ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

16 ապրիլի 2015 թվականի N 411-Ն

ՊԵՏԱԿԱՆ ԳՈՒՅՔԻ ԿԱՌԱՎԱՐՄԱՆ 2015-2017 ԹՎԱԿԱՆՆԵՐԻ ԾՐԱԳԻՐԸ ՍԱՀՄԱՆԵԼՈՒ ՄԱՍԻՆ

Հիմք ընդունելով «Պետական գույքի կառավարման մասին» Հայաստանի Հանրապետության օրենքի 17-րդ հոդվածը՝ պետական գույքի կառավարման ոլորտում քաղաքականություն իրականացնելու նպատակով Հայաստանի Հանրապետության կառավարությունը որոշում է.

1. Սահմանել պետական գույքի կառավարման 2015-2017 թվականների ծրագիրը` համաձայն հավելվածի:

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից, և դրա գործողությունը տարածվում է 2015 թվականի հունվարի 1-ից հետո ծագած հարաբերությունների վրա:

Հայաստանի Հանրապետության վարչապետ	Հ. Աբրահամյան
2015 թ. ապրիլի 22 Երևան

Հավելված ՀՀ կառավարության 2015 թվականի ապրիլի 16-ի N 411-Ն որոշման

2 0 1 5 - 2 0 1 7  Թ Վ Ա Կ Ա Ն Ն Ե Ր Ի  Ծ Ր Ա Գ Ի Ր

ՊԵՏԱԿԱՆ ԳՈՒՅՔԻ ԿԱՌԱՎԱՐՄԱՆ

I. ԸՆԴՀԱՆՈՒՐ ԴՐՈՒՅԹՆԵՐ

1. Պետական գույքի կառավարման ծրագիրը (այսուհետ` ծրագիր) մշակվում է ծրագրի գործողության ժամանակահատվածում պետական գույքի առանձին խմբերի համար իրականացվելիք միջոցառումների և գործարքների, զարգացման առաջնահերթությունների ու սահմանափակումների նկարագրությունը սահմանելու նպատակով` ապահովելով Հայաստանի Հանրապետությունում այս ոլորտում իրականացվող քաղաքականության միասնականությունն ու շարունակականությունը:

2. Ծրագիրը գործում է 2015 թվականի հունվարի 1-ից մինչև 2017 թվականի դեկտեմբերի 31-ը ընկած ժամանակահատվածում: Յուրաքանչյուր տարի, մինչև տվյալ տարվա մարտի 15-ը, ծրագրում կարող են կատարվել փոփոխություններ և լրացումներ` ընթացիկ և հաջորդ տարվա համար նախատեսված միջոցառումների և գործարքների նկարագրությունը սահմանելու համար:

3. Ծրագրում փոփոխություններ և լրացումներ կարող են կատարվել Հայաստանի Հանրապետության կառավարության, հանրապետական գործադիր մարմինների ղեկավարների, մարզպետների ներկայացմամբ:

II. ԾՐԱԳՐԻ ԳՈՐԾՈՂՈՒԹՅԱՆ ՇՐՋԱՆԱԿՆԵՐԸ, ՆՊԱՏԱԿՆԵՐԸ ԵՎ ԽՆԴԻՐՆԵՐԸ

4. Սույն ծրագրի գործողությունը տարածվում է`

1) պետական կառավարչական և պետական այլ հիմնարկներին ամրացված գույքի.

2) պետական ոչ առևտրային կազմակերպություններին ամրացված անշարժ գույքի.

3) իրավաբանական անձանց կանոնադրական կապիտալում պետությանը պատկանող բաժնետոմսերի (բաժնեմասերի).

4) սեփականության իրավունքով պետությանը պատկանող ոչ նյութական ակտիվների, այդ թվում` մտավոր սեփականության օբյեկտների և դրանց նկատմամբ իրավունքների.

5) պետությանը պատկանող գույքային իրավունքների (բացառությամբ պետությանը պատկանող պահանջի իրավունքի).

6) ինչպես նաև՝ այն գույքի վրա, որի նկատմամբ դատական ակտով ճանաչվել է պետության սեփականության իրավունքը:

5. Սույն ծրագրի գործողությունը չի տարածվում`

1) պետական սեփականություն հանդիսացող հողամասերի (բացառությամբ շենք, շինություններով զբաղեցված և դրա սպասարկման համար հատկացված հողամասերի), ընդերքի, անտառների, մեկուսի ջրային օբյեկտների և պետությանը պատկանող այլ բնական պաշարների, պատմության և մշակույթի անշարժ հուշարձանների, ինչպես նաև Հայաստանի Հանրապետության կենտրոնական բանկի գույքի և Հայաստանի Հանրապետության կենտրոնական բանկի կողմից հիմնադրված կամ Հայաստանի Հանրապետության կենտրոնական բանկի մասնակցությամբ կազմակերպությունների վրա.

2) պաշտպանական, սահմանային, քաղաքացիական պաշտպանության, ինչպես նաև ազգային անվտանգության բնագավառի պետական կառավարման լիազորված մարմնի տիրապետմանը և օգտագործմանը հանձնված պետական գույքի վրա, որն իր նշանակությամբ նախատեսված է գաղտնի աշխատանքների կատարման համար.

3) պետության նկատմամբ պարտքի դիմաց որպես սեփականություն ընդունված գույքի վրա.

4) «Սեփականության իրավունքից հրաժարում` հօգուտ պետության» մաքսային ռեժիմով պետությանը սեփականության իրավունքով հանձնված գույքի վրա.

5) մասնավոր կառավարման հանձնված ընկերությունների վրա:

6. Առևտրային կազմակերպություններում մինչև 50 տոկոս բաժնետոմսերը (բաժնեմասերը) պետական սեփականություն հանդիսանալու դեպքում այդպիսի կազմակերպություններում իրականացվող միջոցառումների վերաբերյալ որոշումներն ընդունվում են համապատասխան կազմակերպական-իրավական տեսակի առևտրային կազմակերպության գործունեությունը կանոնակարգող Հայաստանի Հանրապետության օրենսդրությանը համապատասխան:

7. Ծրագրի նպատակներն են`

1) պետական գույքի կառավարման միասնական քաղաքականության վարումը.

2) պետական գույքի արդյունավետ կառավարման արդյունքում Հայաստանի Հանրապետության պետական բյուջեի եկամուտների ավելացումը.

3) պետական սեփականություն հանդիսացող բաժնետոմսեր (բաժնեմասեր) ունեցող իրավաբանական անձանց մրցունակության բարձրացումը, դրանց գործունեության ֆինանսատնտեսական ցուցանիշների բարելավումը.

4) պետական գույքի կազմի ու կառուցվածքի կանոնակարգումը և օպտիմալացումը.

5) պետական գույքի ապապետականացման (այդ թվում` մասնավորեցման) միասնական քաղաքականության իրականացումը.

6) պետական ոչ առևտրային կազմակերպությունների և պետական սեփականություն հանդիսացող բաժնետոմսերով (բաժնեմասերով) առևտրային կազմակերպությունների լուծարման գործընթացի կանոնակարգումը.

7) պետական գույքի հաշվառման համակարգի կատարելագործումը.

8) պետական ակտիվների օգտագործումը՝ տնտեսության իրական հատվածում ներդրումներ ներգրավելու համար:

8. Ծրագրով սահմանված նպատակների իրագործման համար պետք է լուծվեն հետևյալ խնդիրները`

1) պետական գույքի ամբողջական հաշվառման իրագործում, դասակարգում, հաշվառման գրանցամատյանների վարում, սահմանված կարգով սեփականության իրավունքների պետական գրանցման ապահովում.

2) պետության գույքային իրավունքների և շահերի համակարգված ամբողջական իրացում.

3) պետական գույքի պահպանման և օգտագործման գործընթացի (վարձակալություն, լիզինգ, հավատարմագրային կառավարում և այլն) կանոնակարգում և վերահսկում.

4) պետական գույքի օտարման և մասնավորեցման գործընթացների կանոնակարգում և վերահսկում.

5) բաժնետիրական ընկերություններում պետության լիազոր ներկայացուցչական համակարգի կազմակերպում և վերահսկում.

6) պետական ու պետական մասնակցությամբ բաժնետիրական ընկերությունների լուծարման և դրանց գույքի տնօրինման, ինչպես նաև սնանկացման ու ֆինանսական առողջացման ծրագրերի հիմնավորում և իրականացում.

7) պետական գույքի տարանջատում՝ ըստ հետևյալ կառուցվածքային խմբերի`

ա. առաջնային նշանակության գույք, որի միջոցով իրագործվում են պետության ռազմավարական, սահմանադրական և օրենսդրական գործառույթները,

բ. առևտրային նշանակության գույք:

III. ՊԵՏԱԿԱՆ ԳՈՒՅՔԻ ԿԱՌԱՎԱՐՄԱՆ ՍԿԶԲՈՒՆՔՆԵՐԸ ԵՎ ԳԵՐԱԿԱՅՈՒԹՅՈՒՆՆԵՐԸ

9. Սույն ծրագրի իրականացման հիմքում դրված են պետական գույքի կառավարման հետևյալ սկզբունքները՝

1) պետական գույքի` կառավարման յուրաքանչյուր օբյեկտի (օբյեկտների խմբի) կառավարման նպատակի (նպատակների) սահմանում և ամրագրում.

2) սահմանված նպատակին հասնելու եղանակի ընտրություն, որը կարող է որոշվել նաև կառավարիչների ընտրության և նշանակման ընթացակարգի շրջանակներում և հաստատվել պետական լիազորված մարմնի կողմից.

3) կառավարման համակարգի ձևավորում, որի գործունեությունն ու պետական մարմինների հետ փոխհարաբերությունները կանոնակարգվում են համապատասխան իրավական ակտերով.

4) կառավարման արդյունավետության ապահովում, որը պարտադիր է պետական մարմինների գործունեության և կառավարիչների կողմից պետական սեփականության կառավարման աշխատանքների գնահատման ժամանակ.

5) պետական գույքի կառավարման տարբեր մակարդակներում կառավարիչների (գործադիր տնօրեն, պետության լիազոր ներկայացուցիչ, հավատարմագրային կառավարիչ) աշխատանքների վերահսկողության և գնահատման համակարգի հստակ սահմանում.

6) կառավարման ոլորտում մասնակիցների շահերի ներդաշնակության ապահովում.

7) պետական առևտրային կազմակերպություններում միջազգային լավագույն փորձի վրա հիմնված (մասնավորապես` տնտեսական համագործակցության և զարգացման կազմակերպության երկրների) կորպորատիվ կառավարման սկզբունքների կիրառման մեխանիզմների ներդրում.

8) պետական-մասնավոր համագործակցության պարզեցված սկզբունքների ներդրում, մասնավորապես, պետական գույքի արժեթղթավորման և ցուցակման միջոցով:

10. Պետական գույքի կառավարման ընդհանուր գերակայություններն են`

1) գույքի օգտագործման արդյունավետության ապահովումը.

2) գույքի արժեքի և որակական հատկանիշների պահպանումը.

3) առաջնային նշանակության գերակայությունը. եթե միևնույն գույքն ունի երկակի նշանակություն, այն դասվում է առաջնային նշանակության գույքի խմբին.

4) առաջնային նշանակության գույքը կարող է համալրվել ի հաշիվ առևտրային նշանակության գույքի` դրանց ուղղակի փոխանցման կամ, եթե դրանք իրենց նշանակությամբ կամ բնութագրերով չեն համապատասխանում առաջադրված խնդիրներին, դրանց մասնավորեցումից (օտարումից) ստացված միջոցներով ձեռք բերված գույքի.

5) առաջնային նշանակության գույքը հիմնականում ենթակա չէ մասնավորեցման.

6) պետական գույքի նշանակությունը ենթակա է պարբերական վերանայման (օրինակ, յուրաքանչյուր տարի կամ յուրաքանչյուր երեք տարին մեկ անգամ).

7) պետական գույքի համալրման նախապատվելի եղանակը պետական գնումներն են, ինչպես նաև Հայաստանի Հանրապետության Սահմանադրությամբ նախատեսված բացառիկ դեպքերում գույքի ձեռքբերումը՝ նախնական համարժեք փոխհատուցմամբ:

11. Պետական գույքի կառավարման հատուկ գերակայություններն են` կախված գույքի նշանակությունից`

1) առաջնային նշանակության պետական գույքի կառավարման համար`

ա. պետության սահմանադրական և օրենսդրական գործառույթների, վարչական և ռազմավարական նպատակների կատարման համար անհրաժեշտ գույքի նկատմամբ հիմնական պահանջներին նրանց լիակատար համապատասխանությունը,

բ. այս պահանջները բավարարող տարբերակներից առավել մատչելի և ռեսուրսախնայողի ընտրությունը.

2) առևտրային նշանակության պետական գույքի կառավարման համար` օգտագործման այլընտրանքային տարբերակներից նախապատվությունը տրվում է այն տարբերակներին, որոնք առավել նպաստում են տնտեսական աճի ապահովմանը, մասնավոր հատվածում օտարերկրյա և ներքին ներդրումների ներգրավմանը, շուկայական մրցակցության խթանմանը, արտահանման խթանմանը, աշխատատեղերի ստեղծմանը և աղքատության հաղթահարման ռազմավարական ծրագրի իրագործմանը, Հայաստանի Հանրապետության պետական բյուջեի եկամուտների ավելացմանը, մարդկային կապիտալի զարգացմանը, պետության այլ գործառույթների կատարմանը:

IV. ՊԵՏԱԿԱՆ ԳՈՒՅՔԻ ԿԱՌԱՎԱՐՄԱՆ ՈՒՂՂՈՒԹՅՈՒՆՆԵՐԸ ԵՎ ՀԻՄՆԱԿԱՆ ՄԻՋՈՑԱՌՈՒՄՆԵՐԸ

12. Պետական ոչ առևտրային կազմակերպությունների և պետական սեփականություն հանդիսացող բաժնետոմսերով (բաժնեմասերով) առևտրային կազմակերպությունների կառավարման համակարգի կատարելագործման, դրանց կողմից պետական գույքի օգտագործման արդյունավետության բարձրացման համար անհրաժեշտ է իրականացնել հետևյալ միջոցառումները`

1) հստակեցնել պետական ոչ առևտրային կազմակերպությունների և պետական սեփականություն հանդիսացող բաժնետոմսերով (բաժնեմասերով) առևտրային կազմակերպությունների կազմն ու կառուցվածքը և օպտիմալացնել դրանց քանակը, մասնավորապես`

ա. լուծարել «Պետական գույքի մասնավորեցման 2006-2007 թվականների ծրագրի մասին» Հայաստանի Հանրապետության օրենքում (այսուհետ` մասնավորեցման ծրագիր) չընդգրկված` պետական սեփականություն հանդիսացող բաժնետոմսերով (բաժնեմասերով) առևտրային կազմակերպությունները` համաձայն N 1 ցանկի,

բ. վերակազմակերպել պետական սեփականություն հանդիսացող բաժնետոմսերով (բաժնեմասերով) առևտրային կազմակերպությունները` համաձայն N 2 ցանկի.

2) կատարելագործել պետական սեփականություն հանդիսացող բաժնետոմսերով (բաժնեմասերով) առևտրային կազմակերպությունների գործունեության ֆինանսատնտեսական մոնիթորինգի համակարգը և բարձրացնել պետական ոչ առևտրային կազմակերպությունների կառավարման որակը, մասնավորապես`

ա. սահմանել պետական սեփականություն հանդիսացող բաժնետոմսերով (բաժնեմասերով) առևտրային կազմակերպությունների աշխատանքի հիմնական տեխնիկատնտեսական և այլ որակական ցուցանիշները, այդ թվում` դրանց գործարար ծրագրերի (ֆինանսատնտեսական գործունեության ծրագրերի) համաձայնեցման միջոցով,

բ. սահմանել հսկողություն պետական ոչ առևտրային կազմակերպությունների համար սահմանված ծրագրերի իրականացման, ինչպես նաև Հայաստանի Հանրապետության քաղաքացիական օրենսգրքի 51-րդ հոդվածի 4-րդ մասի երկրորդ պարբերությամբ սահմանված պահանջների կատարման նկատմամբ,

գ. իրականացնել պետական սեփականություն հանդիսացող բաժնետոմսերով (բաժնեմասերով) առևտրային կազմակերպությունների և պետական ոչ առևտրային կազմակերպությունների ժամկետանց կրեդիտորական պարտավորությունների մոնիթորինգ, պարտավորությունների առաջացման գործոնների վերլուծություն,

դ. մշակել և իրականացնել վնասով ու ցածր շահութաբերությամբ աշխատող՝ պետական սեփականություն հանդիսացող բաժնետոմսերով (բաժնեմասերով) առևտրային կազմակերպությունների ֆինանսատնտեսական առողջացման ծրագրեր` դրանց սնանկացումը թույլ չտալու համար,

ե. իրականացնել պետական սեփականություն հանդիսացող բաժնետոմսերով (բաժնեմասերով) առևտրային կազմակերպությունների և պետական ոչ առևտրային կազմակերպությունների հաշվապահական հաշվետվությունների ստուգում,

զ. իրականացնել պետական սեփականություն հանդիսացող բաժնետոմսերով (բաժնեմասերով) առևտրային կազմակերպությունների և պետական ոչ առևտրային կազմակերպությունների ֆինանսատնտեսական գործունեության վերահսկում` Հայաստանի Հանրապետության օրենսդրությանը համապատասխան,

է. սեփականատիրոջ նախաձեռնությամբ իրականացնել պետական սեփականություն հանդիսացող բաժնետոմսերով (բաժնեմասերով) առևտրային կազմակերպությունների և պետական ոչ առևտրային կազմակերպությունների գործունեության աուդիտ.

3) ներդնել պետական սեփականություն հանդիսացող բաժնետոմսերի (բաժնեմասերի) կառավարման առաջավոր մեթոդներն ու ձևերը, մասնավորապես`

ա. կազմակերպել ուսուցում (ներառյալ օրենսդրության, կառավարման մեթոդների իրազեկում) և որակավորման բարձրացման դասընթացներ՝ պետական գույքի կառավարման գործընթացում ընդգրկված անձանց (գործադիր տնօրեններ, կառավարիչներ, պետության լիազոր ներկայացուցիչներ) համար,

բ. սահմանել պետական գույքի կառավարման գործընթացում ընդգրկված անձանց (գործադիր տնօրեններ, կառավարիչներ, պետության լիազոր ներկայացուցիչներ) աշխատանքի խրախուսման ձևերն ու մեխանիզմները, որոնք պետք է կախված լինեն նրանց գործունեության արդյունքներից.

4) բարձրացնել պետական սեփականություն հանդիսացող բաժնետոմսերով (բաժնեմասերով) առևտրային կազմակերպությունների և պետական ոչ առևտրային կազմակերպությունների գույքի օգտագործման արդյունավետությունը, մասնավորապես`

ա. սահմանել պետական սեփականություն հանդիսացող բաժնետոմսերով (բաժնեմասերով) առևտրային կազմակերպությունների կողմից գույքի (անշարժ և շարժական) և պետական ոչ առևտրային կազմակերպությունների կողմից անշարժ գույքի օգտագործման արդյունավետության գնահատման չափորոշիչները,

բ. իրականացնել պետական սեփականություն հանդիսացող բաժնետոմսերով (բաժնեմասերով) առևտրային կազմակերպությունների կողմից գույքի (անշարժ և շարժական) և պետական ոչ առևտրային կազմակերպությունների կողմից անշարժ գույքի օգտագործման արդյունավետության պարբերաբար ուսումնասիրություններ,

գ. կիրառել պետական սեփականություն հանդիսացող բաժնետոմսերով (բաժնեմասերով) առևտրային կազմակերպություններին և պետական ոչ առևտրային կազմակերպություններին վարձակալությամբ կամ անհատույց օգտագործման իրավունքով գույք տրամադրելու մեխանիզմները:

13. Պետական սեփականություն հանդիսացող բաժնետոմսերով (բաժնեմասերով) առևտրային կազմակերպությունների ֆինանսատնտեսական գործունեության ցուցանիշների բարելավման, ինչպես նաև ներդրումների ներգրավման համար անհրաժեշտ է իրականացնել հետևյալ միջոցառումները` մասնավորեցնել առևտրային կազմակերպությունների բաժնետոմսերը և այլ գույքը` Հայաստանի Հանրապետությունում գործող մասնավորեցման օրենսդրությանը և մասնավորեցման ծրագրին համապատասխան:

14. Ապահովել պետության շահերն առևտրային կազմակերպությունների կողմից շահույթի բաշխման վերաբերյալ որոշումների ընդունման ժամանակ, մասնավորապես`

1) ապահովել N 3 ցանկում ընդգրկված` Հայաստանի Հանրապետության կառավարությանն առընթեր պետական գույքի կառավարման վարչության ենթակայության առևտրային կազմակերպությունների շահութաբաժիններ վճարելու վերաբերյալ որոշումների ընդունումը.

2) կատարելագործել առևտրային կազմակերպություններում պետության լիազոր ներկայացուցիչների գործունեության նկատմամբ հսկողությունը:

15. Պետական գույքի առանձին օբյեկտների օգտագործման արդյունավետության բարձրացման համար անհրաժեշտ է իրականացնել հետևյալ միջոցառումները`

1) առևտրային շրջանառության մեջ ներգրավել պետությանը պատկանող` չօգտագործվող կամ ըստ նպատակային նշանակության չօգտագործվող, կամ մասնակիորեն օգտագործվող անշարժ գույքի օբյեկտները, մասնավորապես`

ա. Հայաստանի Հանրապետության կառավարությանն առընթեր պետական գույքի կառավարման վարչության աշխատակազմին հանձնել չօգտագործվող կամ ըստ նպատակային նշանակության չօգտագործվող կամ մասնակիորեն օգտագործվող պետական գույքը` համաձայն N 4 ցանկի,

բ. օպտիմալացնել պետական սեփականություն հանդիսացող բաժնետոմսերով (բաժնեմասերով) առևտրային կազմակերպությունների գույքի կազմը` դրա վերաբերյալ որոշում ընդունելու իրավասություն ունեցող ղեկավար մարմնի (անձանց) որոշումների հիման վրա.

2) իրականացնել պետական ոչ առևտրային կազմակերպությունների կողմից շարժական գույքի օգտագործման վերահսկողության մեխանիզմը:

16. Հայաստանի Հանրապետության պետական գույքի մասին տեղեկությունների մատչելիությունն ապահովելու համար անհրաժեշտ է իրականացնել հետևյալ միջոցառումները`

1) կատարելագործել պետական գույքի հաշվառման համակարգը, մասնավորապես`

ա. լրամշակել և հստակեցնել պետական գույքի կազմի մասին առկա տեղեկությունները,

բ. ներդնել պետական գույքի հաշվառման ամբողջական, ավտոմատացված համակարգ, որը հասանելի է պետական գույքի կառավարման գործընթացում ընդգրկված բոլոր պետական մարմինների համար,

գ. մշակել պետական գույքի տարրերի մասին տեղեկությունների տրամադրման կարգ,

դ. իրականացնել պետական անշարժ գույքի և պետական գրանցման ենթակա` պետությանը պատկանող իրավունքների տեխնիկական գույքագրում:

V. ՊԵՏԱԿԱՆ ԳՈՒՅՔԻ ՄԱՍՆԱՎՈՐԵՑՈՒՄԸ ԵՎ ՕՏԱՐՈՒՄԸ

17. Մասնավորեցման ծրագրում ընդգրկված և մինչև սույն ծրագիրն ուժի մեջ մտնելը չմասնավորեցված (չլուծարված) առևտրային կազմակերպությունների և այլ օբյեկտների մասնավորեցման և (կամ) լուծարման առաջարկելու ժամկետները սահմանվում են սույն ծրագրով` համաձայն N 5 ցանկի:

18. N 5 ցանկում ընդգրկված առևտրային կազմակերպությունները և այլ օբյեկտները մասնավորեցվում ու լուծարվում են՝ մասնավորեցման ոլորտում գործող Հայաստանի Հանրապետության օրենսդրությանը համապատասխան:

19. Մասնավորեցման ծրագրում չընդգրկված, օտարման առաջարկվող անշարժ գույքի և անշարժ գույքի, որի` պետությանը պատկանող գույքային իրավունքներն առաջարկվում է փոխանցել իրավաբանական ու ֆիզիկական անձանց, կազմը սահմանվում է համաձայն N 6 ցանկի:

VI. ԾՐԱԳՐՈՒՄ ԸՆԴԳՐԿՎԱԾ ՊԵՏԱԿԱՆ ԳՈՒՅՔԻ ՆԿԱՏՄԱՄԲ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԵՏԱԿԱՆ ԵՎ ՏԱՐԱԾՔԱՅԻՆ ԿԱՌԱՎԱՐՄԱՆ ՄԱՐՄԻՆՆԵՐԻ ԻՐԱՎԱՍՈՒԹՅՈՒՆՆԵՐԻ ՍԱՀՄԱՆԱՓԱԿՈՒՄՆԵՐԸ

20. Հայաստանի Հանրապետության պետական և տարածքային կառավարման մարմիններն իրավունք չունեն ծրագիրն ուժի մեջ մտնելուց հետո դրանում ընդգրկված պետական ոչ առևտրային կազմակերպությունների, պետությանը սեփականության իրավունքով պատկանող բաժնետոմսերով (բաժնեմասերով) առևտրային կազմակերպությունների և պետական այլ գույքի նկատմամբ իրականացնելու այնպիսի գործառույթներ, որոնց արդյունքում անհնար կդառնա պետական գույքի նկատմամբ` սույն ծրագրով սահմանված միջոցառումների իրականացումը: Մասնավորապես, Հայաստանի Հանրապետության պետական և տարածքային կառավարման մարմինները պարտավոր են սույն ծրագրում ընդգրկված ընկերություններին թույլ չտալ իրականացնել ոչ համարժեք կամ զեղչ գներով խոշոր գործարքներ, ընկերության գործունեության հետ չկապված ծախսեր (գործարքներ), մասնավորապես, բաժնետիրոջ լիազորություններ իրականացնող պետական կառավարման մարմնի աշխատողների գործուղման, բարեգործական, ընկերության հիմնական գործունեությանը չառնչվող՝ սոցիալական ուղղվածություն ունեցող և այլ անհատույց գործարքներ:

21. Ծրագրում ընդգրկված պետական գույքի նկատմամբ այլ սահմանափակումներ կարող են սահմանվել սույն ծրագրում լրացումներ և փոփոխություններ կատարելու միջոցով:

VII. ԾՐԱԳՐՈՎ ՆԱԽԱՏԵՍՎԱԾ ՄԻՋՈՑԱՌՈՒՄՆԵՐՆ ԻՐԱԿԱՆԱՑՆՈՂ ՄԱՐՄԻՆՆԵՐԸ ԵՎ ՄԻՋՈՑԱՌՈՒՄՆԵՐԻ ԻՐԱԿԱՆԱՑՄԱՆ ՆԿԱՏՄԱՄԲ ՀՍԿՈՂՈՒԹՅՈՒՆԸ

22. 50 տոկոս և ավելի պետական սեփականությամբ բաժնետոմսերով (բաժնեմասերով) առևտրային կազմակերպությունների գործունեությանն առնչվող` սույն ծրագրով նախատեսված միջոցառումներն իրականացնում են Հայաստանի Հանրապետության կառավարության անունից այդ կազմակերպությունների՝ Հայաստանի Հանրապետության կառավարության կողմից լիազորված մարմինները:

23. Ծրագրով նախատեսված միջոցառումների իրականացման նկատմամբ հսկողությունն իրականացնում է Հայաստանի Հանրապետության կառավարության կողմից լիազորված մարմինը:

24. Ծրագրով սահմանված նպատակների իրագործման և միջոցառումների իրականացման աստիճանը որոշելու նպատակով ծրագրի կատարման մասին մշակվում է տարեկան հաշվետվություն, որը Հայաստանի Հանրապետության կառավարություն է ներկայացվում մինչև հաջորդող տարվա մայիսի 1-ը:

Հայաստանի Հանրապետության կառավարության աշխատակազմի ղեկավար-նախարար

Դ. Հարությունյան

Ց Ա Ն Կ  N 1

ՄԱՍՆԱՎՈՐԵՑՄԱՆ ԾՐԱԳՐՈՒՄ ՉԸՆԴԳՐԿՎԱԾ՝ ԼՈՒԾԱՐՄԱՆ ԱՌԱՋԱՐԿՎՈՂ ՊԵՏԱԿԱՆ ՍԵՓԱԿԱՆՈՒԹՅՈՒՆ ՀԱՆԴԻՍԱՑՈՂ ԲԱԺՆԵՏՈՄՍԵՐՈՎ (ԲԱԺՆԵՄԱՍԵՐՈՎ) ԱՌԵՎՏՐԱՅԻՆ ԿԱԶՄԱԿԵՐՊՈՒԹՅՈՒՆՆԵՐԻ

Ց Ա Ն Կ  N 2

ՎԵՐԱԿԱԶՄԱԿԵՐՊՄԱՆ ԱՌԱՋԱՐԿՎՈՂ՝ ՊԵՏԱԿԱՆ ՍԵՓԱԿԱՆՈՒԹՅՈՒՆ ՀԱՆԴԻՍԱՑՈՂ ԲԱԺՆԵՏՈՄՍԵՐՈՎ (ԲԱԺՆԵՄԱՍԵՐՈՎ) ԱՌԵՎՏՐԱՅԻՆ ԿԱԶՄԱԿԵՐՊՈՒԹՅՈՒՆՆԵՐԻ

Ց Ա Ն Կ N 3

ԱՌԵՎՏՐԱՅԻՆ ԿԱԶՄԱԿԵՐՊՈՒԹՅՈՒՆՆԵՐԻ ԿՈՂՄԻՑ ՎՃԱՐՎԱԾ ԵՎ ԿԱՆԽԱՏԵՍՎՈՂ ՇԱՀՈՒԹԱԲԱԺԻՆՆԵՐԻ

Ց Ա Ն Կ  N 4

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆՆ ԱՌԸՆԹԵՐ ՊԵՏԱԿԱՆ ԳՈՒՅՔԻ ԿԱՌԱՎԱՐՄԱՆ ՎԱՐՉՈՒԹՅԱՆ ԱՇԽԱՏԱԿԱԶՄԻՆ ՀԱՆՁՆՎՈՂ՝ ՉՕԳՏԱԳՈՐԾՎՈՂ ԿԱՄ ԸՍՏ ՆՊԱՏԱԿԱՅԻՆ ՆՇԱՆԱԿՈՒԹՅԱՆ ՉՕԳՏԱԳՈՐԾՎՈՂ ԿԱՄ ՄԱՍՆԱԿԻՈՐԵՆ ՕԳՏԱԳՈՐԾՎՈՂ ՊԵՏԱԿԱՆ ԳՈՒՅՔԻ

Ց Ա Ն Կ  N 5

ՄԱՍՆԱՎՈՐԵՑՄԱՆ ԾՐԱԳՐՈՒՄ ԸՆԴԳՐԿՎԱԾ՝ ՉՄԱՍՆԱՎՈՐԵՑՎԱԾ (ՉԼՈՒԾԱՐՎԱԾ) ԱՌԵՎՏՐԱՅԻՆ ԿԱԶՄԱԿԵՐՊՈՒԹՅՈՒՆՆԵՐԻ ԵՎ ԱՅԼ ՕԲՅԵԿՏՆԵՐԻ ՄԱՍՆԱՎՈՐԵՑՄԱՆ ԵՎ (ԿԱՄ) ԼՈՒԾԱՐՄԱՆ ԱՌԱՋԱՐԿԵԼՈՒ ԺԱՄԿԵՏՆԵՐԻ

Ց Ա Ն Կ  N 6

ՄԱՍՆԱՎՈՐԵՑՄԱՆ ԾՐԱԳՐՈՒՄ ՉԸՆԴԳՐԿՎԱԾ, ՕՏԱՐՄԱՆ ԱՌԱՋԱՐԿՎՈՂ ԱՆՇԱՐԺ ԳՈՒՅՔԻ ԵՎ ԱՆՇԱՐԺ ԳՈՒՅՔԻ, ՈՐԻ` ՊԵՏՈՒԹՅԱՆԸ ՊԱՏԿԱՆՈՂ ԳՈՒՅՔԱՅԻՆ ԻՐԱՎՈՒՆՔՆԵՐՆ ԱՌԱՋԱՐԿՎՈՒՄ Է ՓՈԽԱՆՑԵԼ ԻՐԱՎԱԲԱՆԱԿԱՆ ՈՒ ՖԻԶԻԿԱԿԱՆ ԱՆՁԱՆՑ

NN ը/կ	Գույքի անվանումը	Գտնվելու վայրը	Մակերեսը (քառ. մ)	Հանրապետական գործադիր մարմնի անվանումները	Գույքային իրավունքների գրանցված լինելու հանգամանքը	Հաշվեկշռում ամրագրված լինելու հանգամանքը
1	2	3	4	4	5	6
1.	Քանաքեռ կայարանի կաթսայատուն	քաղ. Երևան, Սարկավագի 106/5	52.8	ՀՀ կառավարությանն առընթեր պետական գույքի կառավարման վարչություն	Գրանցում չունի	Հաշվառված է
2.	Վարչական տարածքի մաս	քաղ. Երևան, Դ. Անհաղթի 23/6	256.4	ՀՀ կառավարությանն առընթեր պետական գույքի կառավարման վարչություն	Գրանցված է	Հաշվառված է
3.	«Աշտարակի բժշկական կենտրոն» ՓԲԸ-ից առանձնացված` 1) հիմնական մասնաշենք 2) ճաշարանային մ/շ 3) պահեստ 4) պարիսպ	քաղ. Աշտարակ, Գ. Նարեկացու 61	1793.3 283.8 36.7 20.8	ՀՀ կառավարությանն առընթեր պետական գույքի կառավարման վարչություն	Գրանցված է	Հաշվառված է
4.	Հրաձգարան (քանդված)	քաղ. Արմավիր, Նալբանդյան 3	42.7	ՀՀ կառավարությանն առընթեր պետական գույքի կառավարման վարչություն	Գրանցված է	Հաշվառված է
5.	«Գավառի հիվանդանոց» ՓԲԸ՝ 1) կաթսայատուն 2) ճաշարան	քաղ. Գավառ, Նալբանդյան փող.	439.6 405.3	ՀՀ կառավարությանն առընթեր պետական գույքի կառավարման վարչություն	Գրանցված է	Հաշվառված է
6.	«Գավառի մանկական պոլիկլինիկա» ՓԲԸ՝ 1) պոլիկլինիկայի շենք 2) ավտոտնակ 3) պոմպակայան	քաղ. Գավառ, Նալբանդյան 91, Նալբանդյան 91/2, Նալբանդյան 91/2	4453.75 147.1 15	ՀՀ կառավարությանն առընթեր պետական գույքի կառավարման վարչություն	Գրանցված է	Հաշվառված է
7.	«Ճամբարակի առողջ. կենտրոն» ՓԲԸ-ի թ. 2 գլխամասի մասնաշենք	քաղ. Ճամբարակ, Տ. Մեծի 3	2120.9	ՀՀ կառավարությանն առընթեր պետական գույքի կառավարման վարչություն	Գրանցում չունի	Հաշվառված է
8.	«Վանաձորի թիվ 3 պոլիկլինիկա» ՊՓԲԸ-ից առանձնացված՝ 1) շենք 2) ծածկ 3) ծածկ	քաղ. Վանաձոր, Պ. Սևակի 49/1	2231.51 16.7 16.2	ՀՀ կառավարությանն առընթեր պետական գույքի կառավարման վարչություն	Գրանցված է	Հաշվառված է
9.	«Լոռու մարզի մաշկավեներաբանական դիսպանսեր» ՊՓԲԸ-ի տարածք	քաղ. Վանաձոր, Պ. Սևակի 49	508.3	ՀՀ կառավարությանն առընթեր պետական գույքի կառավարման վարչություն	Գրանցված է	Հաշվառված է
10.	«Վանաձորի ուռուցքաբանական» ՊՓԲԸ-ի տարածք	քաղ. Վանաձոր, Պ. Սևակի 49	531.42	ՀՀ կառավարությանն առընթեր պետական գույքի կառավարման վարչություն	Գրանցված է	Հաշվառված է
11.	«Վան» ՇՓԲԸ -ի Վանաձորի կիրճ.«Շինարար» ճամբար 1) կաթսայատուն 2) օժանդակ շինություն 3) բուժ. կետ 4) հանգրվան 5) սանհանգույց 6) սանհանգույց 7) լողավազան 8) հենապատ	քաղ. Վանաձոր, Վանաձորի կիրճ	2028.4 254.0 140.25 113.7 1743.06 48.0 36.03 383.4 230 գ/մ	ՀՀ կառավարությանն առընթեր պետական գույքի կառավարման վարչություն	Գրանցված է	Հաշվառված է
12.	«Ախթալայի առողջության կենտրոն» ՊՓԲԸ-ից առանձնացված՝ 1) հիմնական մասնաշենք 2) ինֆեկցիոն մասնաշենք 3) տնտեսական մասնաշենք 4) անատոմիկ մասնաշենք	քաղ. Ախթալա, Գնունու փողոց	2392.7 626.6 378.2 22.7	ՀՀ կառավարությանն առընթեր պետական գույքի կառավարման վարչություն	Գրանցված է	Հաշվառված է
13.	«Ալավերդու բժշկական կենտրոն» ՓԲԸ-ի ծննդատան մասնաշենք	քաղ. Ալավերդի, Շահումյան 2	2099.4	ՀՀ կառավարությանն առընթեր պետական գույքի կառավարման վարչություն	Գրանցված է	Հաշվառված է
14.	«Տաշիր բժշկական կենտրոն» ՓԲԸ-ի մանկական ինֆեկցիոն բաժանմունքի զբաղեցրած տարածք	քաղ. Տաշիր, Գրիբոյեդովի 3	447.8	ՀՀ կառավարությանն առընթեր պետական գույքի կառավարման վարչություն	Գրանցված է	Հաշվառված է
15.	Տաշիրի ԱԼԿ 1) ԱԼԿ-ի շենք 2) ծածկ	քաղ. Տաշիր, Կիրովի 1	67.8 8.4	ՀՀ կառավարությանն առընթեր պետական գույքի կառավարման վարչություն	Գրանցված է	Հաշվառված է
16.	«Գառնիի առողջության կենտրոն» ՓԲԸ-ի զբաղեցրած տնտեսական մասնաշենք	ՀՀ Կոտայքի մարզ, գ. Գառնի, Ա. Սահինյան 1/1	367.0	ՀՀ կառավարությանն առընթեր պետական գույքի կառավարման վարչություն	Գրանցված է	Հաշվառված է
17.	Սպիտակ տուն	ՀՀ Կոտայքի մարզ, գ. Գառնի, Մարզպետունու 2/1	336.03	ՀՀ կառավարությանն առընթեր պետական գույքի կառավարման վարչություն	Գրանցված է	Հաշվառված է
18.	Եվրոպական տարածաշրջանային ակադեմիայի նախկին շենք	քաղ. Հրազդան, 5-րդ բանավան, Դուրյան 22	793.58	ՀՀ կառավարությանն առընթեր պետական գույքի կառավարման վարչություն	Գրանցված է	Հաշվառված է
19.	«Հրազդանի բժշկական կենտրոն» ՓԲԸ-ի պոլիկլինիկայի շենքից տարածք	քաղ. Հրազդան, Սպանդարյան 47/3	273.01	ՀՀ կառավարությանն առընթեր պետական գույքի կառավարման վարչություն	Գրանցված է	Հաշվառված է
20.	«Աբովյանի շտապ օգնության կայան» ՓԲԸ	քաղ . Աբովյան	575.4	ՀՀ կառավարությանն առընթեր պետական գույքի կառավարման վարչություն	Գրանցում չունի	Հաշվառված է
21.	«Աբովյանի բժշկական կենտրոն» ՓԲԸ-ի ինֆեկցիոն մ/շ	քաղ . Աբովյան	2471.0	ՀՀ կառավարությանն առընթեր պետական գույքի կառավարման վարչություն	Գրանցում չունի	Հաշվառված է
22.	Ճաշարան	քաղ. Աբովյան, Ուսանողական նրբ., 4	686.17	ՀՀ կառավարությանն առընթեր պետական գույքի կառավարման վարչություն	Գրանցված է	Հաշվառված է
23.	Շենքի բացվածք	քաղ Աբովյան, Հանրապետու-թյան 30	68.81	ՀՀ կառավարությանն առընթեր պետական գույքի կառավարման վարչություն	Գրանցված է	Հաշվառված է
24.	«Չարենցավանի բժշկական կենտրոն» ՓԲԸ-ից առանձնացված՝ 1) ինֆեկցիոն մասնաշենք 2) հենապատ	քաղ. Չարենցավան, Լենինի 4	2335.9 12.8	ՀՀ կառավարությանն առընթեր պետական գույքի կառավարման վարչություն	Գրանցված է	Հաշվառված է
25.	«Չարենցավանի բժշկական կենտրոն» ՓԲԸ-ից առանձնացված կանանց կոնսուլտացիայի մասնաշենք	քաղ. Չարենցավան, Լենինի 6	587.5	ՀՀ կառավարությանն առընթեր պետական գույքի կառավարման վարչություն	Գրանցված է	Հաշվառված է
26.	«Շիրակի մարզային հիվանդանոց» ՓԲԸ-ից առանձնացված գույք՝ 1) թերապևտիկ բաժանմունք 2) ֆիզիոբաժանմունք 3) ֆիզիոբաժանմունք 4) դիահերձարան 5) ավտոտնակ 6) պարիսպ	քաղ. Գյումրի, Ղանդիլյան 51/11	724.86 295.8 749.55 58.16 46.8 3.96 /7.92խմ/	ՀՀ կառավարությանն առընթեր պետական գույքի կառավարման վարչություն	Գրանցված է	Հաշվառված է
27.	«Գ.Գյուլբենկյանի անվան վիրաբուժական հիվանդանոց» ՓԲԸ 1) հիվանդանոց 2) օժանդակ շինություն	քաղ. Գյումրի, Ջիվանու 74	2450.01 42.64	ՀՀ կառավարությանն առընթեր պետական գույքի կառավարման վարչություն	Գրանցված է	Հաշվառված է
28.	Կաթսայատուն	քաղ. Գյումրի, Թբիլիսյան խճ., 1-ին փող., 5/1	36.02	ՀՀ կառավարությանն առընթեր պետական գույքի կառավարման վարչություն	Գրանցված է	Հաշվառված է
29.	«Արթիկի հիվանդանոց» ՓԲԸ-ից առանձնացված ավտոտնակ	քաղ. Արթիկ, Բաղրամյան փողոց	54.5	ՀՀ կառավարությանն առընթեր պետական գույքի կառավարման վարչություն	Գրանցված է	Հաշվառված է
30.	«Արթիկի հիվանդանոց» ՓԲԸ-ից առանձնացված՝ 1) դեղատուն, լվացքատուն 2) դիահերձարան	քաղ. Արթիկ, Բաղրամյան 2	199.5 47.8	ՀՀ կառավարությանն առընթեր պետական գույքի կառավարման վարչություն	Գրանցված է	Հաշվառված է
31.	Կենցաղի տուն	քաղ. Ապարան, Բաղրամյան 14	614.28	ՀՀ կառավարությանն առընթեր պետական գույքի կառավարման վարչություն	Գրանցված է	Հաշվառված է
32.	«Մեղրու տարածաշրջանային բժշկական կենտրոն» ՓԲԸ-ից առանձնացված ինֆեկցիոն մասնաշենք` 1) ինֆեկցիոն բաժանմունք 2) ծննդատուն	քաղ. Մեղրի, Մ. Օհանջանյան 92/1 գ. Ագարակ, Հիվանդանո-ցային 1/2	461.1 336.5 300.9	ՀՀ կառավարությանն առընթեր պետական գույքի կառավարման վարչություն	Գրանցված է	Հաշվառված է
33.	Ձկնային տնտեսություն	ՀՀ Սյունիքի մարզ, գյուղ Որոտան	3583.8	ՀՀ կառավարությանն առընթեր պետական գույքի կառավարման վարչություն	Գրանցում չունի	Հաշվառված է
34.	Կոնտակտային ցանց	քաղ. Երևան, Արցախի 16/16	430.6	ՀՀ կառավարությանն առընթեր պետական գույքի կառավարման վարչություն	Գրանցված է	Հաշվառված է
35.	Իջևանի կոնտակտային ցանցի շենք ավտոկայանատեղի վառելիքի պահեստ պարիսպ	ՀՀ Տավուշի մարզ, քաղ. Իջևան	160.2 6.8 52.5	ՀՀ կառավարությանն առընթեր պետական գույքի կառավարման վարչություն	Գրանցված է	Հաշվառված է
36.	Արհեստանոց պահեստ պահակատուն էլ. ենթակայան պահակատուն պարիսպ	ՀՀ Տավուշի մարզ, քաղ. Դիլիջան, Թբիլիսյան խճ., 129/10	701.2 266.8 12.2 18.7 4.2 12.7	ՀՀ կառավարությանն առընթեր պետական գույքի կառավարման վարչություն	Գրանցված է	Հաշվառված է
37.	Անասնաշենք, աշխատանքային սենյակ	ՀՀ Տավուշի մարզ, գ. Հովք	519.6 130.2	ՀՀ կառավարությանն առընթեր պետական գույքի կառավարման վարչություն	Գրանցված է	Հաշվառված է
38.	Վարչական շենք սանհանգույց կաթսայատուն	ՀՀ Տավուշի մարզ, գ. Գետահովիտ	364.3 17.7 2.9	ՀՀ կառավարությանն առընթեր պետական գույքի կառավարման վարչություն	Գրանցված է	Հաշվառված է
39.	Պահեստ	ՀՀ Տավուշի մարզ, գ. Գետահովիտ	315	ՀՀ կառավարությանն առընթեր պետական գույքի կառավարման վարչություն	Գրանցված է	Հաշվառված է
40.	Ավտոտնակ	ՀՀ Լոռու մարզ, քաղ. Ալավերդի, Սանահին կայարան	40.3	ՀՀ կառավարությանն առընթեր պետական գույքի կառավարման վարչություն	Գրանցված է	Հաշվառված է
41.	Բենզինի պահեստ	ՀՀ Լոռու մարզ, քաղ. Ալավերդի, Սանահին կայարան	45.2	ՀՀ կառավարությանն առընթեր պետական գույքի կառավարման վարչություն	Գրանցված է	Հաշվառված է
42.	Ճաշարան	ՀՀ Լոռու մարզ, քաղ. Սպիտակ, Շիրակի խճուղի	95.85	ՀՀ կառավարությանն առընթեր պետական գույքի կառավարման վարչություն	Գրանցված է	Հաշվառված է
43.	Պահեստ հարթակ	ՀՀ Գեղարքունիքի մարզ, քաղ. Սևան, Սևանի երկաթգծի կայարանից արևմուտք	233.1 558.63	ՀՀ կառավարությանն առընթեր պետական գույքի կառավարման վարչություն	Գրանցված է	Հաշվառված է
44.	Այգավան նախկին կայարան վարչական շենք օժանդակ շինություն օժանդակ շինություն օժանդակ շինություն զուգարան կառամատույց	ՀՀ Արարատի մարզ, գ. Ոսկետափ	266.4 22.4 24.8 68.4 20.9 615.6	ՀՀ կառավարությանն առընթեր պետական գույքի կառավարման վարչություն	Գրանցված է	Հաշվառված է
45.	«Երևանի լոկոմոտիվային դեպո» Մասիսի լոկ. բրիգ. հանգստի տուն	ՀՀ Արարատի մարզ, քաղ. Մասիս, Շիրակի փող., 1-ին նրբ., 2/2	1037.2	ՀՀ կառավարությանն առընթեր պետական գույքի կառավարման վարչություն	Գրանցված է	Հաշվառված է
46.	«Երևանի լոկոմոտիվային դեպո» Մասիսի բն. տաքացվող տնակ	ՀՀ Արարատի մարզ, քաղ. Մասիս, Մասիս կայարան, Շիրակի փող., 1-ին նրբ., 2/1	17.8	ՀՀ կառավարությանն առընթեր պետական գույքի կառավարման վարչություն	Գրանցված է	Հաշվառված է
47.	Հեռավոր առբերող ռադիոփարոս-85	ՀՀ Արմավիրի մարզ գ. Ոսկեհատ	245.7	ՀՀ կառավարությանն առընթեր քաղաքացիական ավիացիայի գլխավոր վարչություն	Գրանցված է
48.	Առանձին առբերող ռադիոկայան «Թալին»	ՀՀ Արագածոտնի մարզ քաղ. Թալին	125.5	ՀՀ կառավարությանն առընթեր քաղաքացիական ավիացիայի գլխավոր վարչություն	Գրանցված է
49.	Առանձին առբերող ռադիոկայան	ՀՀ Սյունիքի մարզ Սիսիանի քաղաքային համայնք	67.68	ՀՀ կառավարությանն առընթեր քաղաքացիական ավիացիայի գլխավոր վարչություն	Գրանցված է
50.	Առանձին առբերող ռադիոկայան «Աշտարակ»	ՀՀ Արագածոտնի մարզ Աշտարակ համայնք	հողամաս` 0.1316 հա	ՀՀ կառավարությանն առընթեր քաղաքացիական ավիացիայի գլխավոր վարչություն	Գրանցված է