ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

18 մարտի 2015 թվականի N 212-Ա

ԱՇԽԱՏԱՆՔԱՅԻՆ ԽՈՒՄԲ ՍՏԵՂԾԵԼՈՒ ԵՎ ԴՐԱ ԱՆՀԱՏԱԿԱՆ ԿԱԶՄԸ ՀԱՍՏԱՏԵԼՈՒ ՄԱՍԻՆ

 Համաձայն Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրի 1-ին կետով սահմանված կարգի 121-րդ կետի 2-րդ ենթակետի`

 1. «Հայաստանի Հանրապետության քրեական օրենսգրքում փոփոխություններ և լրացումներ կատարելու մասին», «Հայաստանի Հանրապետության քրեական դատավարության օրենսգրքում լրացումներ կատարելու մասին» և «Հայաստանի Հանրապետությունում ստուգումների կազմակերպման և անցկացման մասին» Հայաստանի Հանրապետության օրենքում փոփոխություններ կատարելու մասին» Հայաստանի Հանրապետության օրենքների նախագծերի քննարկման նպատակով ստեղծել աշխատանքային խումբ և հաստատել խմբի անհատական կազմը` համաձայն հավելվածի:

 2. Աշխատանքային խմբի ղեկավարին՝ սույն որոշումն ուժի մեջ մտնելուց հետո մինչև սույն թվականի ապրիլի առաջին տասնօրյակը մշակել և Հայաստանի Հանրապետության կառավարություն ներկայացնել օրենքների նախագծերը:

Հայաստանի Հանրապետության վարչապետ	Հ. Աբրահամյան
2015 թ. մարտի 18 Երևան

 

Հավելված ՀՀ վարչապետի 2015 թ. մարտի 18-ի N 212-Ա որոշման

ԱՆՀԱՏԱԿԱՆ ԿԱԶՄ

ԱՇԽԱՏԱՆՔԱՅԻՆ ԽՄԲԻ

Ա. Մկրտչյան	- ՀՀ արդարադատության նախարարի առաջին տեղակալ (աշխատանքային խմբի ղեկավար)
Ա. Վարդանյան	- ՀՀ ֆինանսների նախարարության աշխատակազմի քննչական վարչության պետի տեղակալ
Ն. Ավանեսյան	- ՀՀ ֆինանսների նախարարության աշխատակազմի իրավաբանական վարչության պետի տեղակալ
Ա. Բաբայան	- ՀՀ էկոնոմիկայի նախարարության աշխատակազմի գործարար միջավայրի բարելավման վարչության պետի տեղակալ
Մ. Այվազյան	- ՀՀ ֆինանսների նախարարության աշխատակազմի ԵՔԳ և ԿԾ-ի վարչության եկամուտների գնահատման և վերլուծության բաժնի պետ
Թ. Շաքարյան	- ՀՀ գլխավոր դատախազության իրավական ապահովման և եվրաինտեգրման բաժնի պետ (համաձայնությամբ)
Հ. Հարությունյան	- ՀՀ արդարադատության նախարարության աշխատակազմի օրենսդրության զարգացման և իրավական վերլուծության քրեաիրավական օրենսդրության բաժնի պետ
Ի. Հովհաննիսյան	- ՎԶԵԲ-ի գործարարության աջակցման գրասենյակի իրավախորհրդատու (համաձայնությամբ)
Փ. Թադևոսյան	- «Հարկ վճարողների պաշտպանություն» հասարակական կազմակերպության նախագահ (համաձայնությամբ)

Հայաստանի Հանրապետության կառավարության աշխատակազմի ղեկավար-նախարար

Դ. Հարությունյան