ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

 3 սեպտեմբերի 2014 թվականի N 832-Ա

ԱՇԽԱՏԱՆՔԱՅԻՆ ԽՈՒՄԲ ՍՏԵՂԾԵԼՈՒ ԵՎ ԴՐԱ ԱՆՀԱՏԱԿԱՆ ԿԱԶՄԸ ՀԱՍՏԱՏԵԼՈՒ ՄԱՍԻՆ

Հիմք ընդունելով Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրով սահմանված կարգի 121-րդ կետի 2-րդ ենթակետը`

1. Հայաստանի Հանրապետության տարբեր պետական մարմիններում առկա՝ Հայաստանի Հանրապետության քաղաքացիների սոցիալական և առողջապահական կարգավիճակին առնչվող տվյալների փոխանակման համակարգի մշակման ու միջգերատեսչական տվյալների փոխանակումը տեխնոլոգիական նոր լուծումների պայմաններում կանոնակարգելու նպատակով Հայաստանի Հանրապետության կառավարության որոշման նախագիծ մշակելու համար ստեղծել աշխատանքային խումբ և հաստատել դրա անհատական կազմը` համաձայն հավելվածի:

2. Աշխատանքային խմբի ղեկավարին`

1) կազմակերպել քննարկումներ աշխատանքային խմբի կազմով` սույն որոշման 1-ին կետով նախատեսված որոշման նախագիծը մշակելու նպատակով` անհրաժեշտության դեպքում խորհրդակցական կարգով այլ հանրապետական գործադիր մարմիններից ներկայացուցիչներ ներգրավելով.

2) նախապատրաստել սույն որոշման 1-ին կետով նախատեսված որոշման նախագիծը և մինչև 2014 թվականի սեպտեմբերի 30-ը ներկայացնել Հայաստանի Հանրապետության կառավարության աշխատակազմ:

Հայաստանի Հանրապետության վարչապետ	Հ. Աբրահամյան
2014 թ. սեպտեմբերի 3 Երևան

Հավելված ՀՀ վարչապետի 2014 թ. սեպտեմբերի 3-ի N 832-Ա որոշման

Ա Ն Հ Ա Տ Ա Կ Ա Ն   Կ Ա Զ Մ

ԱՇԽԱՏԱՆՔԱՅԻՆ ԽՄԲԻ

Ա. Թունյան	- ՀՀ կառավարության աշխատակազմի ղեկավար-նախարարի խորհրդական (աշխատանքային խմբի ղեկավար)
Ս. Ծատուրյան	- ՀՀ առողջապահության նախարարության աշխատակազմի պետական առողջապահական գործակալության պետ
Ս. Խարազյան	- ՀՀ առողջապահության նախարարության աշխատակազմի պետական առողջապահական գործակալության բժշկական ծառայությունների գնման և տեղեկատվական բաժնի պետ
Ա. Գալստյան	- ՀՀ աշխատանքի և սոցիալական հարցերի նախարարության աշխատակազմի կենսաթոշակային ապահովության վարչության պետ
Ա. Մինասյան	- ՀՀ աշխատանքի և սոցիալական հարցերի նախարարության աշխատակազմի սոցիալական աջակցության վարչության պետ
Ա. Սիմոնյան	- ՀՀ աշխատանքի և սոցիալական հարցերի նախարարության աշխատակազմի բժշկասոցիալական փորձաքննության գործակալության պետի պաշտոնակատար
Վ. Աբազյան	- ՀՀ աշխատանքի և սոցիալական հարցերի նախարարության «Նորք» տեղեկատվավերլուծական կենտրոն» փակ բաժնետիրական ընկերության գործադիր տնօրեն (համաձայնությամբ)

Հայաստանի Հանրապետության կառավարության աշխատակազմի ղեկավար-նախարար

Դ. Հարությունյան