ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

4 հունիսի 2015 թվականի N 465-Ա

ԱՇԽԱՏԱՆՔԱՅԻՆ ԽՈՒՄԲ ՍՏԵՂԾԵԼՈՒ ՄԱՍԻՆ

Համաձայն Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրի 1-ին կետով սահմանված կարգի 121-րդ կետի 2-րդ ենթակետի`

1. Միջպետական բանկի և «Նաիրիտ գործարան» փակ բաժնետիրական ընկերության, Միջպետական բանկի և «Նաիրիտ գործարան» փակ բաժնետիրական ընկերության հիմնական բաժնետեր` «Ռայնովիլ Փրոփերթի Լիմիթեդ» (Rhinoville Property Limited) ընկերության միջև կնքված վարկային և գրավի պայմանագրերով պահանջի իրավունքները Հայաստանի Հանրապետության կառավարությանը փոխանցելու գործընթացը նախապատրաստելու նպատակով ստեղծել աշխատանքային խումբ` համաձայն հավելվածի:

2. Աշխատանքային խմբի ղեկավարին` սույն որոշումն ուժի մեջ մտնելուց հետո Հայաստանի Հանրապետության վարչապետին պարբերաբար ներկայացնել տեղեկատվություն աշխատանքների ընթացքի մասին:

Հայաստանի Հանրապետության վարչապետ	Հ. Աբրահամյան
2015 թ. հունիսի 4 Երևան

Հավելված ՀՀ վարչապետի 2015 թ. հունիսի 4-ի N 465-Ա որոշման

Կ Ա Զ Մ

ԱՇԽԱՏԱՆՔԱՅԻՆ ԽՄԲԻ

Ի. Իսայան	- ՀՀ էներգետիկայի և բնական պաշարների նախարարի տեղակալ (աշխատանքային խմբի ղեկավար)
Հ. Դավթյան	- ՀՀ վարչապետի գլխավոր խորհրդական
Բ. Գյուլումյան	- ՀՀ էներգետիկայի և բնական պաշարների նախարարության աշխատակազմի ֆինանսատնտեսագիտական վարչության պետ
Ա. Վարդանյան	- ՀՀ ֆինանսների նախարարության աշխատակազմի իրավաբանական վարչության քաղաքացիական և վարչական գործերով պետական շահերի պաշտպանության բաժնի պետ
Բ. Ղազինյան	- ՀՀ արդարադատության նախարարության աշխատակազմի օրենսդրության զարգացման և իրավական վերլուծությունների վարչության պետի տեղակալի պաշտոնակատար
Մ. Եղիազարյան	- ՀՀ կենտրոնական բանկի ֆինանսական համակարգի կարգավորման վարչության բանկային համակարգի կարգավորման բաժնի պետ (համաձայնությամբ)
Ռ. Սաղաթելյան	- «Նաիրիտ գործարան» ՓԲԸ-ի գլխավոր տնօրենի պաշտոնակատար (համաձայնությամբ)
Կ. Պողոսյան	- «Նաիրիտ գործարան» ՓԲԸ-ի գլխավոր տնօրենի տեղակալ ֆինանսական հարցերով (համաձայնությամբ)

Հայաստանի Հանրապետության կառավարության աշխատակազմի ղեկավար-նախարար

Դ. Հարությունյան