041.0861.10.12.01

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

10 դեկտեմբերի 2001 թվականի N 861
քաղ. Երևան

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԽՐԱԽՈՒՍԱՆՔԻ ՁԵՎԵՐ ՍԱՀՄԱՆԵԼՈՒ ՄԱՍԻՆ

Հայաստանի Հանրապետության տնտեսական, սոցիալական, հասարակական, քաղաքական, գիտական, կրթական, հոգևոր և մշակութային ասպարեզներում ներդրած ավանդի և ունեցած վաստակի գնահատման նպատակով`

1. Սահմանել Հայաստանի Հանրապետության վարչապետի խրախուսանքի ձևեր` շնորհակալագիր, հուշամեդալ (NN 1 և 2 ձևեր), շքանշան (N 3 ձև) թանկարժեք  նվեր, հուշանվեր, դրամական և զենքով պարգևատրում:

(1-ին կետը փոփ. 18.12.03 N 650-Ն, լրաց. 26.12.03 N 673-Ն, 07.07.04 N 435-Ն, 26.06.15 N 542-Ն) 

2. Հաստատել Հայաստանի Հանրապետության վարչապետի խրախուսանքին ներկայացնելու և խրախուսման կարգը (կցվում է):

Հայաստանի Հանրապետության վարչապետ

Ա. Մարգարյան

Հաստատված է ՀՀ վարչապետի 2001 թ. դեկտեմբերի 10-ի N 861 որոշմամբ

Կ Ա Ր Գ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԽՐԱԽՈՒՍԱՆՔԻՆ ՆԵՐԿԱՅԱՑՆԵԼՈՒ ԵՎ ԽՐԱԽՈՒՍՄԱՆ

1. Հայաստանի Հանրապետության վարչապետը խրախուսում է շնորհակալագրով, շքանշանով, հուշամեդալով, թանկարժեք նվերով, հուշանվերով, դրամական պարգևատրմամբ` մշակույթի, արվեստի, գրականության, կրթության, հումանիտար գիտությունների, տնտեսության, ճարտարագիտության, առողջապահության, դիվանագիտության, իրավագիտության, քաղաքագիտության, պետական և հասարակական-քաղաքական գործունեության, նշանակալի բարեգործական գործունեության, սպորտի և այլ բնագավառներում Հայաստանի Հանրապետությանը մատուցած ծառայությունների, երկարամյա օրինակելի ու անբասիր աշխատանքի, ինչպես նաև վաստակած հանգստի ուղարկելու համար:

Հայաստանի Հանրապետության վարչապետը խրախուսում է նաև զենքով պարգևատրմամբ: Զենքով պարգևատրումը կատարվում է Հայաստանի Հանրապետության վարչապետի կողմից սահմանված կարգով:

(1-ին կետը լրաց. 26.12.03 N 673-Ն, 07.07.04 N 435-Ն, 26.06.15 N 542-Ն) 

2. Հայաստանի Հանրապետության վարչապետի առջև խրախուսանքի միջնորդություն կարող են հարուցել Հայաստանի Հանրապետության նախարարությունները, գերատեսչությունները, Հայաստանի Հանրապետության մարզպետները (Երևանի քաղաքապետը) ու հասարակական միավորումները:

3. Հայաստանի Հանրապետության վարչապետը խրախուսման հարց է բարձրացնում անձնական նախաձեռնությամբ:

4. Հայաստանի Հանրապետության պետական կառավարման մարմինները քննարկում և ամփոփում են Հայաստանի Հանրապետության վարչապետի խրախուսանքին ներկայացվող` իր ոլորտին առնչվող կամ համակարգի մեջ մտնող մարմինների (կազմակերպությունների) առաջարկությունները:

(4-րդ կետը փոփ. 18.12.03 N 650-Ն) 

5. Հայաստանի Հանրապետության վարչապետի խրախուսանքի վերաբերյալ առաջարկությունները Հայաստանի Հանրապետության վարչապետին են ներկայացվում միջնորդություն ներկայացնող մարմնի (կազմակերպության) ղեկավարի կողմից:

6. Հայաստանի Հանրապետության վարչապետի խրախուսանքին կարող են ներկայացվել ինչպես Հայաստանի Հանրապետության, այնպես էլ օտարերկրյա քաղաքացիներ ու քաղաքացիություն չունեցող անձինք, կազմակերպություններ և կոլեկտիվներ, բացառությամբ օրենքով նախատեսված դեպքերի:

(6-րդ կետը լրաց. 18.12.03 N 650-Ն, 07.07.04 N 435-Ն)

7. Հայաստանի Հանրապետության վարչապետի խրախուսանքին ներկայացվող անձի վերաբերյալ կարող են հարուցվել մեկից ավելի միջնորդություններ:

8. Միջնորդագրի հետ միասին Հայաստանի Հանրապետության վարչապետին են ներկայացվում խրախուսման ներկայացվող անձի`

ա) կենսագրական տվյալները,

բ) բնութագիրը` դրանում ներառելով առանձին ասպարեզներում մատուցած ծառայությունները և ունեցած վաստակը:

9. Հայաստանի Հանրապետության վարչապետի խրախուսանքին ներկայացված անձանց մասին միջնորդագրերը քննարկելիս կարող են պահանջվել լրացուցիչ տեղեկություններ, վերադարձվել լրացուցիչ քննարկման կամ չեզոք կարծիքի:

10. Հայաստանի Հանրապետության վարչապետը կարող է վերանայել միջնորդված խրախուսանքի ձևը կամ մերժել միջնորդությունը:

11. Հայաստանի Հանրապետության վարչապետի շնորհակալագիրը, հուշամեդալը, շքանշանը, թանկարժեք նվերը, հուշանվերը, դրամական պարգևատրումը հանձնում է Հայաստանի Հանրապետության վարչապետը կամ, նրա հանձնարարությամբ (կամ համաձայնությամբ), համապատասխան պետական կառավարման մարմնի ղեկավարը կամ համապատասխան պաշտոնատար անձը:

(11-րդ կետը խմբ. 18.12.03 N 650-Ն, լրաց. 26.12.03 N 673-Ն, 26.06.15 N 542-Ն)

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

 Շ Ն Ո Ր Հ Ա Կ Ա Լ Ա Գ Ի Ր

 _____________ բնագավառում ունեցած վաստակի, ակտիվ գործունեության և ներդրած ավանդի համար ______________ ին պարգևատրել շնորհակալագրով:

քաղ. Երևան ___ ________ 2001 թ. N ___

Ձև1

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ Շ Ն Ո Ր Հ Ա Կ Ա Լ Ա Գ Ի Ր   ----------------------------------------------------------------------------------------------------   ----------------------------------------------------------------------------------------------------   ունեցած նշանակալի վաստակի և (կամ) ակտիվ աշխատանքային գործունեության համար    --------------------------------------------------------------------------------- - ին   խրախուսել շնորհակալագրով։     ------ ----------- 200 թ. N ------ քաղ. Երևան

(ձևը խմբ. 18.12.03 N 650-Ն) 

Ձև 2

(ձևը լրաց. 18.12.03 N 650-Ն) 

Ձև 3

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

ՇՔԱՆՇԱՆ

Շքանշանը պատրաստվում է 925 հարգի արծաթի համաձուլվածքից, որի չափերն են 85 X 85 մմ: Քաշը ոչ պակաս քան 120 գրամը: Ոսկեպատ՝ 999.9 հարգի 5 միկրոն: Այն իրենից ներկայացնում է քառաթև ճառագայթաձև բազմանկյուն, որի բոլոր ճառագայթները դեպի կենտրոն ուռուցիկ են: Կենտրոնում պատկերված է շեղանկյուն, որի անկյունային մասերում են 4 կապույտ էմալով արծնածածկված գնդիկներ: Շեղանկյան կենտրոնում շրջանաձև հարթակի մեջ տեղադրված է ՀՀ կառավարության շենքի ռելիեֆային պատկերը, որի շուրջն ուռուցիկ շրջանաձև տառերով գրված են «ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ» և «Prime Minister of the Republic of Armenia» բառերը: Շքանշանի կորաձև ներս ընկած հատվածներն արծնածածկված են կապույտ գույնի սառն արծնով:

Շքանշանը դարձերեսի կողմից ունի կապույտ ժապավեն` պարգևատրվածին հանձնելու համար և համարակալվում է:

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ՇՔԱՆՇԱՆԻ ՎԿԱՅԱԿԱՆ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ՇՔԱՆՇԱՆ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ___________________ ՈՐՈՇՄԱՄԲ ___________________________________ ___________________________________ _________________________________   Պարգևատրվել է Հայաստանի Հանրապետության վարչապետի շքանշանով Շքանշան`________ Հայաստանի Հանրապետության վարչապետ`

(ձևը լրաց. 26.06.15 N 542-Ն) 

(կարգը խմբ., փոփ., լրաց. 18.12.03 N 650-Ն, լրաց. 26.12.03 N 673-Ն, 07.07.04 N 435-Ն, 26.06.15 N 542-Ն)