ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

8 հուլիսի 2015 թվականի N 746-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2002 ԹՎԱԿԱՆԻ ԴԵԿՏԵՄԲԵՐԻ 19-Ի N 2148-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 2002 թվականի դեկտեմբերի 19-ի «Ոստիկանության կոնկրետ պաշտոնին համապատասխանող կոչումները սահմանելու մասին» N 2148-Ն որոշման հավելվածից հանել՝

1) «Պաշտոնը» սյունակի «Բարձրագույն խմբի պաշտոններ» բաժնից՝ «Քննչական գլխավոր վարչության պետ» և դրան համապատասխանող «Կոչումը» սյունակից՝ «ոստիկանության գեներալ-լեյտենանտ» բառերը.

2) «Պաշտոնը» սյունակի «Գլխավոր խմբի պաշտոններ» բաժնից՝ «տարածքային քննչական բաժնի պետ» բառերը.

3) «Պաշտոնը» սյունակի «Միջին խմբի պաշտոններ» բաժնից՝ «հատկապես կարևոր գործերով ավագ քննիչ», «ավագ քննիչ» և «քննիչ» բառերը.

4) «Կենտրոնական ապարատ» հատվածի «Միջին խմբի պաշտոններ» բաժնից՝ «հատկապես կարևոր գործերով ավագ քննիչ» բառերը:

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Հայաստանի Հանրապետության վարչապետ	Հ. Աբրահամյան
2015 թ. հուլիսի 8   Երևան