսով:

2. Հայաստանի Հանրապետության Լոռու մարզի Վանաձոր քաղաքի Զորավար Անդրանիկի 12 հասցեում գտնվող վարչական շենքի 1-ին և 2-րդ հարկերում` 290,7 քառ. մետր մակերեսով (ընդհանուր մակերեսի 29,31 տոկոսը) տարածք համապատասխանաբար` 120,3 քառ. մետր և 170,4 քառ. մետր:

3. Հայաստանի Հանրապետության Սյունիքի մարզի`

1) Կապան քաղաքի Գործարանային 5 հասցեում գտնվող վարչական շենքի 3-րդ հարկում` 123,4 քառ. մետր մակերեսով (ընդհանուր մակերեսի 7,08 տոկոսը) տարածք.

2) Գորիս քաղաքի Մաշտոցի 42 հասցեում գտնվող վարչական շենքի 1-ին հարկում մեկ սենյակ` 15,6 քառ. մետր մակերեսով (ընդհանուր մակերեսի 5,88 տոկոսը) տարածք:

4. Հայաստանի Հանրապետության Շիրակի մարզի Գյումրի քաղաքի Սավոյան 3 հասցեում գտնվող վարչական շենքի 3-րդ հարկում` 149,4 քառ. մետր մակերեսով (ընդհանուր մակերեսի 2,5 տոկոսը) տարածք:

5. Հայաստանի Հանրապետության Տավուշի մարզի Գետահովիտ գյուղի՝ Հայաստանի Հանրապետության պաշտպանության նախարարության Լոռու կայազորի ռազմական ոստիկանությանը պատկանող շենքի 1-ին հարկում 51,8 քառ. մետր մակերեսով (ընդհանուր մակերեսի 5,25 տոկոսը) տարածքը:

Հայաստանի Հանրապետության կառավարության աշխատակազմի ղեկավար-նախարար

Դ. Հարությունյան

Հավելված N 3 ՀՀ կառավարության 2015 թվականի հուլիսի 23-ի N 817-Ն որոշման

Ց Ա Ն Կ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԱՇՏՊԱՆՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՔՆՆՉԱԿԱՆ ԿՈՄԻՏԵԻՆ 2015 ԹՎԱԿԱՆԻՆ ԱՆՀԱՏՈՒՅՑ ՄԱՏՈՒՑՎՈՂ ԾԱՌԱՅՈՒԹՅՈՒՆՆԵՐԻ, ԻՆՉՊԵՍ ՆԱԵՎ ԱՆՀԱՏՈՒՅՑ ՀԱՏԿԱՑՎՈՂ ԱՊՐԱՆՔՆԵՐԻ

1. Վառելիք (բենզին) 110.000 լիտր` զինվորական քննչական գլխավոր վարչության կարիքների համար:

2. Կապի ծառայությունների սպասարկում և մատուցում` 2014 թվականին մատուցված ծառայությունների ծավալով:

Հայաստանի Հանրապետության կառավարության աշխատակազմի ղեկավար-նախարար

Դ. Հարությունյան