ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

17 դեկտեմբերի 2014 թվականի N 1272-Ա

ԱՇԽԱՏԱՆՔԱՅԻՆ ԽՈՒՄԲ ՍՏԵՂԾԵԼՈՒ ՄԱՍԻՆ

Համաձայն Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրի 1-ին կետով սահմանված կարգի 121-րդ կետի 2-րդ ենթակետի`

1. Հայաստանի Հանրապետությունում ֆինանսական շուկայում իրավիճակի կարգավորման վերաբերյալ առաջարկություն ներկայացնելու նպատակով ստեղծել աշխատանքային խումբ և հաստատել դրա անհատական կազմը` համաձայն հավելվածի:

2. Աշխատանքային խմբի ղեկավարին` սույն որոշումն ուժի մեջ մտնելուց հետո մեկ շաբաթվա ընթացքում յուրաքանչյուր աշխատանքային օր հրավիրել աշխատանքային խմբի նիստ, քննարկել Հայաստանի Հանրապետությունում տվյալ օրվա դրությամբ ֆինանսական շուկայում տիրող իրավիճակը և ըստ իրավիճակի ներկայացնել առաջարկություն Հայաստանի Հանրապետության վարչապետին:

Հայաստանի Հանրապետության վարչապետ	Հ. Աբրահամյան
2014 թ. դեկտեմբերի 17 Երևան

Հավելված ՀՀ վարչապետի 2014 թ. դեկտեմբերի 17-ի N 1272-Ա որոշման

Ա Ն Հ Ա Տ Ա Կ Ա Ն   Կ Ա Զ Մ

ԱՇԽԱՏԱՆՔԱՅԻՆ ԽՄԲԻ

Վ. Գաբրիելյան	- ՀՀ փոխվարչապետ, միջազգային տնտեսական ինտեգրման և բարեփոխումների նախարար (աշխատանքային խմբի ղեկավար)
Վ. Արամյան	- ՀՀ Նախագահի աշխատակազմի ղեկավարի առաջին տեղակալ (համաձայնությամբ)
Գ. Մելքոնյան	- ՀՀ էկոնոմիկայի նախարարի առաջին տեղակալ
Ա. Ալավերդյան	- ՀՀ ֆինանսների նախարարի տեղակալ
Ն. Երիցյան	- ՀՀ կենտրոնական բանկի նախագահի տեղակալ (համաձայնությամբ)
Պ. Ղալթախչյան	- ՀՀ տնտեսական մրցակցության պաշտպանության պետական հանձնաժողովի նախագահի տեղակալ (համաձայնությամբ)
Ա. Ֆիդանյան	- ՀՀ Նախագահի վերահսկողական ծառայության խորհրդատու (համաձայնությամբ)

Հայաստանի Հանրապետության կառավարության աշխատակազմի ղեկավար-նախարար

Դ. Հարությունյան