ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ

Հ Ր Ա Մ Ա Ն Ա Գ Ի Ր Ը

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ԿԱՌՈՒՑՎԱԾՔՈՒՄ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Ղեկավարվելով Հայաստանի Հանրապետության Սահմանադրության 85 հոդվածի երրորդ մասով և ի փոփոխումն Հայաստանի Հանրապետության Նախագահի 1995 թվականի հուլիսի 25-ի «Հայաստանի Հանրապետության կառավարության կառուցվածքը և գործունեության կարգը սահմանելու մասին» ՆՀ-456 հրամանագրի` որոշում եմ.

1. Վերակազմակերպել միաձուլման ձևով`

ա) Հայաստանի Հանրապետության առողջապահության նախարարությունը և Հայաստանի Հանրապետության սոցիալական ապահովության նախարարությունը` Հայաստանի Հանրապետության առողջապահության և սոցիալական ապահովության նախարարության.

բ) Հայաստանի Հանրապետության գյուղատնտեսության նախարարությունը և Հայաստանի Հանրապետության բնապահպանության նախարարությունը` Հայաստանի Հանրապետության գյուղատնտեսության և բնօգտագործման նախարարության.

գ) Հայաստանի Հանրապետության ֆինանսների նախարարությունը և Հայաստանի Հանրապետության էկոնոմիկայի նախարարությունը` Հայաստանի Հանրապետության ֆինանսների և էկոնոմիկայի նախարարության.

դ) Հայաստանի Հանրապետության տրանսպորտի նախարարությունը և Հայաստանի Հանրապետության փոստի և հեռահաղորդակցության նախարարությունը` Հայաստանի Հանրապետության տրանսպորտի և կապի նախարարության:

2. Վերակազմավորել`

ա) Հայաստանի Հանրապետության սեփականաշնորհման նախարարությունը` Հայաստանի Հանրապետության պետական գույքի կառավարման նախարարության.

բ) Հայաստանի Հանրապետության քաղաքաշինության նախարարությունը` Հայաստանի Հանրապետության տարածքային կառավարման և քաղաքաշինության գործունեությունը համակարգող նախարարության:

3. Հայաստանի Հանրապետության Նախագահի 1995 թվականի հուլիսի 25-ի ՆՀ-456 հրամանագրի I բաժինը (Հայաստանի Հանրապետության Նախագահի 1999 թվականի նոյեմբերի 13-ի ՆՀ-426 հրամանագրի խմբագրությամբ) շարադրել հետևյալ խմբագրությամբ.

«I. Սահմանել Հայաստանի Հանրապետության կառավարության հետևյալ կառուցվածքը.

1. Ազգային անվտանգության նախարարություն

2. Առողջապահության և սոցիալական ապահովության նախարարություն

3. Արդարադատության նախարարություն

4. Արդյունաբերության և առևտրի նախարարություն

5. Արտադրական ենթակառուցվածքների գործունեությունը համակարգող նախարար

6. Արտաքին գործերի նախարարություն

7. Գյուղատնտեսության և բնօգտագործման նախարարություն

8. Էներգետիկայի նախարարություն

9. Կրթության և գիտության նախարարություն

10. Մշակույթի, երիտասարդության հարցերի և սպորտի նախարարություն

11. Ներքին գործերի նախարարություն

12. Պաշտպանության նախարարություն

13. Պետական գույքի կառավարման նախարարություն

14. Պետական եկամուտների նախարարություն

15. Տրանսպորտի և կապի նախարարություն

16. Տարածքային կառավարման և քաղաքաշինության գործունեությունը համակարգող նախարարություն

17. Ֆինանսների և էկոնոմիկայի նախարարություն»:

4. Հայաստանի Հանրապետության կառավարությանը և Հայաստանի Հանրապետության վարչապետին` երկամսյա ժամկետում ընդունել սույն հրամանագրից բխող համապատասխան որոշումներ:

5. Սույն հրամանագիրն ուժի մեջ է մտնում պաշտոնական հրապարակման պահից:

Հայաստանի Հանրապետության նախագահ	Ռ. Քոչարյան
Երևան 28 փետրվարի 2000 թ. ՆՀ-490