ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ

Հ Ր Ա Մ Ա Ն Ա Գ Ի Ր Ը

ՄԻԱՅՆԱԿ ՏԱՐԵՑՆԵՐԻ ԵՎ ՀԱՇՄԱՆԴԱՄՆԵՐԻ ՍՈՑԻԱԼԱԿԱՆ ՍՊԱՍԱՐԿՈՒՄԸ ԲԱՐԵԼԱՎԵԼՈՒ ՄԻՋՈՑԱՌՈՒՄՆԵՐԻ ՄԱՍԻՆ

Ելնելով ՄԱԿ-ի գլխավոր ասամբլեայի` 1999 թվականը տարեցների միջազգային տարի հռչակելու դրույթներից և Հայաստանի Հանրապետությունում միայնակ տարեցների և հաշմանդամների սոցիալական սպասարկումը բարելավելու նպատակով, որոշում եմ.

1. Հայաստանի Հանրապետության կառավարությանը`

ա) երկամսյա ժամկետում հաստատել միայնակ տարեցների և հաշմանդամների տնային պայմաններում սոցիալական սպասարկումը բարելավելու ծրագիրը,

բ) սահմանված կարգով Հայաստանի Հանրապետության Ազգային ժողով ներկայացնել միայնակ տարեցների և հաշմանդամների սոցիալական սպասարկման խնդիրներին առնչվող Հայաստանի Հանրապետության օրենքների նախագծերը,

գ) Հայաստանի Հանրապետությունում միայնակ տարեցների և հաշմանդամների հիմնահարցերի վերաբերյալ Հայաստանի Հանրապետության նախագահին ներկայացնել ամենամյա զեկուցագիր:

2. Հրամանագիրն ուժի մեջ է մտնում հրապարակման պահից:

Հայաստանի Հանրապետության Նախագահ
Լ. Տեր-Պետրոսյան

 Երևան
15 օգոստոսի 1997 թ. 
ՆՀ-795