ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

18 մարտի 2010 թվականի N 316-Ա

«ԱՎԱԳ ՇԻՆ» ՍԱՀՄԱՆԱՓԱԿ ՊԱՏԱՍԽԱՆԱՏՎՈՒԹՅԱՄԲ ԸՆԿԵՐՈՒԹՅԱՆԸ ԳՈՒՅՔ ՕՏԱՐԵԼՈՒ ՄԱՍԻՆ

Հիմք ընդունելով Հայաստանի Հանրապետության կառավարության 2003 թվականի հունիսի 13-ի N 882-Ն որոշման 4-րդ կետը` Հայաստանի Հանրապետության կառավարությունը որոշում է.

1. Հայաստանի Հանրապետության կառավարությանն առընթեր Հայաստանի Հանրապետության ոստիկանության ենթակայության՝ «Երեխայի զարգացման կենտրոն» պետական ոչ առևտրային կազմակերպությանը (այսուհետ` կազմակերպություն) ամրացված անշարժ գույքը` համաձայն հավելվածի, հետ վերցնել և ուղղակի վաճառքի ձևով օտարել «ԱՎԱԳ ՇԻՆ» սահմանափակ պատասխանատվությամբ ընկերությանը (այսուհետ` գնորդ)` պայմանով, որ գնորդը պարտավոր է ձեռք բերվող անշարժ գույքի հատկացված հողամասի տարածքում իր կողմից կառուցվելիք բազմահարկ, բազմաֆունկցիոնալ բնակելի շենքից` 1296 քառ. մետր բարեկարգված և ժամանակակից հագեցվածությամբ տարածք վաճառել Հայաստանի Հանրապետությանը` ի դեմս Հայաստանի Հանրապետության կառավարությանն առընթեր Հայաստանի Հանրապետության ոստիկանության:

(1-ին կետը փոփ. 31.07.14 N 814-Ն)

2. Ուղղակի վաճառքի ձևով օտարվող գույքի վաճառքի գինը սահմանել 866 200 000 դրամ, ինչը համապատասխանում է Հայաստանի Հանրապետության կառավարության 1998 թվականի մարտի 27-ի N 209 որոշմամբ հաստատված կարգին համապատասխան լիցենզավորված անկախ գնահատողների կողմից 2009 թվականի դեկտեմբերի 28-ի դրությամբ գնահատված գույքի արժեքին:

3. Հայաստանի Հանրապետության կառավարությանն առընթեր Հայաստանի Հանրապետության ոստիկանության պետին`

1) սույն որոշումն ուժի մեջ մտնելուց հետո երկշաբաթյա ժամկետում գնորդի հետ Հայաստանի Հանրապետության անունից կնքել սույն որոշման հավելվածում նշված անշարժ գույքի առուվաճառքի պայմանագիր` հետևյալ հիմնական պայմաններով`

ա. գինը` 866 200 000 դրամ (ԱԱՀ-ով հարկման օբյեկտ չէ), որը հավասար է սույն որոշման 3-րդ կետի 2-րդ ենթակետում նշված նախնական պայմանագրով նախատեսված` ԱԱՀ-ն ներառող գնին,

բ. գնի վճարման կարգը և ժամկետը` միանվագ բանկային փոխանցում Հայաստանի Հանրապետության կառավարությանն առընթեր Հայաստանի Հանրապետության ոստիկանության արտաբյուջետային հաշվին` պայմանագրի կնքումից հետո յոթ տարվա ընթացքում,

գ. (ենթակետն ուժը կորցրել է  31.07.14 N 814-Ն)

2) Երևանի Նալբանդյան 106/1 հասցեում կառուցվելիք բազմաֆունկցիոնալ, բազմահարկ շենքից 1296 քառ. մետր բարեկարգված և ժամանակակից հագեցվածությամբ անշարժ գույքի (ընդհանուր հողամասի համապատասխան բաժնային սեփականության իրավունքով հանդերձ) նախնական առուվաճառքի պայմանագիր կնքել սույն որոշումն ուժի մեջ մտնելուց հետո երկշաբաթյա ժամկետում` հետևյալ հիմնական պայմաններով`

ա. անշարժ գույքը Հայաստանի Հանրապետության կառավարությանն առընթեր Հայաստանի Հանրապետության ոստիկանության սեփականությանը հանձնվում է նախնական առուվաճառքի մասին պայմանագիր կնքելուց հետո յոթ տարվա ընթացքում,

բ. հիմնական պայմանագրի կնքման ժամկետը` Երևանի Նալբանդյան 106/1 հասցեում բազմահարկ, բազմաֆունկցիոնալ շենքի շինարարության շահագործման փաստագրման ակտի կազմումից հետո 10 օրվա ընթացքում,

գ. հիմնական պայմանագրի գինը` 866 200 000 դրամ (ներառյալ ԱԱՀ-ն),

դ. հիմնական պայմանագրով գնի վճարման կարգը և ժամկետը` միանվագ բանկային փոխանցում Հայաստանի Հանրապետության կառավարությանն առընթեր Հայաստանի Հանրապետության ոստիկանության արտաբյուջետային հաշվից` հիմնական պայմանագրի կնքումից հետո 7 բանկային օրվա ընթացքում,

ե. անշարժ գույքի բարեկարգման և ժամանակակից հագեցվածության համար անհրաժեշտ «ԱՎԱԳ ՇԻՆ» սահմանափակ պատասխանատվությամբ ընկերության կողմից կատարվող ծախսերը` 45 000 000 դրամ,

զ. կառուցապատման նախագծային փաստաթղթերի հաստատումը` Հայաստանի Հանրապետության կառավարությանն առընթեր Հայաստանի Հանրապետության ոստիկանության հետ համաձայնեցված:

(3-րդ կետը փոփ. 29.03.12 N 385-Ա, 31.07.14 N 814-Ն)

4. Գնորդը պայմանագրային պարտավորություն է ստանձնում կազմակերպության բնականոն գործունեությունն ապահովելու նպատակով, Հայաստանի Հանրապետության կառավարությանն առընթեր Հայաստանի Հանրապետության ոստիկանության հետ համաձայնեցված, Երևանի Կենտրոն վարչական շրջանում իր միջոցներով վարձակալել շենք և մինչև սույն որոշման 3-րդ կետի 2-րդ ենթակետի «բ» պարբերությամբ սահմանված ժամկետի լրանալն անհատույց հանձնել կազմակերպության օգտագործմանը:

5. Ընդունել ի գիտություն, որ սույն որոշումից բխող պայմանագրերի նոտարական վավերացման և դրանից բխող գույքային իրավունքների պետական գրանցման հետ կապված ծախսերը կատարվում են գնորդի միջոցներով:

Հայաստանի Հանրապետության վարչապետ	Տ. Սարգսյան
2010 թ. ապրիլի 1 Երևան

Հավելված ՀՀ կառավարության 2010 թվականի մարտի 18-ի N 316-Ա որոշման

Օտարման ենթակա անշարժ գույքի տեսակը, մակերեսը, գտնվելու վայրը	Օտարման ենթակա գույքի գնահատման տարեթիվը, ամսաթիվը և արժեքը	Օտարվող (վաճառվող) գույքի գինը	Գնորդի տվյալները
Շենք, օժանդակ շինություններ և դրանց զբաղեցրած ու սպասարկման համար անհրաժեշտ հողատարածք, Երևանի Նալբանդյան 106/1 հասցեում, շենքերի ընդհանուր մակերեսը` 1216,6 քառ. մ, oժանդակ շինություններինը` 58,3 քառ. մ, հողի ընդհանուր մակերեսը` 2371,16 քառ. մ	28.12.2009 թ. 866 200 000 դրամ	866 200 000 դրամ, որից` 142 269 600 դրամ շենքի և օժանդակ շինությունների զբաղեցրած ու սպասարկման համար անհրաժեշտ հողատարածքի կադաստրային արժեքը	«ԱՎԱԳ ՇԻՆ» ՍՊԸ, քաղ. Երևան, Նազարբեկյան շենք 8, բն. 28, գրանցման N 271.110.03656

Հայաստանի Հանրապետության կառավարության աշխատակազմի ղեկավար

Դ. Սարգսյան