ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

27 փետրվարի 2014 թվականի N 183-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏԱՐԱԾՔԱՅԻՆ ԿԱՌԱՎԱՐՄԱՆ ՆԱԽԱՐԱՐՈՒԹՅԱՆ ՋՐԱՅԻՆ ՏՆՏԵՍՈՒԹՅԱՆ ՊԵՏԱԿԱՆ ԿՈՄԻՏԵԻՆ ԳՈՒՄԱՐ ՀԱՏԿԱՑՆԵԼՈՒ, ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ 2014 ԹՎԱԿԱՆԻ ՊԵՏԱԿԱՆ ԲՅՈՒՋԵՈՒՄ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2013 ԹՎԱԿԱՆԻ ԴԵԿՏԵՄԲԵՐԻ 19-Ի N 1414-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ՈՒ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Հիմք ընդունելով «Հայաստանի Հանրապետության 2014 թվականի պետական բյուջեի մասին» Հայաստանի Հանրապետության օրենքի 11-րդ հոդվածի 17-րդ կետը և «Հայաստանի Հանրապետության բյուջետային համակարգի մասին» Հայաստանի Հանրապետության օրենքի 19-րդ հոդվածի 3-րդ կետը` Հայաստանի Հանրապետության կառավարությունը որոշում է.

1. Հայաստանի Հանրապետության 2014 թվականի պետական բյուջեով նախատեսված Հայաստանի Հանրապետության կառավարության պահուստային ֆոնդից Հայաստանի Հանրապետության տարածքային կառավարման նախարարության ջրային տնտեսության պետական կոմիտեին 2014 թվականին հատկացնել 110,416.6 հազ. դրամ՝ որպես դրամաշնորհ բյուջետային ծախսերի տնտեսագիտական դասակարգման «Ընթացիկ դրամաշնորհներ պետական և համայնքային առևտրային կազմակերպություններին» հոդվածով «Սևան-Հրազդանյան-ջրառ» փակ բաժնետիրական ընկերությանը հատկացնելու (նշված գումարի վճարման սխեման դիտարկելով որպես ջրօգտագործողների ընկերություններին վճարում՝ վերջիններիս մոտ ոռոգում-ջրառի գծով առաջացած պարտավորությունները նվազեցնելու համար) և էլեկտրաէներգիայի ծախսի դիմաց առաջացած պարտավորությունները մարելու նպատակով:

(1-ին կետը փոփ. 25.12.14 N 1532-Ն)

2. Սահմանել, որ սույն որոշման 1-ին կետով նախատեսված գումարը «Սևան-Հրազդանյան-ջրառ» փակ բաժնետիրական ընկերությանը հատկացվում է Հայաստանի Հանրապետության կառավարության 2013 թվականի սեպտեմբերի 5-ի «Գույք օտարելու մասին» N 989-Ա որոշմամբ նախատեսված գույքի օտարումից Հայաստանի Հանրապետության պետական բյուջե ստացված գումարներին համամասնորեն:

3. «Հայաստանի Հանրապետության 2014 թվականի պետական բյուջեի մասին» Հայաստանի Հանրապետության օրենքում կատարել փոփոխություններ և Հայաստանի Հանրապետության կառավարության 2013 թվականի դեկտեմբերի 19-ի «Հայաստանի Հանրապետության 2014 թվականի պետական բյուջեի կատարումն ապահովող միջոցառումների մասին» N 1414-Ն որոշման մեջ կատարել փոփոխություններ ու լրացումներ՝ համաձայն NN 1 և 2 հավելվածների:

4. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Հայաստանի Հանրապետության վարչապետ	Տ. Սարգսյան
2014 թ. մարտի 3 Երևան

Հավելված N 1 ՀՀ կառավարության 2014 թվականի փետրվարի 27-ի N 183-Ն որոշման

(վերնագիրը խմբ. 22.05.14 N 537-Ն)

(հազ. դրամ)

Բաժինը	Խումբը	Դասը	Բյուջետային ծախսերի գործառական դասակարգման բաժինների, խմբերի և դասերի, ֆինանսավորվող ծրագրերի և դրանք իրականացնող մարմինների անվանումները	Ցուցանիշների փոփոխությունը (ծախսերի ավելացումները նշված են դրական նշանով, իսկ ծախսերի նվազեցումները և մուտքերի ավելացումները` փակագծերում)
				առաջին կիսամյակ	ինն ամիս	տարի
1	2	3	4	6	7	8
			ԸՆԴԱՄԵՆԸ` ԾԱԽՍԵՐ	0.0	0.0	0.0
			այդ թվում՝
04			Տնտեսական հարաբերություններ	(169800.0)	(169800.0)	(169800.0)
	09		Տնտեսական հարաբերություններ (այլ դասերին չպատկանող)	(169800.0)	(169800.0)	(169800.0)
			այդ թվում՝
		01	Տնտեսական հարաբերություններ (այլ դասերին չպատկանող)	(169800.0)	(169800.0)	(169800.0)
			այդ թվում՝
			01. Ոչ ֆինանսական ակտիվների օտարումից մուտքեր	(169800.0)	(169800.0)	(169800.0)
			այդ թվում՝
			ՀՀ կառավարությանն առընթեր պետական գույքի կառավարման վարչություն	(169800.0)	(169800.0)	(169800.0)
			որից՝ բյուջետային ծախսերի տնտեսագիտական դասակարգման
			Ոչ ֆինանսական ակտիվների օտարումից մուտքերի ստացում	(169800.0)	(169800.0)	(169800.0)
11			ՀԻՄՆԱԿԱՆ ԲԱԺԻՆՆԵՐԻՆ ՉԴԱՍՎՈՂ ՊԱՀՈՒՍՏԱՅԻՆ ՖՈՆԴԵՐ	169800.0	169800.0	169800.0
			այդ թվում՝
	01		ՀՀ կառավարության և համայնքների պահուստային ֆոնդ	169800.0	169800.0	169800.0
			այդ թվում՝
		01	ՀՀ կառավարության պահուստային ֆոնդ	169800.0	169800.0	169800.0
			այդ թվում՝
			01. ՀՀ կառավարության պահուստային ֆոնդ	169800.0	169800.0	169800.0
			այդ թվում՝
			ՀՀ կառավարություն	169800.0	169800.0	169800.0

(հավելվածը խմբ. 22.05.14 N 537-Ն)

Հայաստանի Հանրապետության կառավարության աշխատակազմի ղեկավար-նախարար

Վ. Գաբրիելյան

Հավելված N 2 ՀՀ կառավարության 2014 թվականի փետրվարի 27-ի N 183-Ն որոշման

Աղյուսակ N 1

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2013 ԹՎԱԿԱՆԻ ԴԵԿՏԵՄԲԵՐԻ 19-Ի N 1414-Ն ՈՐՈՇՄԱՆ N 11 ՀԱՎԵԼՎԱԾԻ N 11.33 ԱՂՅՈՒՍԱԿՈՒՄ ԿԱՏԱՐՎՈՂ ՓՈՓՈԽՈՒԹՅՈՒՆՆԵՐԸ

Չափորոշիչներ			Ցուցանիշների փոփոխությունը  (ավելացումները նշված են դրական նշանով)
			ոչ ֆինանսական ցուցանիշներ				ֆինանսական ցուցանիշներ
			առաջին կիսամյակ	ինն ամիս	տարի		առաջին կիսամյակ	ինն ամիս	տարի
ՄԱՍ Գ: Նախարարի պատասխանատվության ներքո իրականացվող քաղաքականության միջոցառումների և ֆինանսական կառավարման արդյունքների ցուցանիշները 1.1. Ծառայություններ
Ծրագրային դասիչը		Անվանումը Ոռոգման ոլորտի սուբսիդավորում ոռոգում-ջրառ ՓԲԸ-ի հաստատած ոռոգման ջրի սակագնի և նվազագույն շահավետ գնի տարբերության չափով
1004	ԱԾ01	Նկարագրությունը Ոռոգման ոլորտի սուբսիդավորում ոռոգում-ջրառ ՓԲԸ-ների հաստատած ոռոգման ջրի սակագնի և նվազագույն շահավետ գնի տարբերության չափով
Քանակական		Ջրամատակարարման քանակը, մլն խոր.մ
Որակական		Մշակված չէ
Ժամկետայնու- թյուն		Մշակված չէ
Մատուցվող ծառայության վրա կատարվող ծախսը (հազ. դրամ)							110,416.6	110,416.6	110,416.6
Ծրագիրը (ծրագրերը), որի (որոնց) շրջանակներում իրականացվում է քաղաքականության միջոցառումը
Վերջնական արդյունքի նկարագրությունը Ջրամատակարարման ծառայությունների հուսալիության և մատչելիության ապահովում
Ծառայություն մատուցողի (մատուցողների) անվանումը Ոռոգում-ջրառ իրականացնող կազմակերպություններ

Աղյուսակ N 2

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2013 ԹՎԱԿԱՆԻ ԴԵԿՏԵՄԲԵՐԻ 19-Ի N 1414-Ն ՈՐՈՇՄԱՆ ՀԱՎԵԼՎԱԾ N 11 N 12 ԱՂՅՈՒՍԱԿՈՒՄ` ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏԱՐԱԾՔԱՅԻՆ ԿԱՌԱՎԱՐՄԱՆ ՆԱԽԱՐԱՐՈՒԹՅԱՆ ՋՐԱՅԻՆ ՏՆՏԵՍՈՒԹՅԱՆ ՊԵՏԱԿԱՆ ԿՈՄԻՏԵԻ ՄԱՍՈՎ ԿԱՏԱՐՎՈՂ ՓՈՓՈԽՈՒԹՅՈՒՆՆԵՐԸ

Ծրագրային դասիչը		Գործառական դասիչը	Ծրագիրը/քաղաքականության միջոցառումը	2014 թ. բյուջե
ծրագիրը	միջոցառումը	(բաժինը/խումբը/դասը)		(հազ. դրամ)
1004			Ծրագիր
			Աջակցություն ոռոգման ծառայություններին	110,416.6
			Ծրագրի նկարագրությունը
			Ոռոգման ծառայություններ մատակարարող ընկերությունների և ջրօգտագործողների ընկերությունների սուբսիդավորում
			Վերջնական արդյունքի նկարագրությունը
			Ոռոգման ծառայությունների հասանելիության և մատչելիության ապահովում
			Քաղաքականության միջոցառումներ. Ծառայություններ
	ԱԾ01		Ոռոգում-ջրառ իրականացնող կազմակերպություններին ֆինանսական աջակցության տրամադրում	110,416.6
			Մատուցվող ծառայության նկարագրությունը
			Ոռոգման ոլորտի սուբսիդավորում ոռոգում-ջրառ իրականացնող ՓԲԸ-ների համար հաստատված ոռոգման ջրի սակագնի և նվազագույն շահավետ գնի տարբերության չափով
			Ծառայություն մատուցողի անվանումը
			Ոռոգում-ջրառ իրականացնող կազմակերպություններ

 (հավելվածը խմբ. 22.05.14 N 537-Ն, փոփ. 25.12.14 N 1532-Ն)

Հայաստանի Հանրապետության կառավարության աշխատակազմի ղեկավար-նախարար

Վ. Գաբրիելյան