ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

6 մարտի 2014 թվականի N 234-Ա

ԲՆԱԿԵԼԻ ՏԱՐԱԾՔ ՆՎԻՐԵԼՈՒ ՄԱՍԻՆ

Համաձայն Հայաստանի Հանրապետության քաղաքացիական օրենսգրքի 594-րդ հոդվածի և Հայաստանի Հանրապետության կառավարության 2011 թվականի մարտի 24-ի N 305-Ն որոշման՝ Հայաստանի Հանրապետության կառավարությունը որոշում է.

1. «Հայաստանի Հանրապետության կառավարությանն առընթեր պետական գույքի կառավարման վարչության աշխատակազմ» պետական կառավարչական հիմնարկի տնօրինության՝ Երևան քաղաքի Մոլդովական 70 N 1 (Նոր Նորքի ուսանողական ավանի 1-ին մասնաշենք), Վարդաշեն 6-րդ փող. 66/1 (նախկին Վարդաշեն 66ա) և Աբովյան քաղաքի Ճարտարագիտական քոլեջի հանրակացարաններում բնակվող՝ Հայաստանի Հանրապետության քաղաքացիներին Հայաստանի Հանրապետության օրենսդրությամբ սահմանված կարգով նվիրել իրենց կողմից զբաղեցված բնակելի տարածքները` համաձայն հավելվածի, սեփականության իրավունքով կամ ընդհանուր բաժնային սեփականության իրավունքով՝ հավասար բաժիններով:

2. Հայաստանի Հանրապետության կառավարությանն առընթեր պետական գույքի կառավարման վարչության պետին` սույն որոշումն ուժի մեջ մտնելուց հետո վեցամսյա ժամկետում սույն որոշման հավելվածում նշված անձանց հետ կնքել բնակելի տարածքների նվիրատվության պայմանագրեր՝ դրանցում նախատեսելով, որ պայմանագրի և պայմանագրից բխող գույքային իրավունքների պետական գրանցման ծախսերը ենթակա են իրականացման՝ նվիրառու հանդիսացող բնակիչների կողմից:

3. Սահմանել, որ սույն որոշման հավելվածում նշված հանրակացարանների զբաղեցրած և սպասարկման համար հատկացված հողամասի նկատմամբ ընդհանուր բաժնային սեփականության իրավունքը Հայաստանի Հանրապետության օրենքով սահմանված կարգով անցնում է հանրակացարանների առանձին տարածքների նկատմամբ սեփականության իրավունք ձեռք բերողներին:

Հայաստանի Հանրապետության վարչապետ	Տ. Սարգսյան
2014 թ. մարտի 17 Երևան

Հավելված ՀՀ կառավարության 2014 թվականի մարտի 6-ի N 234-Ա որոշման

Ց Ա Ն Կ

ԵրԵՎան քաղաքի Մոլդովական 70 N 1 (Նոր նորքի ուսանողական ավանի 1-ին մասնաշենք), Վարդաշեն 6-րդ փող. 66/1 (նախկին Վարդաշեն 66ա) ԵՎ Աբովյան քաղաքի Ճարտարագիտական քոլեջի հանրակացարանների նվիրատվության ենթակա բնակելի տարածքների

NN ը/կ	Նվիրատվության ենթակա բնակարանների գտնվելու վայրը, սենյակների թիվը	Բնակիչների ազգանունը, անունը, հայրանունը	Անձնագրային տվյալները	Հատ-կաց-ման տարե-թիվը	Զբաղեցրած բնակելի տարածքի մակերեսը  (քառ. մետր)	Զբաղեցրած բնակելի տարածքի սկզբնական արժեքը (դրամ)	Սեփականության իրավունքով կամ ընդհանուր բաժնային սեփականության իրավունքով տրվող
1.	Քաղ. Երևան, Վարդաշեն, 6-րդ փող., 66/1 հասցեի հանրակացարանի N 409 սենյակ	Կարապետյան Ժենյա Հենրիկի	AF0606009, տրված՝ 12.10.2002 թ., 063-ի կողմից	2007 թ.	27.4	162180.6	սեփականության իրավունքով
2.	Քաղ. Երևան, Վարդաշեն, 6-րդ փող., 66/1 հասցեի հանրակացարանի N 513 սենյակ	Գասպարյան Սիրան Սեյրանի Զաքեյան Ռաֆիկ Արամի Գասպարյան Արամ Ռաֆիկի Գասպարյան Անի Ռաֆիկի	AN0670364, տրված՝ 07.10.2013 թ., 009-ի կողմից AM0682061, տրված՝ 04.04.2012 թ., 016-ի կողմից ծնվ.՝ 2000 թ. ծնվ.՝ 2001 թ.	2001 թ.	13.8	81682.2	ընդհանուր բաժնային սեփականության իրավունքով՝ հավասար բաժիններով
3.	Քաղ. Երևան, Մոլդովական 70 N 1 հասցեի հանրակացարանի N 521 սենյակ	Բաբայան Էմմա Վահանի Սաֆարով Ռոբերտ Ալբերտի Սաֆարյան Արտակ Ալբերտի	AF0587830, տրված՝ 13.03.2003 թ., 005-ի կողմից AF0663977, տրված՝ 12.02.2003 թ., 005-ի կողմից AN0286152, տրված՝ 05.12.2012 թ., 005-ի կողմից	2003 թ.	17	101507	ընդհանուր բաժնային սեփականության իրավունքով՝ հավասար բաժիններով
4.	Քաղ. Աբովյան, Ճարտարագիտական քոլեջի հանրակացարանի N 621 սենյակ	Հովհաննիսյան Մարուսյա Անուշավանի	AE0276637, տրված՝ 28.02.1999 թ., 007-ի կողմից	2003 թ.	22.2	172938	սեփականության իրավունքով

Հայաստանի Հանրապետության կառավարության աշխատակազմի ղեկավար-նախարար

Վ. Գաբրիելյան