«Վավերացնում եմ»
Հայաստանի Հանրապետության
Նախագահ Ռ. Քոչարյան
20 հուլիսի 2000 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

20 հուլիսի 2000 թվականի N 408
քաղ. Երևան

 «ՀՐԱԶԴԱՆ-1» ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅՈՒՆԸ ՎԵՐԱԿԱԶՄԱԿԵՐՊԵԼՈՒ ՄԱՍԻՆ

Հայաստանի Հանրապետության կառավարությունը որոշում է.

1. «Հրազդան-1» փակ բաժնետիրական ընկերությունն առանձնացման եղանակով վերակազմակերպել` ստեղծելով «Հրազդան-10» փակ բաժնետիրական ընկերություն համապատասխանաբար նվազեցնելով «Հրազդան-1» փակ բաժնետիրական ընկերության կանոնադրական կապիտալը` 125628,4 հազ. դրամի չափով:

2. Սահմանել «Հրազդան-10» փակ բաժնետիրական ընկերության կանոնադրական կապիտալը` 125628,4 հազ. դրամ:

3. «Հրազդան-10» փակ բաժնետիրական ընկերության կանոնադրական կապիտալում ներդնել «Հրազդան-1» փակ բաժնետիրական ընկերության գույքի կազմից առանձնացված 125628,4 հազ. դրամ արժեքով գույքը` կառավարության ընդունելությունների տունը, այդ թվում`

4 շենք` 21400,0 հազ. դրամ,

սարքավորումներ` 25279,7 հազ. դրամ,

կահույք և տնտեսական գույք` 74688,7 հազ. դրամ,

այլ հիմնական միջոցներ` 340,0 հազ. դրամ,

1 տրանսպորտային միջոց (ՎԱԶ 21213)` 3920,0 հազ. դրամ,

ընդամենը հիմնական միջոցներ`

հաշվեկշռային արժեքով` 125628,4 հազ. դրամ,

մաշվածություն` 41628,4 հազ. դրամ,

հիմնական միջոցներ`

մնացորդային արժեքով` 84000,0 հազ. դրամ:

4. «Հրազդան-10» փակ բաժնետիրական ընկերության բաժնետոմսերի տնօրինման, ինչպես նաև «Բաժնետիրական ընկերությունների մասին» Հայաստանի Հանրապետության օրենքի 8 հոդվածի 5-րդ կետով սահմանված լիազորությունները վերապահել Հայաստանի Հանրապետության կառավարության աշխատակազմի ղեկավար-նախարարին:

5. Սույն որոշումն ուժի մեջ է մտնում 2000 թվականի հուլիսի 20-ից:

Հայաստանի Հանրապետության վարչապետ

Ա. Մարգարյան