ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

23 սեպտեմբերի 2014 թվականի N 911-Ա

ԲԱՆԱԿՑԱՅԻՆ ԽՈՒՄԲ ՍՏԵՂԾԵԼՈՒ ԵՎ ԴՐԱ ԱՆՀԱՏԱԿԱՆ ԿԱԶՄԸ ՀԱՍՏԱՏԵԼՈՒ ՄԱՍԻՆ

Ղեկավարվելով Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրի 1-ին կետով սահմանված կարգի 121-րդ կետի 2-րդ և 8-րդ ենթակետերի պահանջներով՝

1. Վերակառուցման և զարգացման եվրոպական բանկի պատվիրակության հետ Կոտայքի կոշտ կենցաղային թափոնների կառավարման ծրագրի շրջանակներում Վերակառուցման և զարգացման եվրոպական բանկի կողմից առաջարկվող 3,5 մլն եվրո վարկի և Հարևանության ներդրումային մեխանիզմի կողմից 3,5 մլն եվրո դրամաշնորհի շուրջ Երևանում ավարտական բանակցություններ վարելու նպատակով ստեղծել բանակցային խումբ և հաստատել դրա անհատական կազմը՝ համաձայն հավելվածի:

2. Լիազորել բանակցային խմբի ղեկավարին ստորագրելու բանակցությունների արդյունքում կազմված արձանագրությունը:

Հայաստանի Հանրապետության վարչապետ	Հ. Աբրահամյան
2014 թ. սեպտեմբերի 23 Երևան

Հավելված ՀՀ վարչապետի 2014 թ. սեպտեմբերի 23-ի N 911-Ա որոշման

Ա Ն Հ Ա Տ Ա Կ Ա Ն    Կ Ա Զ Մ

ԲԱՆԱԿՑԱՅԻՆ ԽՄԲԻ

Ա. Բախշյան	- ՀՀ տարածքային կառավարման նախարարի տեղակալ (բանակցային խմբի ղեկավար)
Ս. Ավետիսյան	- ՀՀ էկոնոմիկայի նախարարի տեղակալ
Վ. Փիլիպոսյան	- ՀՀ արտաքին գործերի նախարարության աշխատակազմի իրավաբանական վարչության միջազգային պայմանագրերի և դեպոզիտի բաժնի պետ
Հ. Գասպարյան	- ՀՀ ֆինանսների նախարարության աշխատակազմի բյուջետային գործընթացի կառավարման վարչության արտաքին աղբյուրներից ստացվող նպատակային վարկային և դրամաշնորհային միջոցների ֆինանսական ծրագրավորման բաժնի պետ
Լ. Հարությունյան	- ՀՀ ֆինանսների նախարարության աշխատակազմի միջազգային համագործակցության վարչության օտարերկրյա պետությունների և միջազգային կազմակերպությունների հետ համագործակցության բաժնի պետ
Ս. Սրապյան	- ՀՀ քաղաքաշինության նախարարության աշխատակազմի բնակարանային քաղաքականության և կոմունալ ենթակառուցվածքների վարչության բնակարանային ֆոնդի կառավարման և կոմունալ ենթակառուցվածքների բաժնի պետ
Ա. Խաչատրյան	- ՀՀ Կոտայքի մարզպետարանի աշխատակազմի քաղաքաշինության վարչության պետ
Ս. Մկրտչյան	- ՀՀ ֆինանսների նախարարության աշխատակազմի պետական պարտքի կառավարման վարչության գործառնական բաժնի գլխավոր մասնագետ
Ա. Ավագյան	- ՀՀ ֆինանսների նախարարության աշխատակազմի իրավաբանական վարչության իրավական խորհրդատվության և զարգացման բաժնի գլխավոր մասնագետ
Գ. Հովհաննիսյան	- ՀՀ բնապահպանության նախարարության «Բնապահպանական ծրագրերի իրականացման գրասենյակ» պետական հիմնարկի տնօրեն
Թ. Ղալայան	- ՀՀ ֆինանսների նախարարության աշխատակազմի միջազգային համագործակցության վարչության օտարերկրյա պետությունների և միջազգային կազմակերպությունների հետ համագործակցության բաժնի առաջատար մասնագետ
Ա. Դանիելյան	- ՀՀ Կոտայքի մարզի Հրազդանի քաղաքային համայնքի ղեկավար (համաձայնությամբ)
Ա. Հարությունյան	- ՀՀ Կոտայքի մարզի Ծաղկաձորի քաղաքային համայնքի ղեկավար (համաձայնությամբ)
Գ. Մաթևոսյան	- ՀՀ Կոտայքի մարզի Նոր Հաճնի քաղաքային համայնքի ղեկավար (համաձայնությամբ)
Կ. Գուլոյան	- ՀՀ Կոտայքի մարզի Աբովյանի քաղաքային համայնքի ղեկավար (համաձայնությամբ)
Հ. Բալասյան	- ՀՀ Կոտայքի մարզի Բյուրեղավանի քաղաքային համայնքի ղեկավար (համաձայնությամբ)
Հ. Շահգալդյան	- ՀՀ Կոտայքի մարզի Չարենցավանի քաղաքային համայնքի ղեկավար (համաձայնությամբ)
Ն. Սարգսյան	- ՀՀ Կոտայքի մարզի Եղվարդի քաղաքային համայնքի ղեկավար (համաձայնությամբ)
Ռ. Ղուկասյան	- ՀՀ Գեղարքունիքի մարզի Սևանի քաղաքային համայնքի ղեկավար (համաձայնությամբ)

(հավելվածը փոփ. 17.10.14 N 1028-Ա)

Հայաստանի Հանրապետության կառավարության աշխատակազմի ղեկավար-նախարար

Դ. Հարությունյան