ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
19 փետրվարի 2015 թվականի N 128-Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2014 ԹՎԱԿԱՆԻ ՓԵՏՐՎԱՐԻ 13-Ի N 176-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
Հայաստանի Հանրապետության կառավարությունը որոշում է.
1. Հայաստանի Հանրապետության կառավարության 2014 թվականի փետրվարի 13-ի «Ներքին աուդիտորի որակավորման կարգը և հանրային հատվածում ներքին աուդիտ իրականացնելու համար կազմակերպություններին ներկայացվող հիմնական պահանջները հաստատելու մասին» N 176-Ն որոշման մեջ կատարել հետևյալ փոփոխությունները՝
1) 2-րդ կետի 2-րդ նախադասությունում «որակավորման վկայական» բառերը փոխարինել «որակավորում» բառով.
2) որոշման N 1 հավելվածի՝
ա. 4-րդ կետի 1-ին ենթակետի «ա» պարբերությունում «սույն կարգով սահմանված պայմաններով քննության 1-ին և 2-րդ փուլերը հանձնած» բառերը փոխարինել «սույն կարգով սահմանված պայմաններով քննությունը հանձնած» բառերով, իսկ «որակավորման վկայական» բառերը` «որակավորում» բառերով,
բ. 4-րդ կետի 1-ին ենթակետի «բ» պարբերությունը շարադրել հետևյալ խմբագրությամբ.
«բ. սույն կարգի 6-րդ կետով սահմանված` Հայաստանի Հանրապետությունում ներքին աուդիտի ոլորտում ընդունելի` այլ կառույցների կողմից տրված աուդիտորի որակավորում ունեցող անձինք»,
գ. 4-րդ կետի 2-րդ ենթակետը շարադրել հետևյալ խմբագրությամբ.
«2) սույն կարգի 5-րդ կետով սահմանված` Հայաստանի Հանրապետությունում ընդունելի` միջազգայնորեն ճանաչված աուդիտորի որակավորում ունեցող անձանց ցանկ»,
դ. 9-րդ կետը շարադրել հետևյալ խմբագրությամբ.
«9. Քննությունն անցկացվում է հայերենով` թեստավորման եղանակով:»,
ե. 10-րդ կետից հանել «, իսկ ներքին աուդիտի էլեկտրոնային տեղեկատվական համակարգի իմացության ստուգման համար` խնդիրները» բառերը,
զ. 12-րդ կետը շարադրել հետևյալ խմբագրությամբ.
«12. Քննությունն անցկացվում է յուրաքանչյուր եռամսյակն առնվազն մեկ անգամ, եթե առկա է սույն կարգի 13-րդ և 14-րդ կետերով սահմանված պահանջները բավարարող առնվազն մեկ դիմում: Քննության անցկացման ամսաթվի, ժամի և վայրի մասին հայտարարությունը հրապարակվում է լիազոր մարմնի պաշտոնական կայքում՝ քննության անցկացումից առնվազն 10 աշխատանքային օր առաջ»,
է. 13-րդ կետը շարադրել հետևյալ խմբագրությամբ.
«13. Քննությանը կարող են մասնակցել բարձրագույն կրթություն ունեցող` սույն կարգի 14-րդ կետի պահանջները բավարարող Հայաստանի Հանրապետության այն քաղաքացիները, ովքեր լիազոր մարմին են ներկայացրել դիմում` համաձայն սույն կարգի N 1 ձևի:»,
ը. 18-րդ կետում «Լիազոր մարմնի» բառերը փոխարինել «Հանձնաժողովի» բառով,
թ. V գլխի վերնագիրը շարադրել հետևյալ խմբագրությամբ.
«V. ՆԵՐՔԻՆ ԱՈՒԴԻՏՈՐԻ ՈՐԱԿԱՎՈՐՄԱՆ ՔՆՆՈՒԹՅԱՆ ԱՆՑԿԱՑՈՒՄԸ»,
ժ. 19-րդ կետում «Քննության առաջին` թեստավորման փուլն անցկացվում է էլեկտրոնային եղանակով» բառերը փոխարինել «Քննությունն անցկացվում է թեստավորման միջոցով` էլեկտրոնային եղանակով» բառերով,
ժա. 20-րդ կետից հանել «տվյալ փուլի» բառերը, իսկ «3 անդամի» բառերը փոխարինել «2 անդամի» բառերով,
ժբ. 21-րդ կետում «Քննության առաջին փուլն անցկացնելու» բառերը փոխարինել «Քննությունն անցկացնելու» բառերով, իսկ «առաջին փուլի» բառերը հանել,
ժգ. 23-րդ կետից հանել «կամ դրա անդամներից որևէ մեկի» բառերը,
ժդ. 24-րդ կետից հանել «առաջին փուլի» բառերը,
ժե. 25-րդ կետից հանել «առաջին՝ թեստավորման փուլի» բառերը,
ժզ. 26-րդ կետում «Քննության առաջին փուլը հաղթահարելու» բառերը փոխարինել «Քննությունը հաղթահարելու» բառերով,
ժէ. 27-րդ կետի 1-ին և 2-րդ նախադասություններից հանել «առաջին փուլի» բառերը,
ժը. VI գլխի վերնագիրը շարադրել հետևյալ խմբագրությամբ.
«VI. ՆԵՐՔԻՆ ԱՈՒԴԻՏՈՐԻ ՈՐԱԿԱՎՈՐՄԱՆ ՇՆՈՐՀՈՒՄԸ»,
ժթ. 29-35-րդ կետերն ուժը կորցրած ճանաչել,
ի. 36-րդ կետը շարադրել հետևյալ խմբագրությամբ.
«36. Քննությունը հաջողությամբ հաղթահարած մասնակիցներին շնորհվում է Հայաստանի Հանրապետության հանրային հատվածի ներքին աուդիտորի որակավորում և նրանց վերաբերյալ տվյալները քննությունը հանձնելուն հաջորդող 2 աշխատանքային օրվա ընթացքում ներառվում են լիազոր մարմնի կողմից հրապարակվող ցանկում»,
իա. ուժը կորցրած ճանաչել 37-րդ կետը,
իբ. 38-րդ կետում «Վկայականի» բառերը փոխարինել «Քննությունը հաջողությամբ հաղթահարած մասնակիցներին շնորհված Հայաստանի Հանրապետության հանրային հատվածի ներքին աուդիտորի որակավորման» բառերով, իսկ «ծրագրի քննության թեստի» բառերը` «ծրագրի թեստի» բառերով,
իգ. N 1 ձևից հանել «1-ին փուլին» բառերը,
իդ. NN 3 և 4 ձևերն ուժը կորցրած ճանաչել.
3) որոշման N 2 հավելվածի 3-րդ կետի 2-րդ ենթակետից հանել «Հայաստանի Հանրապետության հանրային հատվածի ներքին աուդիտորի որակավորման վկայականի,» բառերը:
2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:
|
Հայաստանի Հանրապետության |
Հ. Աբրահամյան |
|
|
| Փոփոխող ակտ | Համապատասխան ինկորպորացիան |
|---|
| Փոփոխող ակտ | Համապատասխան ինկորպորացիան |
|---|