ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

25 սեպտեմբերի 2008 թվականի N 1100-Ն

ՀԱՓՇՏԱԿՎԱԾ ՀՆԱՈՃ ԱՌԱՐԿԱՆԵՐԻ ԵՎ ՄՇԱԿՈՒԹԱՅԻՆ ԱՐԺԵՔՆԵՐԻ ՀԱՇՎԱՌՄԱՆ ԿԱՐԳԸ ՀԱՍՏԱՏԵԼՈՒ ՄԱՍԻՆ

Համաձայն «Ոստիկանության մասին» Հայաստանի Հանրապետության oրենքի 19-րդ հոդվածի 1-ին մասի 3-րդ կետի և Հայաստանի Հանրապետության կառավարության 2002 թվականի սեպտեմբերի 12-ի N 1566-Ն որոշմամբ հաստատված ցանկի 2-րդ կետի` Հայաստանի Հանրապետության կառավարությունը որոշում է.

1. Հաստատել հափշտակված հնաոճ առարկաների և մշակութային արժեքների հաշվառման կարգը` համաձայն հավելվածի:

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Հայաստանի Հանրապետության վարչապետ	Տ. Սարգսյան
2008 թ. հոկտեմբերի 6 Երևան

Հավելված ՀՀ կառավարության 2008 թվականի սեպտեմբերի 25-ի N 1100-Ն որոշման

Կ Ա Ր Գ

ՀԱՓՇՏԱԿՎԱԾ ՀՆԱՈՃ ԱՌԱՐԿԱՆԵՐԻ ԵՎ ՄՇԱԿՈՒԹԱՅԻՆ ԱՐԺԵՔՆԵՐԻ ՀԱՇՎԱՌՄԱՆ

1. Սույն կարգով սահմանվում են հափշտակված հնաոճ առարկաները և մշակութային արժեքները հաշվառելու, հաշվառումից հանելու հիմքերը և կարգը:

2. Սույն կարգում օգտագործված են հետևյալ հասկացությունները`

1) հնաոճ առարկաներ` 75 տարվանից ավելի վաղեմություն ունեցող` մշակութային նշանակության առարկաներ և 50 տարվանից ավելի վաղեմություն ունեցող ստեղծագործություններ.

2) հափշտակված հնաոճ առարկայի կամ մշակութային արժեքի տեղեկատվական-որոնողական քարտ (այսուհետ` քարտ) (N 1 ձև)` հաշվառման փաստաթուղթ (հափշտակված հնաոճ առարկաների կամ մշակութային արժեքների վերաբերյալ), որը լրացնում է քրեական վարույթն իրականացնող մարմինը և ուղարկում Հայաստանի Հանրապետության կառավարությանն առընթեր Հայաստանի Հանրապետության ոստիկանության ինֆորմացիոն կենտրոն (այսուհետ` ինֆորմացիոն կենտրոն)` հաշվառման վերցնելու համար.

3) հափշտակված հնաոճ առարկայի և մշակութային արժեքի տեղեկատվական-որոնողական քարտի դասակարգիչ (այսուհետ` դասակարգիչ) (N 2 ձև)` պայմանական ծածկագրերի ամբողջություն, որոնք անհրաժեշտ են քարտը լրացնելու և քարտում նշված տվյալները քարտադարան մուտքագրելու համար.

4) հաշվառում` հափշտակված հնաոճ առարկաներին կամ մշակութային արժեքներին վերաբերող` լրացված հաշվառման փաստաթղթի ընդունմանը, դրանում նշված տեղեկությունների մշակմանը, համակարգմանն ու պահպանմանն ուղղված գործողություններ.

5) հափշտակված հնաոճ առարկաների և մշակութային արժեքների քարտադարան (այսուհետ` քարտադարան)` ինֆորմացիոն կենտրոնում գործող թղթային և (կամ) էլեկտրոնային եղանակով վարվող պահոց, որտեղ հավաքվում, մշակվում, համակարգվում ու պահվում է հափշտակված հնաոճ առարկաների և մշակութային արժեքների մասին տեղեկատվությունը:

(2-րդ կետը խմբ. 19.06.14 N 628-Ն)

3. Հնաոճ առարկան կամ մշակութային արժեքը հաշվառման վերցնելու համար հիմք է հանդիսանում դրանց հափշտակված լինելը, որի դեպքում քրեական վարույթն իրականացնող մարմինը ոչ ուշ, քան 3 աշխատանքային օրվա ընթացքում լրացնում է N 1 ձևի քարտը` դասակարգչի համաձայն, և ուղարկում ինֆորմացիոն կենտրոն` հափշտակված հնաոճ առարկան կամ մշակութային արժեքը հաշվառման վերցնելու համար:

(3-րդ կետը խմբ. 19.06.14 N 628-Ն)

4. (կետն ուժը կորցրել է 19.06.14 N 628-Ն)

5. Քարտում նշվում են քրեական գործի համարը, քրեական գործի հարուցման օրը, ամիսը, տարեթիվը, քրեական վարույթն իրականացնող մարմնի անվանումը, հնաոճ առարկայի կամ մշակութային արժեքի տեսակը, անվանումը (վերնագիրը), ստեղծողը, ստեղծման ժամանակը, ստեղծման վայրը, չափսերը, քաշը, գնահատման արժեքը, ձեռքբերման աղբյուրը, բովանդակությունը, ոճը (ուղղությունը), կատարման տեխնիկան, երանգավորումը, նյութը, մակագրությունը (ստորագրություն, արձանագրություն, դրոշմ, նշան), համառոտ նկարագրությունը (ձև, ձևավորում, բնորոշ մանրամասներ, հատուկ նշաններ, արատներ, վնասվածքներ), հափշտակության ամսաթիվը, վայրը, նկարագրությունը, պատկանելությունը, պետական կամ տեղական ինքնակառավարման մարմինների կամ իրավաբանական անձանց անվանումը, կամ ֆիզիկական անձի անունը, ազգանունը, հայրանունը, ծննդյան տարեթիվը, պետական կամ տեղական ինքնակառավարման մարմինների կամ իրավաբանական անձանց գտնվելու վայրը, ֆիզիկական անձի բնակության վայրը: Առկայության դեպքում քարտին կցվում է նաև հափշտակված հնաոճ առարկայի կամ մշակութային արժեքի լուսանկարը կամ էսքիզային նկարը:

(5-րդ կետը փոփ., լրաց. 19.06.14 N 628-Ն)

6. Ինֆորմացիոն կենտրոնը քարտն ստանալուց հետո մեկ աշխատանքային օրվա ընթացքում այն մուտքագրում է քարտադարան:

(6-րդ կետը խմբ. 19.06.14 N 628-Ն)

7. (կետն ուժը կորցրել է 19.06.14 N 628-Ն)

8. Հափշտակված հնաոճ առարկաները կամ մշակութային արժեքները հաշվառումից հանելու հիմք է հանդիսանում հնաոճ առարկայի կամ մշակութային արժեքի հայտնաբերումը:

(8-րդ կետը խմբ. 19.06.14 N 628-Ն)

9. Քրեական վարույթն իրականացնող մարմինը սույն կարգի 8-րդ կետում նշված դեպքում մեկ աշխատանքային օրվա ընթացքում գրություն է ուղարկում ինֆորմացիոն կենտրոն` հնաոճ առարկան կամ մշակութային արժեքը հաշվառումից հանելու համար` նշելով հաշվառումից հանելու հիմքը և ամսաթիվը:

(9-րդ կետը խմբ. 19.06.14 N 628-Ն)

10. Քրեական վարույթն իրականացնող մարմնից ստացած գրության հիման վրա ինֆորմացիոն կենտրոնը հափշտակված հնաոճ առարկան կամ մշակութային արժեքը մեկ աշխատանքային օրվա ընթացքում հանում է հաշվառումից:

(10-րդ կետը խմբ. 19.06.14 N 628-Ն)

11. Հաշվառումից հանված քարտերը հանվում են քարտադարանից և արխիվացվում են արխիվային գործի մասին Հայաստանի Հանրապետության օրենսդրությամբ սահմանված կարգով:

(11-րդ կետը խմբ. 19.06.14 N 628-Ն)

12. Քարտադարանից տեղեկություններ անմիջականորեն ստանալու իրավունք ունեն` Հայաստանի Հանրապետության Նախագահի աշխատակազմը, Հայաստանի Հանրապետության կառավարության աշխատակազմը, Հայաստանի Հանրապետության կառավարությանն առընթեր Հայաստանի Հանրապետության ոստիկանության (այսուհետ` Հայաստանի Հանրապետության ոստիկանություն) ստորաբաժանումները, Հայաստանի Հանրապետության կառավարությանն առընթեր ազգային անվտանգության ծառայությունը, Հայաստանի Հանրապետության ֆինանսների նախարարությունը, Հայաստանի Հանրապետության պաշտպանության նախարարությունը, Հայաստանի Հանրապետության արդարադատության նախարարությունը, Հայաստանի Հանրապետության մշակույթի նախարարությունը, Հայաստանի Հանրապետության դատախազությունը, Հայաստանի Հանրապետության հատուկ քննչական ծառայությունը, Հայաստանի Հանրապետության դատարանները: Պետական մյուս մարմինները քարտադարանից կարող են օգտվել Հայաստանի Հանրապետության ոստիկանության տարածքային ստորաբաժանումների միջոցով` օրենքով սահմանված լիազորությունների շրջանակում: Ֆիզիկական և իրավաբանական անձինք քարտադարանից կարող են ստանալ իրենց պատկանող հնաոճ առարկաների և մշակութային արժեքների վերաբերյալ առկա տեղեկատվություն` Հայաստանի Հանրապետության ոստիկանության տարածքային ստորաբաժանումների միջոցով: Հայաստանի Հանրապետության ոստիկանության տարածքային ստորաբաժանումները տեղեկատվությունը տրամադրում են պետական մարմինների, իրավաբանական անձանց գրությունները կամ ֆիզիկական անձանց դիմումներն ստանալուց հետո 7 աշխատանքային օրվա ընթացքում:

(12-րդ կետը լրաց. 19.06.14 N 628-Ն)

13. Քարտադարանից տեղեկություններ ստանալու համար հարցումները և դրանց պատասխանները ձևակերպվում են գրությամբ: Քարտադարանից անմիջականորեն տեղեկություններ ստանալու իրավունք ունեցող պետական մարմինների և Հայաստանի Հանրապետության ոստիկանության տարածքային ստորաբաժանումների հարցումներին ինֆորմացիոն կենտրոնը պատասխանում է 3 աշխատանքային օրվա ընթացքում:

(13-րդ կետը լրաց. 19.06.14 N 628-Ն)

14. Հարցումն էլեկտրոնային եղանակով կատարելու դեպքում քարտադարանի ավտոմատացված համակարգը տրամադրվող տեղեկությունը հավաստում է` նշելով տեղեկության տրամադրման ամսաթիվը և ժամը: Հարցման և տրամադրվող տեղեկության մասին տվյալներն էլեկտրոնային եղանակով արձանագրվում և պահվում են Հայաստանի Հանրապետության օրենսդրությամբ սահմանված կարգով: Քարտադարանի ավտոմատացված համակարգից էլեկտրոնային եղանակով տեղեկությունների տրամադրման կարգը հաստատվում է Հայաստանի Հանրապետության ոստիկանության պետի հրամանով:

(14-րդ կետը լրաց. 19.06.14 N 628-Ն)

15. Հափշտակված հնաոճ առարկաների և մշակութային արժեքների վերաբերյալ քարտադարանում առկա` սույն կարգի N 1 ձևի քարտի 4-20-րդ կետերով նախատեսված տեղեկատվությունը, ինչպես նաև լուսանկարը կամ էսքիզային նկարը ենթակա են հրապարակման Հայաստանի Հանրապետության ոստիկանության պաշտոնական կայքում:

(15-րդ կետը լրաց. 19.06.14 N 628-Ն)

Հայաստանի Հանրապետության կառավարության աշխատակազմի ղեկավար

Դ. Սարգսյան

Ձև N 1

ՀԱՓՇՏԱԿՎԱԾ ՀՆԱՈՃ ԱՌԱՐԿԱՅԻ ԿԱՄ ՄՇԱԿՈՒԹԱՅԻՆ ԱՐԺԵՔԻ ՏԵՂԵԿԱՏՎԱԿԱՆ-ՈՐՈՆՈՂԱԿԱՆ ՔԱՐՏԸ

1. Քրեական գործի համարը __________ 2. Հարուցման ամսաթիվը ___________ 3. Քրեական վարույթն իրականացնող մարմնի անվանումը ___________________

4. Հնաոճ առարկայի տեսակը 5. Մշակութային արժեքի տեսակը  6. Անվանումը _______ 7. Ստեղծողը _ ________ 8. Ստեղծման ժամանակը (դարը, տարին) ____________ 9. Ստեղծման վայրը ______________ 10. Չափսերը (ծավալը) _ ______________ 11. Քաշը _____________________ 12. Գնահատման արժեքը __________ 13. Ձեռքբերման աղբյուրը  14. Բովանդա-կությունը 15. Ոճը 16.Կատարման տեխնիկան 17. Երան-գավորումը 18. Նյութը 19. Մակագրությունը     20. Հնաոճ առարկայի կամ մշակութային արժեքի համառոտ նկարագրությունը (ձևը, ձևավորումը, բնորոշ մանրամասները, հատուկ նշանները, արատները, վնասվածքները) __________________ __________________ __________________ __________________ 21. Հափշտակության կատարման ամսաթիվը _____________ 22. Հափշտակության կատարման վայրը ________________

քարտի դարձերեսը

23. Պատկանելությունը   24. Պետական մարմնի անվանումը _______ 25. Տեղական ինքնակառավարման _______ մարմնի անվանումը 26. Իրավաբանական անձի անվանումը _____________________ 27. Ֆիզիկական անձի անունը, ազգանունը, _______________ հայրանունը ___________ 28. Ծննդյան տարեթիվը _________ 29. Պետական կամ տեղական ինքնակառավարման մարմնի կամ իրավաբանական անձի գտնվելու վայրը կամ ֆիզիկական անձի բնակության վայրը ______________________ (հանրապետություն) _______________ ____________________ (քաղաքը, մարզը, գյուղը) (փողոցը, շենքը, բնակարանը)

էսքիզ կամ լուսանկար

Քարտի լրացման ամսաթիվը __________
Քարտը լրացրեց _________________ (պաշտոնը, կոչումը)	Պետ________________________________ (կոչումը, ազգանունը, ստորագրությունը)
_________________________ (ազգանունը, ստորագրությունը)   Հեռախոսահամարը ___________________

Ձև N 2

ՀԱՓՇՏԱԿՎԱԾ ՀՆԱՈՃ ԱՌԱՐԿԱՅԻ ԵՎ ՄՇԱԿՈՒԹԱՅԻՆ ԱՐԺԵՔԻ ՏԵՂԵԿԱՏՎԱԿԱՆ-ՈՐՈՆՈՂԱԿԱՆ ՔԱՐՏԻ ԴԱՍԱԿԱՐԳԻՉ

NN ը/կ	Ծածկագիրը	Քարտի բաղադրիչների անվանումները
1	2	3
1.	թիվ	քրեական գործի համարը
2.	օրը, ամիսը, տարեթիվը	հարուցման ամսաթիվը
3.	տեքստ	քրեական վարույթն իրականացնող մարմնի անվանումը
4.		հնաոճ առարկայի տեսակը
	01	մշակութային նշանակության առարկաներ
	02	համարանիշային (սերիական) արտադրության առարկաներ
	03	զանգվածային արտադրության առարկաներ
	04	գրական և երաժշտական ստեղծագործությունների բնօրինակներ
	05	գեղանկարներ
	06	պաշտամունքային առարկաներ
	07	փորագրություններ և այլ դրոշմվածքաձևեր
	08	կենցաղային իրեր (տեխնիկական սարքեր)
	09	մեդալներ, կրծքանշաններ, շքանշաններ
	10	կնիքներ
	11	բուսական առարկաներ, նմուշներ, հավաքածուներ
	12	սպասք
	13	կահույք (ֆուրնիտուրա)
	14	զարդատուփ (արկղիկ)
	15	պատի զարդարանքներ
	16	աշխատանքային գործիքներ
	17	առանձին կամ հավաքածու գրքեր
	18	երաժշտական գործիքներ
	19	ժամացույց
	20	զենք
	21	արխիվային փաստավավերագրեր
	22	մետաղադրամներ
	23	թղթադրամներ
	24	առանձին կամ հավաքածու նամականիշեր, դրոշմանիշեր
	25	գորգ (կարպետ)
	26	սառը զենք
	27	գոբելեն
	28	քանդակներ
	29	ոսկերչական իրեր, զարդեր
	30	կենդանական առարկաներ, նմուշներ, հավաքածուներ
	31	երկրաբանական առարկաներ, նմուշներ, հավաքածուներ
	32	հրատարակություններ
	33	սրբապատկեր
	34	գծանկար (գրաֆիկա)
	35	մանրանկար
	36	խճանկար
	37	այլ առարկաներ
5.		մշակութային արժեքի տեսակը
	01	պատմական առարկաներ, ընտանեկան մասունքներ
	02	պատմահնագիտական գտածոներ և առարկաներ
	03	գեղարվեստական հորինվածքներ և համակցված կառուցվածքներ (մոնտաժներ)
	04	պաշտամունքային առարկաներ
	05	փորագրություններ և այլ դրոշմվածքաձևեր
	06	կենցաղային իրեր (տեխնիկական սարքեր)
	07	գեղարվեստական մեդալներ, կրծքանշաններ, շքանշաններ
	08	կնիքներ
	09	բուսական առարկաներ, նմուշներ, հավաքածուներ
	10	սպասք
	11	կահույք (ֆուրնիտուրա)
	12	հնագույն զարդատուփ (արկղիկ)
	13	պատի զարդարանքներ
	14	հնագույն աշխատանքային գործիքներ
	15	առանձին կամ հավաքածու հնագույն և հազվագյուտ գրքեր
	16	եզակի երաժշտական գործիքներ
	17	պատմական հուշարձանների բաղկացուցիչ մասեր և բեկորներ
	18	տարազ
	19	գեղարվեստական հուշարձանների բաղկացուցիչ մասեր և բեկորներ
	20	ժամացույց
	21	ճարտարապետական և կոթողային հուշարձանների բաղկացուցիչ մասեր և բեկորներ
	22	զենք
	23	գեղանկար
	24	փաստաթղթային հուշարձաններ, արխիվային փաստավավերագրեր
	25	փաստաթղթային հուշարձանների բաղկացուցիչ մասեր և բեկորներ
	26	մետաղադրամներ
	27	թղթադրամներ
	28	առանձին կամ հավաքածու նամականիշեր, դրոշմանիշեր
	29	գորգ (կարպետ)
	30	սառը զենք
	31	գոբելեն
	32	հազվագյուտ ձեռագրեր
	33	ժողովրդական ստեղծագործության առարկաներ
	34	քանդակներ
	35	եզակի ոսկերչական իրեր, զարդեր
	36	կենդանական առարկաներ, նմուշներ, հավաքածուներ
	37	երկրաբանական առարկաներ, նմուշներ, հավաքածուներ
	38	ազգագրական նյութեր
	39	մարդաբանական նյութեր
	40	բանահյուսական նյութերի անտիպ ժողովածուներ
	41	հնատիպ հրատարակություններ
	42	սրբապատկեր
	43	գծանկար (գրաֆիկա)
	44	մանրանկար
	45	խճանկար
	46	այլ առարկաներ
6.	տեքստ	հնաոճ առարկայի կամ մշակութային արժեքի անվանումը (վերնագիրը)
7.	տեքստ	ստեղծողը
8.	դար, տարի	ստեղծման ժամանակը
9.	տեքստ	ստեղծման վայրը
10.	երկար., լայն., բարձր. (սմ) տրամագիծ (մմ)	չափսերը (ծավալը)
11.	կարատ, գ, կգ	քաշը
12.	դրամ	գնահատման արժեքը
13.		ձեռքբերման աղբյուրը
	01	ժառանգություն
	02	նվիրատվություն
	03	աճուրդ
	04	մշակութային արժեքների խանութ
	05	մասնավոր անձ
	06	արտերկիր
14.		բովանդակությունը
	01	բնանկար
	02	դիմանկար
	03	մարտանկար
	04	ծովանկար
	05	ծաղրանկար
	06	նատյուրմորտ
	07	զարդանկար
	08	պատմական սյուժե
	09	դիցաբանական սյուժե
	10	կրոնական սյուժե
	11	կենդանիների պատկերում
	12	որսի տեսարան
	13	ճարտարապետական հորինվածք
	14	մանկան կիսանդրի
	15	կնոջ կիսանդրի
	16	տղամարդու կիսանդրի
	17	զարդաքանդակ
	18	մանկան արձանիկ
	19	կնոջ արձանիկ
	20	տղամարդու արձանիկ
	21	մանկան արձան
	22	կնոջ արձան
	23	տղամարդու արձան
	24	բազմաֆիգուր հորինվածք
	25	այլ
15.		ոճ (ուղղություն)
	01	աբստրակցիոնիզմ
	02	ավանգարդիզմ
	03	անտիկ
	04	բարոկկո
	05	վերածնունդ
	06	գոթական
	07	եգիպտական
	08	կլասիցիզմ
	09	օրիենտալիզմ (արևելյան ոճ)
	10	ռեալիզմ
	11	ռոմանտիզմ
	12	ազգային
	13	սյուրռեալիզմ
	14	ռոկոկո
	15	այլ
16.		կատարման տեխնիկան
	01	ջրաներկի
	02	ճենապակի` կրկնաթրծված
	03	ասեղնագործման
	04	ջնարակի
	05	փորագրման
	06	փչման
	07	դրվագազարդման
	08	մատիտանկարման
	09	կոփման
	10	փայտափորագրման
	11	ծեփման
	12	լինոփորագրման
	13	վիմատպման
	14	ձուլման
	15	յուղաներկման
	16	օֆորտի
	17	գունամատիտանկարման
	18	պոլիգրաֆիական տպագրման
	19	նախշազարդման
	20	նախշազարդման` ջնարակի վրայից
	21	նախշազարդման` ջնարակի տակից
	22	ցանցազարդման
	23	լաքապատման
	24	երեսակման
	25	ոսկեջրման
	26	փայլեցման
	27	արծաթապատման
	28	սևաներկման
	29	արծնապատման
	30	տեմպերայի
	31	տուշ` ստվերաներկման
	32	ածուխի
	33	մետաղյա թելազարդման
	34	քանդակադրոշմման
	35	դրոշմահատման
	36	այլ
17.		երանգավորումը
	01	մռայլ, մուգ երանգի
	02	մեղմ, գունամատիտի երանգի
	03	բազմագույն
	04	խամրած, փայլատ
	05	ջերմ երանգի
	06	սառը երանգի
	07	միագույն
	08	սև ու սպիտակ
	09	այլ երանգի
18.		նյութը
	01	երկաթ
	02	բրոնզ
	03	թուղթ
	04	գիպս
	05	փայտանյութ (օրինակ՝ լորենի, թխկի, ընկուզենի)
	06	արժեքավոր տեսակի փայտանյութ (օրինակ՝ կարմիր, սև, վարդագույն)
	07	թանկարժեք քար (օրինակ` ալմաստ, զմրուխտ, սուտակ)
	08	ոսկի
	09	ստվարաթուղթ
	10	կավ
	11	կաշի
	12	ոսկոր
	13	արույր
	14	ջնարակախեցի
	15	սպիտակ մետաղ (ոչ ազնիվ)
	16	պղինձ
	17	մորթի
	18	քար (օրինակ` մարմար)
	19	կիսաթանկարժեք քար (օրինակ` նեֆրիտ, հասպիս)
	20	արծաթ
	21	ապակի
	22	թրծակավ
	23	գործվածք
	24	ճենապակի
	25	հախճապակի
	26	բյուրեղապակի
	27	արծնապակի
	28	այլ նյութ
19.	տեքստ	մակագրություն (ստորագրություն, արձանագրություն, դրոշմ, նշան)
20.	տեքստ	հնաոճ առարկայի կամ մշակութային արժեքի համառոտ նկարագրությունը (ձև, ձևավորում, բնորոշ մանրամասներ, հատուկ նշաններ, արատներ)
21.	օրը, ամիսը, տարեթիվը	հափշտակության կատարման ամսաթիվը
22.	տեքստ	հափշտակության կատարման վայրը
23.		պատկանելությունը
	01	թանգարան
	02	եկեղեցի
	03	կաթոլիկ եկեղեցի
	04	սինագոգա
	05	մզկիթ
	06	աղոթատուն
	07	պետական մարմին
	08	տեղական ինքնակառավարման մարմին
	09	ֆիզիկական անձ
	10	իրավաբանական անձ
	11	գրադարան
	12	պարզված չէ
	13	օտարերկրյա ներկայացուցչություն
	14	օտարերկրյա ֆիրմա
24.	տեքստ	պետական մարմնի անվանումը
25.	տեքստ	տեղական ինքնակառավարման մարմնի անվանումը
26.	տեքստ	իրավաբանական անձի անվանումը
27.	տեքստ	ֆիզիկական անձի անունը, ազգանունը, հայրանունը
28.	օրը, ամիսը, տարեթիվը	ծննդյան տարեթիվը
29.	տեքստ	պետական կամ տեղական ինքնակառավարման մարմնի կամ իրավաբանական անձի գտնվելու վայրը կամ ֆիզիկական անձի բնակության վայրը

(ձևը խմբ. 19.06.14 N 628-Ն)

(հավելվածը խմբ., փոփ., լրաց. 19.06.14 N 628-Ն)