ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

23 ապրիլի 2014 թվականի N 344-Ա

ՀԱՄԱՇԽԱՐՀԱՅԻՆ ԲԱՆԿԻ ՊԱՏՎԻՐԱԿՈՒԹՅԱՆ ՀԵՏ ԷԼԵԿՏՐԱՄԱՏԱԿԱՐԱՐՄԱՆ ՀՈՒՍԱԼԻՈՒԹՅԱՆ ԾՐԱԳՐԻ ԼՐԱՑՈՒՑԻՉ ՖԻՆԱՆՍԱՎՈՐՄԱՆ ՇՈՒՐՋ ԲԱՆԱԿՑՈՒԹՅՈՒՆՆԵՐ ՎԱՐԵԼՈՒ ՆՊԱՏԱԿՈՎ ԲԱՆԱԿՑԱՅԻՆ ԽՈՒՄԲ ՍՏԵՂԾԵԼՈՒ ԵՎ ԴՐԱ ԱՆՀԱՏԱԿԱՆ ԿԱԶՄԸ ՀԱՍՏԱՏԵԼՈՒ ՄԱՍԻՆ

Ղեկավարվելով Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրի 1-ին կետով սահմանված կարգի 121-րդ կետի 2-րդ և 8-րդ ենթակետերի պահանջներով՝

1. Համաշխարհային բանկի պատվիրակության հետ Էլեկտրամատակարարման հուսալիության ծրագրի (այսուհետ՝ ծրագիր) շրջանակներում Վերակառուցման և զարգացման միջազգային բանկի կողմից առաջարկվող 40 մլն ԱՄՆ-ի դոլար լրացուցիչ ֆինանսավորման շուրջ Երևանում բանակցություններ վարելու նպատակով ստեղծել բանակցային խումբ և հաստատել դրա անհատական կազմը՝ համաձայն հավելվածի:

2. Լիազորել բանակցային խմբի ղեկավարին Հայաստանի Հանրապետության կառավարության անունից քննարկել Հայաստանի Հանրապետության ու Վերակառուցման և զարգացման միջազգային բանկի միջև կնքվելիք վարկային համաձայնագրի նախագիծը, «Բարձրավոլտ էլեկտրական ցանցեր» փակ բաժնետիրական ընկերության ու Վերակառուցման և զարգացման միջազգային բանկի միջև կնքվելիք ծրագրի վերաբերյալ համաձայնագրի նախագիծը, ինչպես նաև ծրագրի նախագիծն ու մասհանումների վերաբերյալ նամակը և բանակցությունների արդյունքում ստորագրել համապատասխան արձանագրություն:

Հայաստանի Հանրապետության վարչապետ	Հ. Աբրահամյան
2014 թ. ապրիլի 23 Երևան

Հավելված ՀՀ վարչապետի 2014 թ. ապրիլի 23-ի N 344-Ա որոշման

Ա Ն Հ Ա Տ Ա Կ Ա Ն   Կ Ա Զ Մ

ԲԱՆԱԿՑԱՅԻՆ ԽՄԲԻ

Ա. Մովսիսյան	- ՀՀ էներգետիկայի և բնական պաշարների նախարարի պաշտոնակատար (բանակցային խմբի ղեկավար)
Ա. Գալստյան	- ՀՀ էներգետիկայի և բնական պաշարների նախարարի տեղակալ
Ա. Բաղդասարյան	- ՀՀ էկոնոմիկայի նախարարության աշխատակազմի տնտեսական զարգացման քաղաքականության վարչության պետ
Ռ. Դավթյան	- ՀՀ ֆինանսների նախարարության աշխատակազմի տնտեսության արտադրական ոլորտի բյուջետային ընթացիկ ծախսերի ֆինանսական ծրագրավորման վարչության պետ
Ա. Մարության	- ՀՀ ֆինանսների նախարարության աշխատակազմի պետական պարտքի կառավարման վարչության պետի տեղակալ-հաշվառման և սպասարկման բաժնի պետ
Լ. Հարությունյան	- ՀՀ ֆինանսների նախարարության աշխատակազմի միջազգային համագործակցության վարչության պետի տեղակալ
Ա. Ավետիսյան	- ՀՀ ֆինանսների նախարարության աշխատակազմի իրավաբանական վարչության պետի տեղակալ
Ս. Աբրահամյան	- «Բարձրավոլտ էլեկտրական ցանցեր» ՓԲԸ-ի գլխավոր տնօրեն (համաձայնությամբ)

Հայաստանի Հանրապետության կառավարության աշխատակազմի ղեկավար-նախարար

Դ. Հարությունյան