ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

6 հոկտեմբերի 2014 թվականի N 985-Ա

ՊԱՏՎԻՐԱԿՈՒԹՅԱՆ՝ ԲԵԼԱՌՈՒՍԻ ՀԱՆՐԱՊԵՏՈՒԹՅՈՒՆ ԳՈՐԾՈՒՂՄԱՆ ԾԱԽՍԵՐԻ ՄԱՍԻՆ

Համաձայն Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրի 1-ին կետով սահմանված կարգի 121-րդ կետի 3-րդ ենթակետի՝

1. ԱՊՀ մասնակից պետությունների կրթության ոլորտի աշխատողների և ուսուցիչների 3-րդ համագումարին մասնակցելու նպատակով պատվիրակության անդամների՝ համաձայն հավելվածի, 2014 թվականի սեպտեմբերի 30-ից մինչև հոկտեմբերի 2-ը Բելառուսի Հանրապետություն գործուղման հետ կապված ճանապարհածախսը կատարել Հայաստանի Հանրապետության 2014 թվականի պետական բյուջեով արտասահմանյան պաշտոնական գործուղումների համար նախատեսված միջոցների հաշվին:

2. Ընդունել ի գիտություն, որ պատվիրակության անդամների՝ Բելառուսի Հանրապետություն գործուղման հետ կապված գիշերավարձի ծախսերը կատարվելու են հրավիրող կողմի հաշվին:

3. Հայաստանի Հանրապետության կրթության և գիտության նախարարին՝ եռօրյա ժամկետում Հայաստանի Հանրապետության կառավարության աշխատակազմ ներկայացնել Բելառուսի Հանրապետություն գործուղման արդյունքների մասին հաշվետվություն:

Հայաստանի Հանրապետության վարչապետ	Հ. Աբրահամյան
2014 թ. հոկտեմբերի 6 Երևան

Հավելված ՀՀ վարչապետի 2014 թ. հոկտեմբերի 6-ի N 985-Ա որոշման

Կ Ա Զ Մ

 Բելառուսի Հանրապետություն մեկնող պատվիրակության

Ա. Աշոտյան	- ՀՀ կրթության և գիտության նախարար (պատվիրակության ղեկավար)
Տ. Սահակյան	- ՀՀ կրթության և գիտության նախարարության աշխատակազմի արտաքին կապերի և սփյուռքի վարչության պետ
Ն. Սահակյան	- ՀՀ կրթության և գիտության նախարարության աշխատակազմի հանրակրթության վարչության պետի տեղակալ (30.09.2014 թ.-03.10.2014 թ.)
Ս. Մակյան	- ՀՀ կրթության և գիտության նախարարության աշխատակազմի հանրակրթության վարչության միջնակարգ և նախադպրոցական կրթության քաղաքականության մշակման և վերլուծության բաժնի պետ

Հայաստանի Հանրապետության կառավարության աշխատակազմի ղեկավար-նախարար

Դ. Հարությունյան