ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ

ԿՈԼԵԳԻԱ

ՀԱՆՁՆԱՐԱՐԱԿԱՆ

29 դեկտեմբերի 2015 թվականի

թիվ 30

քաղ. Մոսկվա

Եվրասիական տնտեսական հանձնաժողովի կոլեգիան, «Եվրասիական տնտեսական միության շրջանակներում դեղամիջոցների շրջանառության միասնական սկզբունքների և կանոնների մասին» 2014 թվականի դեկտեմբերի 23-ի համաձայնագրի 3-րդ հոդվածի 3-րդ կետին, ««Եվրասիական տնտեսական միության շրջանակներում դեղամիջոցների շրջանառության միասնական սկզբունքների և կանոնների մասին» համաձայնագրի իրականացման մասին» Եվրասիական տնտեսական բարձրագույն խորհրդի 2014 թվականի դեկտեմբերի 23-ի թիվ 108 որոշմանը համապատասխան, Եվրասիական տնտեսական հանձնաժողովի կողմից հաստատվող՝ դեղատոմսով և առանց դեղատոմսի բաց թողնվող դեղամիջոցների կատեգորիաների որոշման կանոնների պահանջների կատարումը ապահովելու նպատակով,

Հանձնարարում է Եվրասիական տնտեսական միության անդամ պետություններին «Եվրասիական տնտեսական միության շրջանակներում դեղամիջոցների շրջանառության միասնական սկզբունքների և կանոնների մասին» 2014 թվականի դեկտեմբերի 23-ի համաձայնագիրն ուժի մեջ մտնելու օրվանից կամ 2015 թվականի դեկտեմբերի 2-ին ստորագրված՝ «Եվրասիական տնտեսական միության շրջանակներում դեղամիջոցների շրջանառության միասնական սկզբունքների և կանոնների մասին» 2014 թվականի դեկտեմբերի 23-ի համաձայնագրին Հայաստանի Հանրապետության միանալու մասին» արձանագրությունն ուժի մեջ մտնելու օրվանից, կախված նրանից, թե ամսաթվերից որն է ավելի ուշ, դեղամիջոցների բացթողման պայմանները սահմանելիս ղեկավարվել Դեղամիջոցները, ըստ դրանց կազմի մեջ մտնող ազդող նյութերի, դեղատոմսով և առանց դեղատոմսի բաց թողնվող դեղամիջոցների կատեգորիաներին դասելու կանոններով՝ համաձայն հավելվածի:

2. Սույն Հանձնարարականը ենթակա է հրապարակման «Ինտերնետ» տեղեկատվական-հեռահաղորդակցական ցանցում՝ Եվրասիական տնտեսական միության պաշտոնական կայքում:

Եվրասիական տնտեսական հանձնաժողովի կոլեգիայի նախագահ՝

Վ. Խրիստենկո

ՀԱՎԵԼՎԱԾ