ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ

Հ Ր Ա Մ Ա Ն Ա Գ Ի Ր Ը

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱԶԳԱՅԻՆ ԺՈՂՈՎԻ ԱՐՏԱՀԵՐԹ ՆՍՏԱՇՐՋԱՆ ԳՈՒՄԱՐԵԼՈՒ ՄԱՍԻՆ

Նկատի ունենալով Հայաստանի Հանրապետության կառավարության նախաձեռնությունը Հայաստանի Հանրապետության Ազգային ժողովի արտահերթ նստաշրջան գումարելու վերաբերյալ և ղեկավարվելով Հայաստանի Հանրապետության Սահմանադրության 70 հոդվածով, որոշում եմ.

1995 թվականի դեկտեմբերի 27-ին ժամը 1000-ին գումարել Հայաստանի Հանրապետության Ազգային ժողովի արտահերթ նստաշրջան Հայաստանի Հանրապետության կառավարության կողմից առաջարկվող հետևյալ օրակարգով.

1. «Անշարժ գույքի մասին» օրենքի նախագծի մասին (երկրորդ ընթերցում):

2. «Հայաստանի Հանրապետության պետական ձեռնարկությունների և անավարտ շինարարության օբյեկտների սեփականաշնորհման և ապապետականացման մասին» Հայաստանի Հանրապետության օրենքում փոփոխություններ կատարելու մասին» օրենքի նախագծի մասին:

3. «Հայաստանի Հանրապետության պետական ձեռնարկությունների և անավարտ շինարարության օբյեկտների սեփականաշնորհման և ապապետականացման մասին» ծրագրում փոփոխություններ կատարելու մասին:

4. «Բաժնետիրական ընկերությունների մասին» օրենքի նախագծի մասին:

Հայաստանի Հանրապետության Նախագահ	Լ. Տեր-Պետրոսյան
Երևան 24 դեկտեմբերի 1995 թ. ՆՀ-536